Heimelaga woksaus

Dokke veit desse nydelige og litt chunky woksausane ein får kjøpt på butikken? Ein får visst laga dei heilt sjølv. Til no har eg liksom tatt til takke med soyasaus og olje på woken, men det vert det faktisk slutt på. Greit nok, mitt fyste forsøk inneholdt alt for mykje soyasaus, men eg har i alle fall knekt koden. Oppskrifta under er mykje betre enn jomfruforsøket.

OLYMPUS DIGITAL CAMERA

Min wok inneholdt blomkål, brokkoli, løk, paprika, hermetisk mais, hermetisk ananas, strimla gulrot og ei hermetisk wokblanding med bambusskudd, minimais og vannkastanje.

OLYMPUS DIGITAL CAMERA

Oppskrift på woksaus:
→ 1/2 dl soyasaus
→ 2 dl vatn
→ 1 ss næringsgjær
→ 3-4 ss maizena
→ 2 ts tahini
→ 1 cm fersk ingefær
→ 1/2 fersk chili
→ 2-3 fedd kvitløk
→ 2 ts sitronsaft
→ 2 ts koriander

Eg hakka ingefær, chili og kvitløk i små bitar. Hadde alle ingrediensane i eit sylteagurkglas og rista det godt. Ikkje bli bekymra av at fargen ikkje er av den nydelegaste sorten eller at det heile skiller seg undervegs. Berre rist sausen godt rett før du har den i gryta. Eg var sterkt i sterk tvil om det kom til å bli saus i det heile, men den her glimta verkeleg til! Den tjukna godt i wokpanna og gav den wokfølelsen eg var ute etter. Om den i tillegg får nokre timar i kjøleskapet tippar eg denne sausen vert perfekt!

OLYMPUS DIGITAL CAMERA

I tillegg til woken forsøkte eg meg på ovnssteikt aubergine. Eg har aldri smakt aubergine før, så eg ante verkeleg ikkje kva eg gjekk til. Eit forsøk måtte til likevel. Eg skar ein aubergine i to og laga djupe skår i den utan å kutte gjennom skalet. Deretter steikte eg den med den opne sida ned i 35 min. Til slutt snudde eg den, slo på  250 grader og grillfunksjon i ovnen og venta i 5 min. Før servering strødde eg over salt, pepper og koriander. Streiketida er eg så absolutt nøgd med, men eg synast det smakte litt vel lite. Den viste seg å vere ganske så squash-aktig. Neste gong vil eg nok pensle den med ein marinade i staden.

OLYMPUS DIGITAL CAMERA

Sidan dette er gårsdagens middag så har eg med denne i lunsjboksen på jobb. Uten aubergin då. Wok er heilt fantastisk å ha med seg i bagen både på jobb og på skulen. For det er vel denne typen mat ein kjøper i varmmatdisken likevel? Perfekt både smaksmessig og prismessig 😀

Advertisements

To typar gulrotsuppe; Krema og i grønsakskraft

Plutseleg hadde eg alt for mange gulrøter i kjøleskapet og nokre av dei byrja å nærme seg utgangsdato. Dermed er det ikkje anna å gjere enne å smelle saman nokre nydelege gulrotsupper. Eg har heilt dilla! Min hemmelige ingrediens i gulrotsuppe er 1-2 ts tomatpurè – det gjer verkeleg den store skilnaden.

OLYMPUS DIGITAL CAMERA

Om ikkje desse bileta fristar, så veit ikkje eg.

Oppskrift på krema gulrotsuppe;
→ 500 g gulrot
→ 1 fedd kvitlauk
→ ½ cm fersk chili
→ 5-10 g fersk ingefær
→ ½ Gul løk
→ 2 ts tomatpurè
→ 1 dl soyafløte

OLYMPUS DIGITAL CAMERA

Framgangsmåte på krema gulrotsuppe:
→ Damp gulrøtene til dei er møre
→ Ha alle ingrediensane i ein blender. Dersom suppa vert for tjukk er det supert å nytte vatnet som er igjen frå dampinga av gulrøtene til å vatne ut suppa med. Dersom du ikkje har blender vil eg anbefale deg å koke alle ingrediensane (utanom fløte) i ein kaserolle og anten nytte stavmiksar eller bruke ein potetmoser.
→ Ferdig!

