Bakt søtpotet med urtesmør og facon

Dette er kanskje det beste måltidet eg har laga nokon gong. Kombinasjonen av dei ulike smakane gjorde at dette sendte meg til himmelen. Det einaste som kanskje mangla var litt syre. Neste gong vil eg prøve litt sitron i urtesmøret mitt òg – anten i form av sitronmelisse eller berre nokre enkle sitrondråpar. Greit nok at dette måltidet tar litt tid å lage, men det meste av tida går til baking av søtpoteta og steiking av tofuen. Ellers var det andre ganske enkelt og greit.

OLYMPUS DIGITAL CAMERA

Til jul fekk eg meg ein mortel av lillesøstra mi. Igrunn er det ganske krise at eg ikkje har brukt den før no, men fy søren for ein kjekk sak å ha på kjøkkenet. Ein kan sjølvsagt lage urtesmør og liknande med stavmiksar òg, men det var noko med konsistensen på det heile no når eg nytta mortel som berre var heilt gull.

Oppskrift på urtesmøret:
♥ To blad fersk basilikum
♥ ca. to cm fersk chili
♥ To fedd kvitlauk
♥  1/2 ts dill
♥  1/2 ts maldonsalt
♥  1 pakke Smøremyk raps og kokos

Som vanleg kan ein bytte ut alt ferskt med krydder i pulverform og maldonsalt med kva som helst anna salt. Smøret spelar heller ikkje den store rolla anna enn at det kanskje bør vere litt nøytralt. Det vert sjølvsagt aller best resultat med ferske råvarer, men det seier seg vel kanskje heilt sjølv.

OLYMPUS DIGITAL CAMERA

Som ekstra tilbehør steikte eg sopp og tomatar i rapsolje på lav varme over lang tid.

OLYMPUS DIGITAL CAMERA

Desse tomatane har eg fått heilt dilla på. Når eg har god tid steiker eg dei berre på ei side til dei er gjennomsteikte. Då får dei ei fantastisk gyllen overflate og heile tomaten vert mør og proppfull av fantastiske smakar. Ja, adjektiva seier vel sitt. Eg har fullstendig dilla.

OLYMPUS DIGITAL CAMERA

Tofuen kjøper eg på Rema1000 på Exhibition. Eg trur ikkje Rema1000 skjønte heilt kva etterspørselen på tofuen var for tida for dèt sel ut fort, altså. Dei er utsolgt for tofu om lag tre av fire gongar eg er innom. No sist var eg skikkelig usportslig å kjøpte alt dei hadde. Høyrast ut som eg reiste heim med fem handleposar, men det var ikkje meir enn seks pakkar med tofu a 250g, gitt. Tofu smakar ganske lite for seg sjølv, men eg må seie at eg er mykje meir fan av å nytte tofu i diverse rettar enn til dømes kylling. Tofu kan ein nemleg gje akkurat den smaken ein sjølv vil. No i det siste har eg laga ein del facon med stor suksess. For dei som ikkje er inne i den her veggisterminologien så betyr det eigentleg berre steikt tofu med røyksmak. Eg var IKKJE positiv før eg testa dette ut sjølv, men sidan det er rimeleg poppis blandt veggisar måtte eg prøve det ut. Og veit dokke kva? Eg treng aldri å kjøpe bacon igjen. For å overbevise dokke enno meir: Eg laga facon til ei venninde som ikkje er veggis og ho elska det. I dag kjøpte ho faktisk inn ingrediensar for å lage det sjølv ♥  Hallo, det må vere overbevisande. Eg blir så glad!

Oppskrift på facon:
♥ 1-2 ss liquid smoke
♥ 3 ss næringsgjær
♥ 3-4 ss soyasaus
♥ 250 g tofu

For dokke som ikkje har næringsgjær i skapet så vil eg tru at ein kan bytte dette ut med kva som helst anna pulverisert form for gjevning. Eg vil foreslå heilt vanleg mjøl eller kanskje paprikakrydder. Dette har eg ikkje testa ut, men eg ser ikkje noko grunn til at det ikkje skal fungere. Veggisar nytta næringsgjær mest for B-vitaminen si skuld. Dersom ein ikkje har noko form for gjevning i røra mistar ein kanskje litt av konsistensen, men eg veit rett og slett ikkje. Eg må prøve det ut neste gong kjenner eg.

