Bakt søtpotet med urtesmør og facon

Dette er kanskje det beste måltidet eg har laga nokon gong. Kombinasjonen av dei ulike smakane gjorde at dette sendte meg til himmelen. Det einaste som kanskje mangla var litt syre. Neste gong vil eg prøve litt sitron i urtesmøret mitt òg – anten i form av sitronmelisse eller berre nokre enkle sitrondråpar. Greit nok at dette måltidet tar litt tid å lage, men det meste av tida går til baking av søtpoteta og steiking av tofuen. Ellers var det andre ganske enkelt og greit.

OLYMPUS DIGITAL CAMERA

Til jul fekk eg meg ein mortel av lillesøstra mi. Igrunn er det ganske krise at eg ikkje har brukt den før no, men fy søren for ein kjekk sak å ha på kjøkkenet. Ein kan sjølvsagt lage urtesmør og liknande med stavmiksar òg, men det var noko med konsistensen på det heile no når eg nytta mortel som berre var heilt gull.

Oppskrift på urtesmøret:
♥ To blad fersk basilikum
♥ ca. to cm fersk chili
♥ To fedd kvitlauk
♥  1/2 ts dill
♥  1/2 ts maldonsalt
♥  1 pakke Smøremyk raps og kokos

Som vanleg kan ein bytte ut alt ferskt med krydder i pulverform og maldonsalt med kva som helst anna salt. Smøret spelar heller ikkje den store rolla anna enn at det kanskje bør vere litt nøytralt. Det vert sjølvsagt aller best resultat med ferske råvarer, men det seier seg vel kanskje heilt sjølv.

OLYMPUS DIGITAL CAMERA

Som ekstra tilbehør steikte eg sopp og tomatar i rapsolje på lav varme over lang tid.

OLYMPUS DIGITAL CAMERA

Desse tomatane har eg fått heilt dilla på. Når eg har god tid steiker eg dei berre på ei side til dei er gjennomsteikte. Då får dei ei fantastisk gyllen overflate og heile tomaten vert mør og proppfull av fantastiske smakar. Ja, adjektiva seier vel sitt. Eg har fullstendig dilla.

OLYMPUS DIGITAL CAMERA

Tofuen kjøper eg på Rema1000 på Exhibition. Eg trur ikkje Rema1000 skjønte heilt kva etterspørselen på tofuen var for tida for dèt sel ut fort, altså. Dei er utsolgt for tofu om lag tre av fire gongar eg er innom. No sist var eg skikkelig usportslig å kjøpte alt dei hadde. Høyrast ut som eg reiste heim med fem handleposar, men det var ikkje meir enn seks pakkar med tofu a 250g, gitt. Tofu smakar ganske lite for seg sjølv, men eg må seie at eg er mykje meir fan av å nytte tofu i diverse rettar enn til dømes kylling. Tofu kan ein nemleg gje akkurat den smaken ein sjølv vil. No i det siste har eg laga ein del facon med stor suksess. For dei som ikkje er inne i den her veggisterminologien så betyr det eigentleg berre steikt tofu med røyksmak. Eg var IKKJE positiv før eg testa dette ut sjølv, men sidan det er rimeleg poppis blandt veggisar måtte eg prøve det ut. Og veit dokke kva? Eg treng aldri å kjøpe bacon igjen. For å overbevise dokke enno meir: Eg laga facon til ei venninde som ikkje er veggis og ho elska det. I dag kjøpte ho faktisk inn ingrediensar for å lage det sjølv ♥  Hallo, det må vere overbevisande. Eg blir så glad!

Oppskrift på facon:
♥ 1-2 ss liquid smoke
♥ 3 ss næringsgjær
♥ 3-4 ss soyasaus
♥ 250 g tofu

For dokke som ikkje har næringsgjær i skapet så vil eg tru at ein kan bytte dette ut med kva som helst anna pulverisert form for gjevning. Eg vil foreslå heilt vanleg mjøl eller kanskje paprikakrydder. Dette har eg ikkje testa ut, men eg ser ikkje noko grunn til at det ikkje skal fungere. Veggisar nytta næringsgjær mest for B-vitaminen si skuld. Dersom ein ikkje har noko form for gjevning i røra mistar ein kanskje litt av konsistensen, men eg veit rett og slett ikkje. Eg må prøve det ut neste gong kjenner eg.