OLYMPUS DIGITAL CAMERA

OLYMPUS DIGITAL CAMERA

Oppskrift på gulrotsuppe i grønsakskraft:
→ 500 g gulrot
→ 1-1,5 liter vatn
→ 1 terning grønsaksbuljong
→ 1-2 fedd kvitlauk
→ 1-2 cm fersk chili
→ 5-10 g ingefær
→ 2 ts tomatpurè
→ 2-4 ts sitronsaft*

*Sløyfast dersom sitron vert nytta som garnityr ved servering.

OLYMPUS DIGITAL CAMERA

Framgangsmåte på gulrotsuppe i grønsakskraft:
→ Rasp gulrøtene. Dei kan nok skjærast i tynne skiver eller i lange strimlar òg, om du ikkje orkar å raspe så mange gulrøter.
→ Løys opp buljongterningen i 1 liter vatn. Om du vil ha meir vatn i seinare er det betre å tilsette dette mot slutten av prosessen.
→ Tilsett gulrøtene.
→ Finhakk chili, ingefær og kvitlauk og tilsett dette i suppa.
→ Ha i tomatpurè og den mengda vatn du sjølv vil.

OLYMPUS DIGITAL CAMERA

Våre supper forsvant på eit blunk! Vi lagde den kremete suppa alt for sterk i utgangspunktet, dermed er oppskrifta moderert ein del her. Ein lærdom er at chili, løk og kvitløk liksom vert så mykje sterkare i ein blender. Sjølvsagt vert det vel det, kan ein vel kanskje seie. Begge suppene vart i alle fall svingode 😀

Potet- og blomkålkaker med krydra cashewsaus

Når vi kjøper poteter gjer vi det i kilospakkar. Gjerne den der FirstPrice med 2kg i. Det seier seg sjølv at potetene som ligg igjen på botnen av pakken vert ganske mjuke og stakkarslege. Når dette skjer er det gjerne ikkje så fristande å bruke dei som garnityr. Det ein derimot kan gjere er å putte dei i karbonader, lefser og liknande. Kva kallar ein liksom ei kjøtkake utan kjøt? Grønkake? Eg finn ikkje eit godt ord. Det er så deilig å finne oppskrifter ein kan nytte seg av sjølv om råvarene kanskje ikkje er av aller høgaste kvalitet lenger. Desse kakene fungerar i alle fall like godt med både mjuk blomkål og mjuke poteter. Potetpannekakene eg lagar somme gongar er òg perfekte til slike restepoteter.

OLYMPUS DIGITAL CAMERA

Potet- og blomkålkaker:
♦ 1 middels stor blomkål
♦ 3 mellomstore poteter
♦ 1 halv løk
♦ 1/4 ts muskat
♦ 2 fedd kvitlauk
♦ 10g ingefær
♦ 2 cm fersk chili
♦ 5 ss maizena
♦ 5 ss potetmjøl

OLYMPUS DIGITAL CAMERA

Framgangsmåte til kakene:
1. Ha alle råvarer utanom mjølet i blender og køyr til ei jamn masse.
2. Bland i mjøl til du har ei deigliknande masse
3. Steik i olje eller smør til dei er bruna på begge sider.

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

Eg dreiv å las på ulike oppskrifter til liknande kaker rundt om kring, alle fortalte meg at eg skulle koke potetene fyst. Sidan eg syns det høyrtes litt rart ut så dreit eg i heile kokinga og hadde dei i rå. Eg synast at alle former for poteter er supergodt, men om eg skal peike på noko på desse kakene så må det vere at eg sakna blomkålsmaken litt. Neste gong tenker eg dermed å ha i litt mindre poteter i oppskrifta.