OLYMPUS DIGITAL CAMERA

Tofuen steiker eg på middels varme over lenger tid. Den er ferdig steikt når den har fått skorpe på seg. Vi har funne ut at det er fordelsmessig at tofuen er skjært opp i veldig små bitar når ein skal lage facon. Då blir den sprø og særs lik bacon. Vi har både skjært tofuen i terningar og i skiver. Begge funkar like bra!

Min liquid smoke har eg kjøpt på Meny. Den kostar om lag 50 kroner, men den varer i evigheiter.

OLYMPUS DIGITAL CAMERA

Når tofuen er steikt sprø er det berre å tilsette blandinga av liquid smoke, næringsgjær og soyasaus. Det kjem til å lukte røkeri på kjøkkenet ditt, og du kjem til å bli forelska i facon. I promise.

Eit lite tips viss du rynkar på nasa av denne røyksmaken er å lese på baksida av dei «røykte» varene du kjøper på butikken. Wink, wink, lissom.

OLYMPUS DIGITAL CAMERA

Søtpotetene prikka eg hol i med ein gaffel og heiv i ovnen. Dei fekk kose seg midt i ovnen på 200°C i ein og ein halv time. Steiketid varierar frå ein time til ein og ein halv, der må ein nesten berre prøve seg fram med størrelse og tid. Eg tok mine søtpoteter ut etter at det hadde osa ein del væske ut av dei. Det viser seg at då var i alle fall mine ferdige.

Når søtpotetene var ferdig bakt snitta eg dei på langs og hadde i mykje urtesmør. Dette fekk stå å trekke litt før eg la heile kunstverket på tallerkenane.

OLYMPUS DIGITAL CAMERA

Om du sei det ikkje ser fristande ut så trur eg faktisk ikkje på deg. Vi måtte ta ein siesta på langt over ein time etter dette måltidet. Det viser seg at ei heil søtpotet kanskje var litt mykje for magen min i alle fall.

OLYMPUS DIGITAL CAMERA

OLYMPUS DIGITAL CAMERA

Wææ, håpar dokke testar det ut altså! Det heile er kanskje litt vel dristig som eit onsdagsprosjekt, men kanskje på fræddan? Eg seier i alle fall ja takk til det.

Advertisements

Fargerik fredagswok

Er ikkje vi lei av den der fredagstacoen snart? Det her er i alle fall eit fantastisk alternativ. Eg har hatt ei vannvittig travel veke med oppgåveskriving og ja, livet. To do-lista stoppar liksom aldri, men sånn er det vel for dei fleste. Uansett, eg var så heldig å komme heim til matlaging her ein dag. Då måtte eg berre hoppe inn i prosessen og sikre nokre bilder av det heile. Har dokke sett noke så fargerikt og fantastisk? Wææ, ikkje for å skryte, men typen lagar den beste woken eg veit om.

OLYMPUS DIGITAL CAMERA

I dag hadde vi nummer to i rekka av obligatoriske, munnlege framføringar. Herregud, eg blir så nervøs når eg står der framme! Heldigvis gjekk det mykje betre denne gongen, enn forrige. Yey, me! Liksom.

OLYMPUS DIGITAL CAMERA

I woken hadde vi kidneybønner, brokkoli, søtpotet, gulrot, kål, sopp, en halv løk, purre, hermitisert paprika, kokosmelk og ananas. Haha, Piña Colada-wok.