OLYMPUS DIGITAL CAMERA

Tofuen steiker eg på middels varme over lenger tid. Den er ferdig steikt når den har fått skorpe på seg. Vi har funne ut at det er fordelsmessig at tofuen er skjært opp i veldig små bitar når ein skal lage facon. Då blir den sprø og særs lik bacon. Vi har både skjært tofuen i terningar og i skiver. Begge funkar like bra!

Min liquid smoke har eg kjøpt på Meny. Den kostar om lag 50 kroner, men den varer i evigheiter.

OLYMPUS DIGITAL CAMERA

Når tofuen er steikt sprø er det berre å tilsette blandinga av liquid smoke, næringsgjær og soyasaus. Det kjem til å lukte røkeri på kjøkkenet ditt, og du kjem til å bli forelska i facon. I promise.

Eit lite tips viss du rynkar på nasa av denne røyksmaken er å lese på baksida av dei «røykte» varene du kjøper på butikken. Wink, wink, lissom.

OLYMPUS DIGITAL CAMERA

Søtpotetene prikka eg hol i med ein gaffel og heiv i ovnen. Dei fekk kose seg midt i ovnen på 200°C i ein og ein halv time. Steiketid varierar frå ein time til ein og ein halv, der må ein nesten berre prøve seg fram med størrelse og tid. Eg tok mine søtpoteter ut etter at det hadde osa ein del væske ut av dei. Det viser seg at då var i alle fall mine ferdige.

Når søtpotetene var ferdig bakt snitta eg dei på langs og hadde i mykje urtesmør. Dette fekk stå å trekke litt før eg la heile kunstverket på tallerkenane.

OLYMPUS DIGITAL CAMERA

Om du sei det ikkje ser fristande ut så trur eg faktisk ikkje på deg. Vi måtte ta ein siesta på langt over ein time etter dette måltidet. Det viser seg at ei heil søtpotet kanskje var litt mykje for magen min i alle fall.

OLYMPUS DIGITAL CAMERA

OLYMPUS DIGITAL CAMERA

Wææ, håpar dokke testar det ut altså! Det heile er kanskje litt vel dristig som eit onsdagsprosjekt, men kanskje på fræddan? Eg seier i alle fall ja takk til det.

Advertisements

Min beste burger (sålangt)

Eg var rett og slett berre nøydd til å lage burger to dagar på rad. Eg har funne ei burgeroppskrift som i alle fall eg synast er perfekt. Eg kan driste meg til å seie at dei nesten smaker som kjøtt og at dei nesten ser ut som kjøtt. Men! Dokke! Dei er saftigare. Ååå, eg må varme meg en to no.

Oppskrifta bør lagast med stavmikser, blender eller foodprosessor. Man skal vel eigentleg ikkje ha bilete av sluttproduktet i starten av eit innlegg, men eg klarer ikkje å vente.

Sjå på dei då!!

OLYMPUS DIGITAL CAMERA

Hallo, det ser ut som litt lyse kjøttkaker, jo!

Okei, get it together, liksom. Dei er hovudsakleg laga av linser og champignon. For å få enno meir smak i dei har eg i løk, kvitløk, salt, pepper, ingefær og muskat. Dette er akkurat dei same ingrediensane ein nyttar i kjøttkaker.

Oppskrift del 1:
350 g hermetisert champignon
530 g raude linser
1,5 løk
3 fedd kvitløk
1 ts salt
1 ts pepper
1 ts ingefærpulver
1 ts muskat

Lenger nede finn du del 2 av oppskrifta. Den inneheld olje og mjøl.

Ingen av måla i denne oppskrifta er heilt nøyaktige. Som i alle andre oppskrifter er dette sånn ca. det eg hadde oppi og det er berre å prøve seg fram sjølv. Langt i frå er det nok ikkje.

OLYMPUS DIGITAL CAMERA

Eg starta med å ha alle ingrediensane utanom mjøl og olje i foodprosessoren og køyrte dette til ei jamn masse.