OLYMPUS DIGITAL CAMERA

Cashewdip/saus
♦ 2 dl cashewnøtter (usalta og kokte)
♦ 2 dl vatn
♦ 1 cm chili
♦ 1 løk
♦ 3 fedd kvitlauk
♦ 1 ss olivenolje
♦ 1 ss næringsgjær
♦ 4 skiver soltørka tomat
♦ 2 ts sterk sennep
♦ 2 ts tomatpurè
♦ 1/2 dl soyafløyte
♦ 1 ts salt (maldon)
♦ 3 ts sitronsaft

OLYMPUS DIGITAL CAMERA

Det var særs mykje billigare med knekte cashewnøtter enn heile. Eg kjøpte mine på Global Foods rett ved Bergen Storsenter. Dei har alt der! Trur eg hang der inne i ein time. Eg har heller aldri sett så billige cashewnøtter før.

Framgangsmåte cashewsaus/dip:
1. Kok cashewnøtter i 15 minutter. Nøttene vil verte mjukare, få ein rundare smak og ein nydeleg konsistens etter ein tur i foodprosessoren.
2. Bland alle ingrediensane i foodprosessoren og køyr.
3. La sausen småputre i nokre minutt på komfyren sånn at kryddera får tid til å godgjere seg i sausen.

OLYMPUS DIGITAL CAMERA

Dette vert ein sjukt fyldig saus og kanskje litt vel tung for nokre. Den oppskrifta eg nytta som inspirasjon til min saus fungerte ikkje for meg i det heile. Eg måtte ha ein del syre i for at det ikkje skulle verte for mektig for smakslaukane. Denne sausen passar til det aller meste, men eg vil nok foretrekke å ete den saman med litt friskare ting enn potet- og blomkålkakene. Den er nok heilt sjukt god som dip til grønnsaker forresten! Det må eg prøve asap kjenner eg.

OLYMPUS DIGITAL CAMERA

Dette er ein særs enkel rett som kan lagast på 20-30 minutt! Perfekt for ein travel mandag eller tysdag, kanskje? Eg skal i alle fall ha med meg desse kakene i lunsjboksen til jobb i dag.

Bakt søtpotet med urtesmør og facon

Dette er kanskje det beste måltidet eg har laga nokon gong. Kombinasjonen av dei ulike smakane gjorde at dette sendte meg til himmelen. Det einaste som kanskje mangla var litt syre. Neste gong vil eg prøve litt sitron i urtesmøret mitt òg – anten i form av sitronmelisse eller berre nokre enkle sitrondråpar. Greit nok at dette måltidet tar litt tid å lage, men det meste av tida går til baking av søtpoteta og steiking av tofuen. Ellers var det andre ganske enkelt og greit.

OLYMPUS DIGITAL CAMERA

Til jul fekk eg meg ein mortel av lillesøstra mi. Igrunn er det ganske krise at eg ikkje har brukt den før no, men fy søren for ein kjekk sak å ha på kjøkkenet. Ein kan sjølvsagt lage urtesmør og liknande med stavmiksar òg, men det var noko med konsistensen på det heile no når eg nytta mortel som berre var heilt gull.

Oppskrift på urtesmøret:
♥ To blad fersk basilikum
♥ ca. to cm fersk chili
♥ To fedd kvitlauk
♥  1/2 ts dill
♥  1/2 ts maldonsalt
♥  1 pakke Smøremyk raps og kokos

Som vanleg kan ein bytte ut alt ferskt med krydder i pulverform og maldonsalt med kva som helst anna salt. Smøret spelar heller ikkje den store rolla anna enn at det kanskje bør vere litt nøytralt. Det vert sjølvsagt aller best resultat med ferske råvarer, men det seier seg vel kanskje heilt sjølv.

OLYMPUS DIGITAL CAMERA

Som ekstra tilbehør steikte eg sopp og tomatar i rapsolje på lav varme over lang tid.