Søtpotet, gulrot og kål vart strimla. Brokkolien vart dampa. Løken og soppen vart stekt på lav varme i olje i ca. 10 minutt. Vi blanda desse delane og steikte det saman i eit par minutt saman med ananas. Etter at alle ingrediansane som trengte lang steiketid var ferdig la vi til dei som gjerne berre treng å bli varma opp: Hermetisert paprika, purre og kidneybønner. Til slutt hadde vi i krydder og kokosmelk. Kryddera er igrunn alle dei vanlige – curry, karri, gurkemeie, kvitløk og salt. For min del var det nok soppen og ananasen som gjorde susen denne gongen. Megagodt i alle fall!

OLYMPUS DIGITAL CAMERA

Eg har snakka om det før, men eg kan eigentleg ikkje ete gluten/kveitemjøl i det heile, men skal no forsøke å påvise cøliaki eller allergi. Mest for min egen del. Etter å ikkje ha ete makaroni og pasta på 5 år så er eg no heilt hekta. Eg har lyst til å ete det til alle måltid. Herregud, det er jo avhengighetsskapande heile greia. Må seie at eg verkeleg gledar meg til dette forsøket er over. Eg manglar energi, har konstant vondt i magen/kroppen og har fått søtsug (??!!). Okei, det med søtsug høyrast kanskje ikkje så rart ut om du ikkje kjenner meg, for det får vel alle, eller? Nei. No er eg litt kresen på alt av søte ting så eg er kanskje ikkje verdas beste eksempel, men eg har verkeleg aldri hatt meir søtsug enn eg har no. Brødskiver og makaroni øydelegg definitivt alt som heiter stabilt blodsukker. Humøret mitt er dårlegare, dei månedlege smertene har skutt til himmels og eg skal aldri ete kveitemjøl igjen etter at dette greiene her er ferdig. Om nokon som les dette tenker på å endre på kostholdet sitt, så er kveitemjøl definitivt det fyste alle burde kutte ut – i alle former. Så må ein ikkje erstatte det med det der tulle-glutenfrie-erstatnings-greiene. Hallo, då er vi like langt.

Dermed vart det sjølvsagt kokt makaroni med steikte tomatar som sidedish.

OLYMPUS DIGITAL CAMERA

Ein kan liksom sjå at det smaker godt. Eg var så heldig å finne restar av nettopp denne woken i kjøleskapet tidlegare og dagen vart dermed redda. Av og til er det verkeleg ein forbannelse å vere jente.

OLYMPUS DIGITAL CAMERA

Denne woken er igrunn berre laga av det vi hadde i kjøleskapet og skapet frå før. Ein del av ingrediensane er hermetiserte. Er det ein ting vi alltid har i leiligheta så er det hermetiserte matvarer. Det kan redde alle dei dagane ein ser i kjøleskapet og tenker: «Pokker, eg skulle verkeleg gått til butikken likevel.»

Rotsuppe Vol 1.0

Middagspostar passar seg vel ikkje heilt klokka halv ti på kvelden, men det får berre vere. Eg har vore ute av huset i heile dag og hadde sjølvsagt gløymt å laste opp bileta før eg for. Vims.

I alle fall. Denne suppa vart kanongod.

OLYMPUS DIGITAL CAMERA

Oppskrift:
→ 0,5 liter grønnsakskraft
→ 1 søtpotet
→ 2 poteter
→ 1 stor gulrot
→ 1 skive kålrabi
→ 1 brokkolistilk
→ 1 boks hakka tomatar
→ ½ løk
→  3 fedd kvitløk

Med andre ord er oppskrifta noko sånnt som: Det vi har i kjøleskapet.

OLYMPUS DIGITAL CAMERA

Framgangsmåte:
→ Kok opp 0,5 liter grønnsakskraft. Her brukte vi ein halv liter vatn og ein buljongterning.
→ Damp/kok grønnsakene du skal ha i. Jo mindre bitar, jo fortare går det.
→ Bland tomatane, løken og kvitløken og bruk stavmiksaren på blandinga og hell dette i grønnsakskrafta (valgfritt).
→ Når grønnsakene er mjuke og buljongterningen har løyst seg opp så er det berre å køyre heile sulamitten i blenderen.
→ Tilsett havrefløte (vi brukte ein halv boks) og salt.
→ Kok opp.
→ Server.