OLYMPUS DIGITAL CAMERA

OLYMPUS DIGITAL CAMERA

Dersom du steiker den massa du har fått vil burgerane bli litt vanskelege å jobbe med. Dette forsøkte eg for tre dagar sidan. Eg måtte i alle fall gje opp det prosjektet. Dokke skulle sett kor demotivert eg vart. Så kom eg på at mjøl er ein fin ting og eg lagde heller ei deig av heile greia. Her tippa eg at ein kan velje akkurat kva type mjøl ein vil ha i sjølv. Eg prøvar å bli kvitt nokre restar eg har i skapet og brukte dermed ganske mange forskjellige typar. Fyste gongen eg lagde desse trur eg at eg berre prukte Maizenna og potetmjøl. Det fungerte heilt topp.

Oppskrift del 2:
5 ss rapsolje
8 ss glutenfri mjølblanding (lys)
4 ss potetmjøl
2 ss fiberhusk
2 ss kikertmjøl

Det eg gjorde i denne delen var å flytte masse frå foodprosessor til bolle. Manuelt arbeid er veldig greit når ein lagar deig synast eg. Det er så mykje enklare å jobbe med deiga på denne måten. Eg tilsatte 5 ss rapsolje til massen og prøvde meg fram med mjøltypar til eg var fornøgd. I notatblokka mi står det f.eks. «5 ss mjøl + 1 + 1». Sånn jobbar eg forsåvidt heile vegen på kjøkkenet.

OLYMPUS DIGITAL CAMERA

Burgerane ser til og med flotte ut før dei er steikte. Eg hadde vatn på henda når eg forma burgerane og deretter trykte eg dei ned i steikepanna med steikespaden min. Derav alle desse strekane i dei.

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

Som tilbehør hadde eg; glutenfrie baguettar, dressing av sennep, majones og sylteagurk, steikte chilipoteter og steikt løk. Burgeren fylte eg ellers med dei grønnsakene eg hadde i kjøleskapet, i dette tilfellet vart det tomatar, spinat og gul paprika.

OLYMPUS DIGITAL CAMERA

Eg har i alle fall verken sett eller smakt ein så god vegansk burger før. No har eg ete den fire dagar på rad – så det seier vel sitt.

Håper dokke testar den ut! Som alle andre av mine oppskrifter er desse sjukt enkle å lage. Ein kan heller nesten ikkje gjere noko feil. Eit tips er å steike ei side av burgeren om gangen. Altså, ei side av gongen blir det vel uansett, men å steike ei side ferdig før du steiker den neste. Då vert dei lettare å snu og dermed held dei seg lettare fine. Eg steikte dei i ein del rapsolje og på medium høg varme. Då må ein sjølvsagt følge med på panna òg.

OLYMPUS DIGITAL CAMERA

Ps. Raude linser inneheld mykje av dei same næringsstoffa som ein får frå kjøt. Google it! Lite feitt og haugevis av protein, vitamin og mineral.

No skal vi besøke den nye leiligheta vår og måle opp alt sammen. Vi skal med andre ord finne ut kva møblar som passar inn og kva av våre møblar vi må kaste. Wææ! Vi skal flytte 😀

Fargerik fredagswok

Er ikkje vi lei av den der fredagstacoen snart? Det her er i alle fall eit fantastisk alternativ. Eg har hatt ei vannvittig travel veke med oppgåveskriving og ja, livet. To do-lista stoppar liksom aldri, men sånn er det vel for dei fleste. Uansett, eg var så heldig å komme heim til matlaging her ein dag. Då måtte eg berre hoppe inn i prosessen og sikre nokre bilder av det heile. Har dokke sett noke så fargerikt og fantastisk? Wææ, ikkje for å skryte, men typen lagar den beste woken eg veit om.

OLYMPUS DIGITAL CAMERA

I dag hadde vi nummer to i rekka av obligatoriske, munnlege framføringar. Herregud, eg blir så nervøs når eg står der framme! Heldigvis gjekk det mykje betre denne gongen, enn forrige. Yey, me! Liksom.

OLYMPUS DIGITAL CAMERA

I woken hadde vi kidneybønner, brokkoli, søtpotet, gulrot, kål, sopp, en halv løk, purre, hermitisert paprika, kokosmelk og ananas. Haha, Piña Colada-wok.