OLYMPUS DIGITAL CAMERA

Desse tomatane har eg fått heilt dilla på. Når eg har god tid steiker eg dei berre på ei side til dei er gjennomsteikte. Då får dei ei fantastisk gyllen overflate og heile tomaten vert mør og proppfull av fantastiske smakar. Ja, adjektiva seier vel sitt. Eg har fullstendig dilla.

OLYMPUS DIGITAL CAMERA

Tofuen kjøper eg på Rema1000 på Exhibition. Eg trur ikkje Rema1000 skjønte heilt kva etterspørselen på tofuen var for tida for dèt sel ut fort, altså. Dei er utsolgt for tofu om lag tre av fire gongar eg er innom. No sist var eg skikkelig usportslig å kjøpte alt dei hadde. Høyrast ut som eg reiste heim med fem handleposar, men det var ikkje meir enn seks pakkar med tofu a 250g, gitt. Tofu smakar ganske lite for seg sjølv, men eg må seie at eg er mykje meir fan av å nytte tofu i diverse rettar enn til dømes kylling. Tofu kan ein nemleg gje akkurat den smaken ein sjølv vil. No i det siste har eg laga ein del facon med stor suksess. For dei som ikkje er inne i den her veggisterminologien så betyr det eigentleg berre steikt tofu med røyksmak. Eg var IKKJE positiv før eg testa dette ut sjølv, men sidan det er rimeleg poppis blandt veggisar måtte eg prøve det ut. Og veit dokke kva? Eg treng aldri å kjøpe bacon igjen. For å overbevise dokke enno meir: Eg laga facon til ei venninde som ikkje er veggis og ho elska det. I dag kjøpte ho faktisk inn ingrediensar for å lage det sjølv ♥  Hallo, det må vere overbevisande. Eg blir så glad!

Oppskrift på facon:
♥ 1-2 ss liquid smoke
♥ 3 ss næringsgjær
♥ 3-4 ss soyasaus
♥ 250 g tofu

For dokke som ikkje har næringsgjær i skapet så vil eg tru at ein kan bytte dette ut med kva som helst anna pulverisert form for gjevning. Eg vil foreslå heilt vanleg mjøl eller kanskje paprikakrydder. Dette har eg ikkje testa ut, men eg ser ikkje noko grunn til at det ikkje skal fungere. Veggisar nytta næringsgjær mest for B-vitaminen si skuld. Dersom ein ikkje har noko form for gjevning i røra mistar ein kanskje litt av konsistensen, men eg veit rett og slett ikkje. Eg må prøve det ut neste gong kjenner eg.

OLYMPUS DIGITAL CAMERA

Tofuen steiker eg på middels varme over lenger tid. Den er ferdig steikt når den har fått skorpe på seg. Vi har funne ut at det er fordelsmessig at tofuen er skjært opp i veldig små bitar når ein skal lage facon. Då blir den sprø og særs lik bacon. Vi har både skjært tofuen i terningar og i skiver. Begge funkar like bra!

Min liquid smoke har eg kjøpt på Meny. Den kostar om lag 50 kroner, men den varer i evigheiter.

OLYMPUS DIGITAL CAMERA

Når tofuen er steikt sprø er det berre å tilsette blandinga av liquid smoke, næringsgjær og soyasaus. Det kjem til å lukte røkeri på kjøkkenet ditt, og du kjem til å bli forelska i facon. I promise.

Eit lite tips viss du rynkar på nasa av denne røyksmaken er å lese på baksida av dei «røykte» varene du kjøper på butikken. Wink, wink, lissom.

OLYMPUS DIGITAL CAMERA

Søtpotetene prikka eg hol i med ein gaffel og heiv i ovnen. Dei fekk kose seg midt i ovnen på 200°C i ein og ein halv time. Steiketid varierar frå ein time til ein og ein halv, der må ein nesten berre prøve seg fram med størrelse og tid. Eg tok mine søtpoteter ut etter at det hadde osa ein del væske ut av dei. Det viser seg at då var i alle fall mine ferdige.