Til å ha i suppa steikte vi brokkolistilkar og hovudkål. Dette er ikkje nødvendig i det heile, men det var supergodt med steikt brokkoli i denne rotsuppa her!

OLYMPUS DIGITAL CAMERA

Eg har verkeleg dilla på desse rotsuppene. Det er jo berre fordelar med dei: Billig, rask, sunn, mettande og god. Betre vert det ikkje. Dette er forresten den rotsuppa vi har laga som har smakt best hittil. Det er noko med kombinasjonen rotgrønnsaker og tomat som berre harmonerar perfekt for min del.

OLYMPUS DIGITAL CAMERA

I det siste har vi gjort nokre endringar på denne bloggen her. Om nokon av dokke nyttar dokke av Matprat så veit dokke sikkert at dokke kan søke på ingrediensar og få opp alle oppskriftene med denne ingrediensen. Eg har prøvd å få til det samme her, men foreløpig ligg det berre i ei sky. Dersom du trykker inn for eksempel «potet» i søkefeltet på toppen av sida så skal det fungere på same måten. Dessutan har vi organisert katergoriane på ein ny måte. Forhåpentlegvis er det litt meir brukervennleg enn før. Og så ligg det direktelink til både Facebook, Instagram og Bloglovin»! Yey 😀

Curry Panang

Ja, denne helga var strengt tatt ei reprise av forrige helg. Eg har jobba. I massevis. Denne søndagen skal med andre ord vere ein skikkeleg søndag. Av den typen der du sitt i sofaen heile dagen, ser på Netflix og et is.

Denne suppa vart laga på torsdag og var vannvittig mettande sånn som dei fleste supper eg lagar er. Den er basert på dei som heiter Curry Panang ved eit kjapt google-søk. Denne er kanskje hakket enklare enn dei eg baserte den på, men likevel. God smak og ei perfekt haustsuppe spør du meg. Eg likar dei kremete eller sterke. Denne er sterk.

OLYMPUS DIGITAL CAMERA

Oppskrift:
〉 1 boks kokosmelk (lett)
〉 1-2 dl hakka tomatar

Dei kryddera vi brukte:
〉 Curry
〉 Karri
〉 Cayennepepper
〉 Chili
〉 Kvitløk
〉 Løkpulver
〉 Ingefær

Til å ha i suppa steikte vi det vi hadde i kjøleskapet: Søtpotet, potet, gulrot, hovudkål og kålrabi. Dessutan kokte vi makaroni og hadde i. Makaronien kunne eg strengt tatt spart meg for – denne suppa var betre utan.

OLYMPUS DIGITAL CAMERA

Framgangsmåte:
〉 Ha olje i ei steikepanne. Steik kvitløk, løk, chili, ingefær og det du måtte ønske. Dette skal få ein gyllen farge.
〉 Deretter har du i kokosmelk og hakka tomatar. Tomatane hadde eg nytta stavmiksar på før eg hadde dei i – sånn at eg slapp store tomatbitar i suppa.
〉 Kok opp og ha i krydder samtidig som du smakar på suppa undervegs. Det er du som veit best kor mykje krydder du vil ha i, derfor har eg ikkje oppgitt mål i denne oppskrifta.
〉 Steik/kok det du måtte ønske å ha i suppa.
〉 Ferdig!

OLYMPUS DIGITAL CAMERA

Oh my, for ei suppe.

Om ein kanskje ikkje er særleg vand med massevis av krydder vil eg sjølvsagt anbefale å prøve seg fram. Husk at kokken skal smake på maten undervegs!

Vegansk husmannskost på sitt beste

Ein skulle tru at sidan det er helg så har ein massevis av tid til å bruke på det ein vil. Vel, det spørs vel korleis ein ser på det, ein må jo ha pengar òg. No har eg endeleg satt meg ned, fått i meg mat og satt isen på kjøkkenbenken. Dessutan har eg endeleg tid til å skrive om torsdagens middag. Berre tre dagar etter, haha!

OLYMPUS DIGITAL CAMERA

For eit resultat. Søtbotet-«bacon» i staden for svineri.