Søtpotet, gulrot og kål vart strimla. Brokkolien vart dampa. Løken og soppen vart stekt på lav varme i olje i ca. 10 minutt. Vi blanda desse delane og steikte det saman i eit par minutt saman med ananas. Etter at alle ingrediansane som trengte lang steiketid var ferdig la vi til dei som gjerne berre treng å bli varma opp: Hermetisert paprika, purre og kidneybønner. Til slutt hadde vi i krydder og kokosmelk. Kryddera er igrunn alle dei vanlige – curry, karri, gurkemeie, kvitløk og salt. For min del var det nok soppen og ananasen som gjorde susen denne gongen. Megagodt i alle fall!

OLYMPUS DIGITAL CAMERA

Eg har snakka om det før, men eg kan eigentleg ikkje ete gluten/kveitemjøl i det heile, men skal no forsøke å påvise cøliaki eller allergi. Mest for min egen del. Etter å ikkje ha ete makaroni og pasta på 5 år så er eg no heilt hekta. Eg har lyst til å ete det til alle måltid. Herregud, det er jo avhengighetsskapande heile greia. Må seie at eg verkeleg gledar meg til dette forsøket er over. Eg manglar energi, har konstant vondt i magen/kroppen og har fått søtsug (??!!). Okei, det med søtsug høyrast kanskje ikkje så rart ut om du ikkje kjenner meg, for det får vel alle, eller? Nei. No er eg litt kresen på alt av søte ting så eg er kanskje ikkje verdas beste eksempel, men eg har verkeleg aldri hatt meir søtsug enn eg har no. Brødskiver og makaroni øydelegg definitivt alt som heiter stabilt blodsukker. Humøret mitt er dårlegare, dei månedlege smertene har skutt til himmels og eg skal aldri ete kveitemjøl igjen etter at dette greiene her er ferdig. Om nokon som les dette tenker på å endre på kostholdet sitt, så er kveitemjøl definitivt det fyste alle burde kutte ut – i alle former. Så må ein ikkje erstatte det med det der tulle-glutenfrie-erstatnings-greiene. Hallo, då er vi like langt.

Dermed vart det sjølvsagt kokt makaroni med steikte tomatar som sidedish.

OLYMPUS DIGITAL CAMERA

Ein kan liksom sjå at det smaker godt. Eg var så heldig å finne restar av nettopp denne woken i kjøleskapet tidlegare og dagen vart dermed redda. Av og til er det verkeleg ein forbannelse å vere jente.

OLYMPUS DIGITAL CAMERA

Denne woken er igrunn berre laga av det vi hadde i kjøleskapet og skapet frå før. Ein del av ingrediensane er hermetiserte. Er det ein ting vi alltid har i leiligheta så er det hermetiserte matvarer. Det kan redde alle dei dagane ein ser i kjøleskapet og tenker: «Pokker, eg skulle verkeleg gått til butikken likevel.»

Vegansk, spicy tomat-gryte

Denne middagen kan sjå ut som noko ris med noko tomatgreier, men fy så godt! Trudde det ikkje sjølv før eg smakte på det. Denne gongen stjal vi heile oppskrifta her.

Oppskrift:
〉 150 g kikerter
〉 3 dl kokt ris
〉 1 dl cashewnøtter
〉 6 dl vegansk buljong
〉 ½-1 dl tomatpurè
〉 1 paprika
〉 1 boks ananas
〉 Karri og Hot Curry
〉 Salt

OLYMPUS DIGITAL CAMERA

Vi kokte ris i ei gryte og buljong i ei anna. Buljongen laga vi av 6 dl vatn og ein (vegansk) buljongterning. Då buljongterningen hadde løyst seg opp putta vi alle ingrediensane i gryta og kokte opp dette. Risen vart tilsatt i gryta heilt til slutt. Soppen vart sjølvsagt steikt i panne for seg sjølv. Lav varme og litt olje så smakar soppen heilt himmelsk.

OLYMPUS DIGITAL CAMERA

Som vanleg kan ein bruke akkurat den variasjonen av ingrediensane som ein vil. Det einaste rare vi gjorde med denne oppskrifta var at vi testa ut hermetisk paprika (ja, det var salg på Meny) og det var sjukt godt! Om dokke har gått forbi og tenkt tenken så vil eg verkeleg anbefale den hermetiske paprikaen.