Når søtpotetene var ferdig bakt snitta eg dei på langs og hadde i mykje urtesmør. Dette fekk stå å trekke litt før eg la heile kunstverket på tallerkenane.

OLYMPUS DIGITAL CAMERA

Om du sei det ikkje ser fristande ut så trur eg faktisk ikkje på deg. Vi måtte ta ein siesta på langt over ein time etter dette måltidet. Det viser seg at ei heil søtpotet kanskje var litt mykje for magen min i alle fall.

OLYMPUS DIGITAL CAMERA

OLYMPUS DIGITAL CAMERA

Wææ, håpar dokke testar det ut altså! Det heile er kanskje litt vel dristig som eit onsdagsprosjekt, men kanskje på fræddan? Eg seier i alle fall ja takk til det.

Min beste burger (sålangt)

Eg var rett og slett berre nøydd til å lage burger to dagar på rad. Eg har funne ei burgeroppskrift som i alle fall eg synast er perfekt. Eg kan driste meg til å seie at dei nesten smaker som kjøtt og at dei nesten ser ut som kjøtt. Men! Dokke! Dei er saftigare. Ååå, eg må varme meg en to no.

Oppskrifta bør lagast med stavmikser, blender eller foodprosessor. Man skal vel eigentleg ikkje ha bilete av sluttproduktet i starten av eit innlegg, men eg klarer ikkje å vente.

Sjå på dei då!!

OLYMPUS DIGITAL CAMERA

Hallo, det ser ut som litt lyse kjøttkaker, jo!

Okei, get it together, liksom. Dei er hovudsakleg laga av linser og champignon. For å få enno meir smak i dei har eg i løk, kvitløk, salt, pepper, ingefær og muskat. Dette er akkurat dei same ingrediensane ein nyttar i kjøttkaker.

Oppskrift del 1:
350 g hermetisert champignon
530 g raude linser
1,5 løk
3 fedd kvitløk
1 ts salt
1 ts pepper
1 ts ingefærpulver
1 ts muskat

Lenger nede finn du del 2 av oppskrifta. Den inneheld olje og mjøl.

Ingen av måla i denne oppskrifta er heilt nøyaktige. Som i alle andre oppskrifter er dette sånn ca. det eg hadde oppi og det er berre å prøve seg fram sjølv. Langt i frå er det nok ikkje.

OLYMPUS DIGITAL CAMERA

Eg starta med å ha alle ingrediensane utanom mjøl og olje i foodprosessoren og køyrte dette til ei jamn masse.

OLYMPUS DIGITAL CAMERA

OLYMPUS DIGITAL CAMERA

Dersom du steiker den massa du har fått vil burgerane bli litt vanskelege å jobbe med. Dette forsøkte eg for tre dagar sidan. Eg måtte i alle fall gje opp det prosjektet. Dokke skulle sett kor demotivert eg vart. Så kom eg på at mjøl er ein fin ting og eg lagde heller ei deig av heile greia. Her tippa eg at ein kan velje akkurat kva type mjøl ein vil ha i sjølv. Eg prøvar å bli kvitt nokre restar eg har i skapet og brukte dermed ganske mange forskjellige typar. Fyste gongen eg lagde desse trur eg at eg berre prukte Maizenna og potetmjøl. Det fungerte heilt topp.

Oppskrift del 2:
5 ss rapsolje
8 ss glutenfri mjølblanding (lys)
4 ss potetmjøl
2 ss fiberhusk
2 ss kikertmjøl

Det eg gjorde i denne delen var å flytte masse frå foodprosessor til bolle. Manuelt arbeid er veldig greit når ein lagar deig synast eg. Det er så mykje enklare å jobbe med deiga på denne måten. Eg tilsatte 5 ss rapsolje til massen og prøvde meg fram med mjøltypar til eg var fornøgd. I notatblokka mi står det f.eks. «5 ss mjøl + 1 + 1». Sånn jobbar eg forsåvidt heile vegen på kjøkkenet.