Kompar/klubb/raspeball er noko vi har tenkt på å lage alt for lenge. Som alle andre har vi den der sperra som seier at mat frå bunnen av – dèt er vanskeleg det. Atter ein gong må vi innsjå at ventetida har vore heilt unødvendig. Pokker så enkelt. Sidan vi tok det litt på sparket så hadde vi ikkje byggmjøl i skapet. Dermed vart vår kompar litt hardare enn den ein vanlegvis lagar. Vi brukte kveitemjøl i staden for byggmjøl.

OLYMPUS DIGITAL CAMERA

Som dokke sikkert er klar over så er steikt kompar eit must i dagane etter. Dokke kan allerede gjette at vi lagde mat til ein hær. Vi har enno meir igjen… Så neste gong vil vi kanskje avgrense matlaginga til at det berre vert nok til ein halv hær. Hallo, vi er berre to personar, liksom. På den andre sida så hadde vi mat til middag og frokost x 3 for ca. 60 kroner.

OLYMPUS DIGITAL CAMERA

Vi baserte oss på denne oppskrifta. Vi brukte kveitemjøl i staden for byggmjøl. Altså, det gjekk heilt fint, men eg vil nok teste ut byggmjøl neste gong.

Oppskrift:
→ Ca. 1 kg poteter
→ (Bygg)mjøl
→ Salt

Vi raspa 3/4 av potetene og kokte 1/4. Dei kokte potetene moste vi og blanda i med dei raspa potetene. Deretter tilsatte vi mjøl til det var blitt ei deig. På grunn av at vi ikkje hadde byggmjøl nytta vi òg maizenna og fiberhusk. Kva effekt dette hadde er eg usikker på. Konklusjonen er igrunn at ein berre skal bruke byggmjøl og eit par spiseskeier med kveitemjøl i deiga.

OLYMPUS DIGITAL CAMERA

Vi laga på same måten som ein formar bollar. For å gjere det litt enklare hadde vi olje på henda då vi forma dei. Vannvittig klissete og grisete arbeid om ein ikkje hadde olje på henda. Deretter la vi komparen i vatn og kokte dei like lenge som ein skal koke poteter. Sidan dette vert store poteter så kokte vi dei i 30-40 minutt. Når dette ikkje vert laga vegansk så kokar ein komparen saman med det salte kjøtet ein et på sida. Vi laga sjølvsagt ein vegansk variant og nytta ca. 2 ts timian i vatnet. Dette funka heilt supert! Ein kokar komparen rett og slett saman med krydder som er vanleg å nytte på kjøt.

OLYMPUS DIGITAL CAMERA

Eg trudde ein venninde av meg var heilt gal då ho sa: «Åååh!! Steikt raspe med ketchup!!» Viser seg at ho eigentleg var ganske så lur. Om du ikkje har prøvd det før så vil eg i alle fall foreslå det. Alle eg snakkar med synes uansett at eg er teit når eg seiar at eg må ha sukker på. «Det er jo sånn ein gjer for å få ungar til å like det!» Helsing Sofie 3 år, liksom.

OLYMPUS DIGITAL CAMERA

Altså:
→ Lag deig
→ Kok saman med «kjøtt»krydder
→ Lag tilbehør

Husmannskost har aldri sett så enkelt ut.

OLYMPUS DIGITAL CAMERA

Som tilbehør hadde vi steikt hovudkål, steikt løk, steikte søtpotetbitar, kålrabi og gulrot. Til dessert hadde vi eit stort smil om munnen og ganske så trøtt tryne.

Heimelaga chips av søtpotet og potet

Etter at eg fekk til den der grønnkålchipsen med vannvittig presisjon måtte eg berre fortsette i samme spor. I dag laga eg dermed chips av potet og søtpotet.

OLYMPUS DIGITAL CAMERA

Skjær potetene i så tynne skiver som du får til. Bland i krydder og olje. Eg brukte samme krydder som i går: Salt, chilikrydder, paprikakrydder og sitronpepper. Ein kan sjølvsagt bruke akkurat det ein vil.