OLYMPUS DIGITAL CAMERA

Dette er kanskje den fyste verkeleg tunge veganske middagen vi har laga. Misforstå meg rett, ein vert alltid mett av våre måltid, men denne var liksom tung. Så om du skal ut å springe 4-5 maraton så er ikkje dette maten ein skal ete to minutt før. Jättegodt i alla fall.

OLYMPUS DIGITAL CAMERA

Eg var på vinkveld med nokre nydelege folk i går. Om eg koste meg! Vi åt pai, marsipan og kyllingbollar. Ikkje særleg vegansk, eg veit. Eller marsipanen var både vegansk, glutenfri og sukkerfri, så det er då noko. Rett før vi avslutta så kom typen og diska opp med piña coladas til heile gjengen!

Luksussalat og rotsuppe

I går var ein av dei skikkeleg dårlege dagane. Ein av dei der alt kjennast feil utan nokon særleg grunn. Då er ein luksuriøs middag akkurat det som trengs!

OLYMPUS DIGITAL CAMERA

Heimelaga dressing (ikkje vegansk), makaroni, salat og suppe. Om vi koste oss! Eg er blitt heilt hekta på valnøtter i salat. Dersom du ikkje har prøvd det så har du inga tid å miste. Det er berre å hive seg på «trenden».

OLYMPUS DIGITAL CAMERA

Makaroni, kål, valnøtter, tomat, soltørka tomat, steikt sopp, steikte bønner, blomkål, brokkoli og oliven. Dèt kallar eg ein salat.

OLYMPUS DIGITAL CAMERA

Suppa er laga av gulrot, kålrabi, havrefløte og rismelk. Den er krydra med kvitløk, paprikapulver og cayennepepper. Dette er kanskje den beste suppa vi (typen) har laga nokon gong.

Ca. oppskrift:
→ 500g kålrabi (ein halv)
→ 4 middels store gulrøter
→ 1 potet

Akkurat kor mykje væske ein vil ha må ein nesten velje sjølv. Kan seie at vi kanskje brukte ein halv liter veske til saman. Då ei blanding av havrefløte, rismelk og vatn.

OLYMPUS DIGITAL CAMERA

Skulle liksom skrive ferdig den obligatoriske oppgåva mi i går, men eg måtte berre ta meg ei pause frå alt som heiter tenking. Vart sjølvsagt alt for mett (igjen).

OLYMPUS DIGITAL CAMERA

Som dokke kanskje har skjønt er dette middagen frå i går. Sånn vert det av og til. No held vi på å lage raspe/kompar/e.l. Det sjukaste er at eg trur vi får det til! Ja, det er fyste gongen. Bilete kjem i morgon.

Kantarellsuppe, blomkålris og rista kikerter

I dag hadde eg lyst å prøve alt på ein gong. Sånn fungerar det likevel ikkje, så eg prøvde meg på «rista» kikerter, kantarellsuppe og blomkålris. Javelda, eg fekk då prøvd litt nye ting i dag. Vi får begynde med kantarellsuppa. Dokke huskar dei kantarellane vi plukka for to veker sida? Jepp.

OLYMPUS DIGITAL CAMERA

Tørka kantarell, forvella kantarell (begge frosne), løk, rødløk, kvitløk, rismelk og havrefløte.

OLYMPUS DIGITAL CAMERA

OLYMPUS DIGITAL CAMERA

Løk, Rødløk og kvitløk steikt i olje.

Fyst steikte eg løksortane mine gylne. Deretter hadde eg litt kantarell i og steikte det litt til. Dei fleste ville nok stoppa på gyllen løk, men eg elska smaken av stekt løk og synes liksom den gjer det lille ekstra i dei fleste kvite supper. Smak og behag, sjølvsagt.

OLYMPUS DIGITAL CAMERA

Tilsett Maizena, rismelk og havrefløte. Evt. andre former for vegansk melk/fløte. La dette koke til all soppen er heilt mør. Så til favorittdelen min: Ta fram stavmiksaren og køyr.

OLYMPUS DIGITAL CAMERA

Ha i resten av kantarellen. La heile suppa putre til du er fornøgd med både konsistens på suppa og soppen.