OLYMPUS DIGITAL CAMERA

Burgerane ser til og med flotte ut før dei er steikte. Eg hadde vatn på henda når eg forma burgerane og deretter trykte eg dei ned i steikepanna med steikespaden min. Derav alle desse strekane i dei.

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

Som tilbehør hadde eg; glutenfrie baguettar, dressing av sennep, majones og sylteagurk, steikte chilipoteter og steikt løk. Burgeren fylte eg ellers med dei grønnsakene eg hadde i kjøleskapet, i dette tilfellet vart det tomatar, spinat og gul paprika.

OLYMPUS DIGITAL CAMERA

Eg har i alle fall verken sett eller smakt ein så god vegansk burger før. No har eg ete den fire dagar på rad – så det seier vel sitt.

Håper dokke testar den ut! Som alle andre av mine oppskrifter er desse sjukt enkle å lage. Ein kan heller nesten ikkje gjere noko feil. Eit tips er å steike ei side av burgeren om gangen. Altså, ei side av gongen blir det vel uansett, men å steike ei side ferdig før du steiker den neste. Då vert dei lettare å snu og dermed held dei seg lettare fine. Eg steikte dei i ein del rapsolje og på medium høg varme. Då må ein sjølvsagt følge med på panna òg.

OLYMPUS DIGITAL CAMERA

Ps. Raude linser inneheld mykje av dei same næringsstoffa som ein får frå kjøt. Google it! Lite feitt og haugevis av protein, vitamin og mineral.

No skal vi besøke den nye leiligheta vår og måle opp alt sammen. Vi skal med andre ord finne ut kva møblar som passar inn og kva av våre møblar vi må kaste. Wææ! Vi skal flytte 😀

«Berre» spaghetti i tomatsaus

Når mandagen kjem atter ein gong og ein kanskje har litt lite overskudd etter alle gjeremåla er dette den perfekte middagen. Den er megakjapp og smakar veldig godt. Det er rett og slett spaghetti med tomatsaus. Kjedeeeedelig tenker du kanskje, men tomatsaus treng ikkje berre å vere tomatsaus.

OLYMPUS DIGITAL CAMERA

Vi begynder med å lage tomatsausbasen. Her er det ein boks hakka tomatar, smør, løk, kvitløk, chili og pesto. Etter at denne er køyrt til ei masse tilsatte vi hermetisk paprika, soltørka tomat, råkost (kålrabi og gulrot) og kidneybønner. Alt dette er sjølvsagt delt opp i fornuftig størrelse. Dette fekk småputre i nokre minutt.

OLYMPUS DIGITAL CAMERA

No når vi har ete spaghetti og makaroni så kokar vi det i grønnsaksbuljong. Det vert ikkje ei vannvittig kulinarisk oppleving på grunn av dette, men det gjer at spaghettien får det lille ekstra. Synast vi i alle fall.

OLYMPUS DIGITAL CAMERA

OLYMPUS DIGITAL CAMERA

Når spaghettien er kokt og sausen er varma så ser det berre heilt fantastisk ut. Krydderet på toppen og i sausen er kjøpt i Frankrike og heiter Provence-krydder. Det er igrunn berre ei blanding av mange ulike tørka urter. Den inneheld i alle fall rosmarin, basilikum og timian – det står på fransk så… Dette er absolutt ikkje eit must, berre hiv i det du har i skapet av tørka urter så har du ca. det same som vi har i.

OLYMPUS DIGITAL CAMERA

OLYMPUS DIGITAL CAMERA

Denne dagen består for min del av jobb, lesing og styrearbeid så dette er med andre ord den perfekte middagen i dag.

Fargerik fredagswok

Er ikkje vi lei av den der fredagstacoen snart? Det her er i alle fall eit fantastisk alternativ. Eg har hatt ei vannvittig travel veke med oppgåveskriving og ja, livet. To do-lista stoppar liksom aldri, men sånn er det vel for dei fleste. Uansett, eg var så heldig å komme heim til matlaging her ein dag. Då måtte eg berre hoppe inn i prosessen og sikre nokre bilder av det heile. Har dokke sett noke så fargerikt og fantastisk? Wææ, ikkje for å skryte, men typen lagar den beste woken eg veit om.