OLYMPUS DIGITAL CAMERA

For å tørke det heile har eg lagt det ut over ei flate i ovnen og nytta same metode som vi gjorde då vi tørka kantarellar. Det er ein skilnad frå kantarell-metoden og denne. På chipsen så steikte eg den på 170°C på varmluft til skivene var møre (5-10 min). Dersom du gjer dette så må du følge med – det svir seg i det sekundet du ikkje gjer det! Deretter fekk chipsen stå på 50°C til flaka var heilt sprø. Når ovnen var på lav varme hadde vi på varmluft og laga ei 2 cm stor glipe mellom ovnsdøra og ovnen (som illustrert i posten om kantarellar). Det heile tok ca. 4 timar hos oss, men når ovnen står på lav varme treng ein berre å sjekke chipsen ein gong i halvtimen. Det heile er dermed rimeleg avslappande arbeid.

OLYMPUS DIGITAL CAMERA

Wææ, kva har eg fått til no?! Kjempegodt.

4 x tilbehør = jysla god middag

«Kan det her bli til en god middag, då?» Tenkte ho mens ho stirra tomt inn i kjøleskapet. Søtpotet, potet, bønner og champignon? Høyrtes i alle fall ut som noko av det kjedeligaste ein kan lage i mine øyrer, men kvardagen sluttar aldri å imponere. Det kan vel det siste biletet vere eit bevis på.

OLYMPUS DIGITAL CAMERA

OLYMPUS DIGITAL CAMERA

I dag laga eg eigentleg berre ein middag av fire ulike typar «tilbehør»:
– Grønnsaksmos av gulrot, kålrabi, blomkål, brokkoli, søtpotet, vatn og salt
– Sopp og kidneybønner steikt i ovn i ca. 10 min på 200°
– Potet og søtpotet steikt i ovnen på 200° til begge deler var mørt (ca. 20 min)
– Saus

OLYMPUS DIGITAL CAMERA

Kok/damp grønsakene og mos desse på den måten du vil. Eg brukte min trofaste blender.

OLYMPUS DIGITAL CAMERA

Den store utfordringa, i alle fall for min del, er vegansk saus. Då nyttar vi favorittmottoet mitt: «Tjaah, kva har vi i skapet i dag då?» I dag vart det saus av rismelk og kikerter. Eg nytta om lag 50/50 av begge.

OLYMPUS DIGITAL CAMERA

Rismelk og kikerter. Brukte ca. 1,5 dl rismelk og halvparten av kikert-boksen.

OLYMPUS DIGITAL CAMERA

For å lage saus tok eg kikertene og rismelka i ein beholder og brukte stavmikser til det var blitt ein saus.

OLYMPUS DIGITAL CAMERA

Rismelk og kikerter? Booring – add spices. Etter at sausen var stavmiksa så kokte eg den opp med desse kryddera; Karri, curry og cayennepepper.

OLYMPUS DIGITAL CAMERA

OLYMPUS DIGITAL CAMERA

Plutseleg ser potetene eg starta med ut som ein luksusmiddag!

Eg har høyrt mange argument angåande at ein ikkje vil ete vegetariansk/vegansk. Eit av dei er «eg orkar ikkje å ete berre bønner». Eg skal vere einig i at det blir ganske mykje bønner og at det kan høyrast rimelig kjedelig ut, men alt som skal til er litt fantasi. Høyrast ut som om eg sit på den høge hesten min og ser ned på resten av folka, men eg skal seie at eg tenkte akkurat det same før. Kikerter og bønner kvar dag? Blææh. Så viser det seg at det faktisk ikkje er så ille likevel. Og ja, dagens middag smakte heilt fantastisk.