OLYMPUS DIGITAL CAMERA

Godt!

Då eg søkte på kantarellsuppe på nettet så fant eg haugevis av oppskrifter. Av dei eg såg på så var det ingen som laga suppa på den måten eg har gjort no, men sånn er det når ein plutseleg skal gjere noko vegansk.

OLYMPUS DIGITAL CAMERA

Blomkålris.

Dette er kanskje noko av det enklaste eg har laga. Eg heiv 5-6 blomkålkvastar i blenderen og trykte på knappen. Så vart det ris! Eg brukte eit heilt blomkålhovud og måtte derfor gjenta prosessen eit par gongar. Om du har foodprosessor så kan du sikkert hive alt i på ein gong, men sånn fungerar i alle fall ikkje min blender.

OLYMPUS DIGITAL CAMERA

«Rista» kikerter.

Okei, eg veit ikkje om eg kan kalle kikertene rista. Dei er rett og slett berre krydra og steikt i olje. Då vi smakte på dei var reaksjonen noko sånnt som: «Kva smaker det???» «Eeehm, litt sånn eeh, nøttekjøtt?» Ja, det smakte ei blanding av nøtter og kjøtt. Og nei, det er ikkje fordi eg har gløymt korleis kjøt smaker. Eg åt fårikål i helga utan å vere så alt for stolt over det.

OLYMPUS DIGITAL CAMERA

OLYMPUS DIGITAL CAMERA

Kantarellsuppe, blomkålris, rista kikerter og grønnkålchips.

I dag vil eg gjerne at alle skal tenke over kvifor dei et kjøt. Fins det ein anna grunn enn at det smaker godt? Det er ikkje for å presse tankar ned på folk, men for at folk kanskje kan gi temaet ein ekstra tanke. Ein har liksom alltid lært at CO2 er den største klimasynderen, men kva om dette ikkje er riktig? Om noken vil sjå ein film som tar for seg fleire sider av saka kan eg verkeleg anbefale «Cowspiration». Dokke finn den på Netflix, no excuses. Dokke må meir enn gjerne kommentere!

Koldtbord for to

Etter den inspirasjonen frå tidlegare hadde eg sjølvsagt lyst til å ha alt til middag. Sidan dette sjølvsagt er totalt umogleg testa eg ut nokre av alternativa. Eg steikte potetsticks, gulrot, champignon, rosenkål og tomat i ovnen. Kokte ris. Skar opp kålhovud og putta på litt grønnkål på tallerken. Det vart vel eigentleg meir avslapping enn matlaging når eg gjorde det på den måten.

OLYMPUS DIGITAL CAMERA

Sopp og rosenkål har mykje kortare steiketid enn resten og må derfor puttast i ovnen på slutten. 

OLYMPUS DIGITAL CAMERA

OLYMPUS DIGITAL CAMERA

Som dipp til potetsticksa fekk eg lyst på chiliketchup. Chiliketchup kjøpt i butikk er vel og bra det, men det beste er sjølvsagt å lage det sjølv. Om ikkje det er sunnare så er det i alle fall billigare å lage sjølv. Korleis gjer ein dette då? Jo, ein blandar ketchup og chili. Kjempegodt!

OLYMPUS DIGITAL CAMERA

Når vi et middag får vi sett på våre etterlengta minutt med Netflix. I ein travel kvardag er det faktisk heilt gull å berre kunne slå på netflix, ete og ikkje seie eit ord. Den nyaste favoritten er Wallander. Haha, veit at serien ikkje er ny akkurat, men eg har berre nyleg byrja på nordiske seriar. Eg trur eg likar alle. Det er noko med stilen i serien som kjennast eigenarta for norden. Litt mystisk og litt meir ekte. Perfekt.

Verkeleg kortreist kantarell

Vi er på Osterøy igjen og i dag har vi vore på tur og plukka med oss kantarellar! Dette har eg aldri gjort før, så vi fekk med oss svigerfar som kunne vise oss kva vi skulle sjå etter og fortelle oss det vi måtte tenke på. Det var igrunn overraskande enkelt. Kantarell er vel ein av dei soppane ein ikkje kan ta feil av. Den kan kanskje vere littegrann vanskeleg å finne, men samtidig ikkje. Fuktige stadar med ein del skygge er perfekt for kantarellen. Dersom ein finn ein kantarell så er det berre å løfte på mosen rundt denne eine kantarellen så poppar det fram fleirfoldige til. Nokre gongar kan ein strumple over haugevis av store soppar.