Søtpotet-«bacon» i blomkålsuppe

«Kan du begynde på middagen før eg kjem heim?» Og så har han pina det tatt bilde òg. Kjernekar. I dag vart det noko så enkelt som blomkålsuppe. Eg tenkte at blomkålsuppe har eg jo delt før og det kan bli litt vel mykje av det same, men denne er både glutenfri, vegansk og billig. Woho! Årsaka til enno ei blomkålsuppe på menyen er ikkje verre enn at blomkål var på salg på Kiwi i går (denne veka?). Så sånn vart det. Hallo, 10 kroner for eit hovud. Ca. 30 kroner for ein middag for to, dèt.

OLYMPUS DIGITAL CAMERA

Til å lage suppe: Ein blomkål, kvitløk og løk. Til å ha i suppa: Blomkål og søtpotet.

OLYMPUS DIGITAL CAMERA

Sidan eg planlegg det meste så har eg som regel ein idè om korleis dagens middag skal vere før eg kjem heim. I dag var ingen unntak; det einaste eg hadde lyst på var blomkålsuppe med bacon. Sidan vi fortsatt ikkje skal ete kjøt mandag-fredag var dette eit problem. Kva kan eg då bruke, og kva har eg heime? Søtpotet. Greit nok. Det er ikkje det same som bacon, men overraskande nok så fungerte det rimeleg godt. Så; blomkålsuppe med steikte søtpotetbitar vart dagens prosjekt.

Søtpotet i staden for bacon? «Eeehhh, altså, det kan vi vel prøve….» Ikkje særleg begeistra før maten vart servert. Eg skal vere einig i at idèane mine ikkje alltid går så bra som ein kan håpe på, men heldigvis vart det særs godt til slutt! Dette kan eg verkeleg anbefale til absolutt alle.

OLYMPUS DIGITAL CAMERA

Eg kutta søtpoteta i små bitar og steikte dei i olje. Lav varme i ca. 20 minutt. Jysla digg.

OLYMPUS DIGITAL CAMERA

OLYMPUS DIGITAL CAMERA

Blomkål er sjølvsagt sunt om ein kokar det, men dampa held den på enno fleire av næringsstoffa sine.

Oppskrift til suppa:
– Ein blomkål
– Ei middels/stor potet
– Ein halv løk
– 2-3 fedd kvitløk
+ Det ein vil ha opp i suppa;
vi har ein blomkål og ei halv søtpotet (150-200g?)

Damp ingrediensane og mos dei i f.eks. ein blender eller rett i kaserollen med stavmikser og vips så har du fått blomkålsuppe.

Når du kokar eller dampar grønsakene så står du igjen med ein del vatn i kaserolla. Dette er det lurt å spare til du er ferdig å lage suppa. Vatnet kan sjølvsagt nyttast i suppa og dermed utnyttar ein alle næringsstoff som kanskje skulle befinne seg i vatnet. I tillegg til vatn brukte eg kanskje 1dl rismelk. Litt for å få ein kvitare farge på suppa og litt fordi det smakar godt. Poteta er berre for konsistensen si skyld sida eg ikkje brukar smør eller fløyte – altså ikkje ein nødvendig ingrediens, men ein vannvittig god ein 😀

Altså: Ikkje kast vatnet du har etter damping. Visste du forresten at stilken på blomkålen heilt fint kan brukast på same måte som blomkålkvastane? Ikkje kast den heller! Viss du vil gå enno meir oldschool så kan du òg koke blomkålblada og bruke vatnet frå desse som buljong i suppa – funkar heilt konge! #Bestatriks

OLYMPUS DIGITAL CAMERA

Hallo, liksom. Dette skal eg lage fleire gongar.

Det vert kanskje litt mykje av dei same ingrediensane opp igjen nokre gongar, men litt av det eg vil vise på denne sida er kor enkelt det er å finne billig og sunn mat på f.eks. Kiwi. Ein treng ikkje gå på helsekostbutikken for å få fine resultat på blodprøvene sine.

Spicy bli-betre-suppe

Kva et ein når hovudet er tett og ein helst vil ligge under dyna? Suppe! Sjølvsagt. Sidan smakssansen er satt litt ut av spel vert det ei spicy suppe. Herregud, kor lenge er det vanleg å vere sjuk? Har eg vore sjuk to gongar på rad? Eg skjønar ingenting. To veke har eg gått rundt og vore mindre tiltrekkande. Sjølvsagt holdt meg heime når eg kan, men nokre forelesingar må eg nesten berre gå på. I morgon byrjar vi på menneskekroppen og då treng eg verkeleg tilgang til hjernecellene mine igjen!