OLYMPUS DIGITAL CAMERA

OLYMPUS DIGITAL CAMERA

Med litt skygge og fuktig miljø kan ein visst finne haugevis med kantarellar.

OLYMPUS DIGITAL CAMERA

Sjå på ho du, totalt engasjert i dagens oppgåve.

OLYMPUS DIGITAL CAMERA

Wææ, ei heil bøtte.

Etter at kantarellen er plukka kjem ein til det verkelege arbeidet: Å plukke vekk rusk og rask som befinne seg på soppen. Dette gjeld kantarellar og det meste anna ein kan plukke med seg frå naturen.

OLYMPUS DIGITAL CAMERA

Når vi renska soppen så nytta vi ein soppkniv. Denne har kniv i eine enden og kost i andre. Meget nyttig verktøy til plukking av sopp. Ein kan sjølvsagt bruke ein heilt vanleg kniv og kva som helst anna kost – den du brukar til å smøre egg på bollar eller ein rein tannkost for eksempel. Grunnen til at ein kanskje burde bruke ein type børste for å få soppen rein, er at dersom ein pirkar det av så forsvinn det òg ein del av soppen.

OLYMPUS DIGITAL CAMERA

Når du skal renske soppen så kuttar du av enden og kostar av alt rusket. Begge deler er vist i bileteform under her. Ein skal ikkje skylle soppen – for då kan den miste ein del av smaken sin.

OLYMPUS DIGITAL CAMERA

OLYMPUS DIGITAL CAMERA

Etter at soppen er både plukka og renska så må vi konservere den på eit vis. Så vidt eg har skjønt så er det to ulike måtar å gjere det på. Vi måtte sjølvsagt prøve begge. Måte nummer ein er å steike soppen på lav varme til den slepp veska si og deretter fryse soppen i porsjonspakkar. Dei to neste bileta viser dette.

OLYMPUS DIGITAL CAMERA

Husk at soppen skal sleppe veldig mykje veske. Når den er ferdig har den ei litt meir fast form og er ca. halvert i størrelse.

OLYMPUS DIGITAL CAMERA

Med oss er vi berre ein som likar sopp godt, dermed har eg valgt å fryse dei i ganske små porsjonar. Eg endte opp med å dampe vekk veska til kantarellane. Dersom du endar opp med haugevis av veske så skal dette eigentleg frysast saman med soppen.

Den andre måten å konservere soppen på er å tørke den. Dette gjer vi i steikeovn. Ovnen står på 50° og varmluft. Det skal den gjere i ganske mange timar. Vår kjem vel til å stå i 8-10 timar. Vi har delt soppen ut over eit steikebrett, jo meir ein tar på brettet, jo lenger tid tar det før soppen er ferdig tørka.

OLYMPUS DIGITAL CAMERA

I tillegg til at ovnen står på varmluft er den litt open. Vi har plassert eit kjøkkentørkle i døra og har dermed laga 1-2 cm glipe.

OLYMPUS DIGITAL CAMERA

Den der trenden med å fargelegge kan berre gå og legge seg. Nokre timar i natur og det å faktisk lage noko sjølv, trur eg slår alt. No er det storsesong for innhausting av alt muleg. Eg er heilt sikker på at dei aller fleste kunne funne noko dei har lyst til å nytte seg av ut over hausten og vinteren. Rips, blåbær, villbringebær, urter, rognebær, kantarell og ja, dokke skjønar teikninga. Eg har sjølvsagt lyst å gjere alt på ein gong. Som fulltidsstudent med to jobbar er dette sjølvsagt heilt umogleg. Må seie at eg luktar ein liten blåbærtur i morgon – før vi blir byfolk igjen.

OLYMPUS DIGITAL CAMERA

Nokre timar med bygdeluft og augene våre glinsar. 