Derfor: Spicy hjerneføde.

OLYMPUS DIGITAL CAMERA

Løk – gulrot – søtpotet

OLYMPUS DIGITAL CAMERA

vatn – kikerter

1/3:
♥ Ein halv løk
♥ 3 fedd kvitløk
♥ ca. 2 ts ingefær
♥ 2 ss olivenolje (eller kva som helst anna olje)
→ Steik løk, kvitløk og ingefær i olje i nokre minutt.

2/3:
♥ 5 dl vatn
♥ 200g søtpotet
♥ 100g gulrot (ca. 2 stykk)
♥ 1 boks kikerter (230g)
→ Ha alt dette i gryta og kok til grønsakene er møre.

OLYMPUS DIGITAL CAMERA

2 ts curry (sterk) – 2 ts gurkemeie – 2 ts cayennepepper – 2 ts karri

3/3:
♥ Ha alt i ein blender
♥ Tilsett ein boks hakka tomatar (400g)
♥ Ha i krydderet
♥ Tilsett så mykje vatn som du vil (eg heiv i 5dl til)
♥ Kok opp og server ♥

Husk at dette er ei ganske sterk suppe (for oss nordmenn riktignok) så tilsett krydderet i trinn 3 og smak deg fram sjølv! Dette er òg ei ganske tjukk suppe. Eg liker å lage suppene tjukke i utgangspunktet, så kan eg heller tilsette meir vatn på slutten når eg ser kor tjukk den blir. Her nytta eg f.eks. 5dl vatn då eg kokte opp grønnsakene og heiv i 5dl vatn til etter eg hadde hatt alt i blenderen. Då slepp eg f.eks. å bruke blenderen to gongar og eg får suppa akkurat som eg vil! ♥

OLYMPUS DIGITAL CAMERA

Tomat/søtpotet/gulrotsuppe? Ikkje værst.

Vi har sjølvsagt massevis av restar som vi kan ete til kvelds eller fryse ned. Eg har vel kanskje laga suppe til 4-5 personar. Det blir sånn fordi eg heller vil ha middagsrestar enn halvfulle hermetikkboksar i kjøleskapet. Suppa er like god om den har vore frosen eller ikkje. Og berre sånn det er sagt: Om du har friskare smakssansar enn meg så ville eg starta med ein tredjedel av krydderet og jobba meg der i frå. Du veit når det kilar litt i øyra fordi maten er sterk? Ja.

Grønnsaker i tomatsaus

I dag er ein av dei dagane eg kika tomt inn i kjøleskapet og kan slå fast at det står ting der, men ingenting av det er «mat». Inspirasjonen for matlaging var lik null. Då er det berre ein ting å gjere: Gje opp. Eg la meg rett og slett ned i senga med telefonen i nokre minutt. Sosiale media gjer susen for det meste. Massevis av folk på ulike sosiale medier hadde allerede både laga og ete middagen sin. 5 minutt i liggestilling så var planen klar. Vi tar det vi har. Eg får heller gjere noko kjekkare i morgon.

Når eg lager saus av hakka tomatar brukar eg berre ein stavmiksar i boksen og heller det i steikepanna. Dermed slepp eg dei store tomatbitane og får ein meir jamn saus. Det viser seg at «å berre ta det vi har» kan bli ein særs god middag likevel.

OLYMPUS DIGITAL CAMERA
• 1 boks hakka tomatar • 1 halv løk • gulrot • brokkoli • søtpotet • ingefær • chili • kvitløk •
 OLYMPUS DIGITAL CAMERA

• søtpotet • kokosolje •

OLYMPUS DIGITAL CAMERA
Neste gong eg skal lage denne retten vil eg nok bruke litt fleire typer krydder og litt meir av det eg brukte i dag.