Dersom dokke skal ut på sopptur eller ein anna tur sjølve, vil eg anbefale dokke å ha med nokon som har gjort det før. Sjølv om det meste er enkelt å lære seg så er det òg enkelt å trå feil. Eg vil òg anbefale dokke å sjekke opp i alle «fakta»opplysningane eg har gjeve dokke – sjølv om eg stolar på at svigers kan dette godt. Dette gjeld både høsting og konservering. Dokke kjem ikkje til å angre – lykke til!

4 x tilbehør = jysla god middag

«Kan det her bli til en god middag, då?» Tenkte ho mens ho stirra tomt inn i kjøleskapet. Søtpotet, potet, bønner og champignon? Høyrtes i alle fall ut som noko av det kjedeligaste ein kan lage i mine øyrer, men kvardagen sluttar aldri å imponere. Det kan vel det siste biletet vere eit bevis på.

OLYMPUS DIGITAL CAMERA

OLYMPUS DIGITAL CAMERA

I dag laga eg eigentleg berre ein middag av fire ulike typar «tilbehør»:
– Grønnsaksmos av gulrot, kålrabi, blomkål, brokkoli, søtpotet, vatn og salt
– Sopp og kidneybønner steikt i ovn i ca. 10 min på 200°
– Potet og søtpotet steikt i ovnen på 200° til begge deler var mørt (ca. 20 min)
– Saus

OLYMPUS DIGITAL CAMERA

Kok/damp grønsakene og mos desse på den måten du vil. Eg brukte min trofaste blender.

OLYMPUS DIGITAL CAMERA

Den store utfordringa, i alle fall for min del, er vegansk saus. Då nyttar vi favorittmottoet mitt: «Tjaah, kva har vi i skapet i dag då?» I dag vart det saus av rismelk og kikerter. Eg nytta om lag 50/50 av begge.

OLYMPUS DIGITAL CAMERA

Rismelk og kikerter. Brukte ca. 1,5 dl rismelk og halvparten av kikert-boksen.

OLYMPUS DIGITAL CAMERA

For å lage saus tok eg kikertene og rismelka i ein beholder og brukte stavmikser til det var blitt ein saus.

OLYMPUS DIGITAL CAMERA

Rismelk og kikerter? Booring – add spices. Etter at sausen var stavmiksa så kokte eg den opp med desse kryddera; Karri, curry og cayennepepper.

OLYMPUS DIGITAL CAMERA

OLYMPUS DIGITAL CAMERA

Plutseleg ser potetene eg starta med ut som ein luksusmiddag!

Eg har høyrt mange argument angåande at ein ikkje vil ete vegetariansk/vegansk. Eit av dei er «eg orkar ikkje å ete berre bønner». Eg skal vere einig i at det blir ganske mykje bønner og at det kan høyrast rimelig kjedelig ut, men alt som skal til er litt fantasi. Høyrast ut som om eg sit på den høge hesten min og ser ned på resten av folka, men eg skal seie at eg tenkte akkurat det same før. Kikerter og bønner kvar dag? Blææh. Så viser det seg at det faktisk ikkje er så ille likevel. Og ja, dagens middag smakte heilt fantastisk.

It’s breakfast time

Som eg har sagt tidlegare så et eg for det meste vegansk, men av og til skeiar eg ut. Eg forsøker å berre et kjøtt når eg er på besøk med andre. Hittil har det gått ganske fint må eg seie, og eg kan tørre å påstå at eg har kutta ned kjøttforbruket mitt med ca. 95%. Sjølv om eg gjerne skulle kutta ut dei siste 5% òg, synes eg at eg har klart det. No gjenstår berre øving og variasjon i rettane mine så trur eg at dette skal kunne bli ei vane eg tar med meg i mange år framover! 😀

OLYMPUS DIGITAL CAMERA

OLYMPUS DIGITAL CAMERA

Det er klart for dag 3 av 4 med fadderveke – for denne veka. Herregud, så utruleg sliten det går an å bli. Det er noko heilt anna å oppholde seg i byen når dette står på. Heile Bergen kokar og det er heilt fantastisk gøy. Einaste minuset er at uteplassane er stappfulle. Dagens vors begynte vel for 20 minutt sidan, men eg kjenner at eg drikk kaffe i nokre minutt til før eg i det heile tatt orkar å gjere meg klar.

Tips! Oboy i rismelk smaker heilt fantastisk godt og er i alle fall min kur dagen etter.