OLYMPUS DIGITAL CAMERA

I dag hadde vi nummer to i rekka av obligatoriske, munnlege framføringar. Herregud, eg blir så nervøs når eg står der framme! Heldigvis gjekk det mykje betre denne gongen, enn forrige. Yey, me! Liksom.

OLYMPUS DIGITAL CAMERA

I woken hadde vi kidneybønner, brokkoli, søtpotet, gulrot, kål, sopp, en halv løk, purre, hermitisert paprika, kokosmelk og ananas. Haha, Piña Colada-wok.

Søtpotet, gulrot og kål vart strimla. Brokkolien vart dampa. Løken og soppen vart stekt på lav varme i olje i ca. 10 minutt. Vi blanda desse delane og steikte det saman i eit par minutt saman med ananas. Etter at alle ingrediansane som trengte lang steiketid var ferdig la vi til dei som gjerne berre treng å bli varma opp: Hermetisert paprika, purre og kidneybønner. Til slutt hadde vi i krydder og kokosmelk. Kryddera er igrunn alle dei vanlige – curry, karri, gurkemeie, kvitløk og salt. For min del var det nok soppen og ananasen som gjorde susen denne gongen. Megagodt i alle fall!

OLYMPUS DIGITAL CAMERA

Eg har snakka om det før, men eg kan eigentleg ikkje ete gluten/kveitemjøl i det heile, men skal no forsøke å påvise cøliaki eller allergi. Mest for min egen del. Etter å ikkje ha ete makaroni og pasta på 5 år så er eg no heilt hekta. Eg har lyst til å ete det til alle måltid. Herregud, det er jo avhengighetsskapande heile greia. Må seie at eg verkeleg gledar meg til dette forsøket er over. Eg manglar energi, har konstant vondt i magen/kroppen og har fått søtsug (??!!). Okei, det med søtsug høyrast kanskje ikkje så rart ut om du ikkje kjenner meg, for det får vel alle, eller? Nei. No er eg litt kresen på alt av søte ting så eg er kanskje ikkje verdas beste eksempel, men eg har verkeleg aldri hatt meir søtsug enn eg har no. Brødskiver og makaroni øydelegg definitivt alt som heiter stabilt blodsukker. Humøret mitt er dårlegare, dei månedlege smertene har skutt til himmels og eg skal aldri ete kveitemjøl igjen etter at dette greiene her er ferdig. Om nokon som les dette tenker på å endre på kostholdet sitt, så er kveitemjøl definitivt det fyste alle burde kutte ut – i alle former. Så må ein ikkje erstatte det med det der tulle-glutenfrie-erstatnings-greiene. Hallo, då er vi like langt.

Dermed vart det sjølvsagt kokt makaroni med steikte tomatar som sidedish.

OLYMPUS DIGITAL CAMERA

Ein kan liksom sjå at det smaker godt. Eg var så heldig å finne restar av nettopp denne woken i kjøleskapet tidlegare og dagen vart dermed redda. Av og til er det verkeleg ein forbannelse å vere jente.

OLYMPUS DIGITAL CAMERA

Denne woken er igrunn berre laga av det vi hadde i kjøleskapet og skapet frå før. Ein del av ingrediensane er hermetiserte. Er det ein ting vi alltid har i leiligheta så er det hermetiserte matvarer. Det kan redde alle dei dagane ein ser i kjøleskapet og tenker: «Pokker, eg skulle verkeleg gått til butikken likevel.»

Rotsuppe Vol 1.0

Middagspostar passar seg vel ikkje heilt klokka halv ti på kvelden, men det får berre vere. Eg har vore ute av huset i heile dag og hadde sjølvsagt gløymt å laste opp bileta før eg for. Vims.

I alle fall. Denne suppa vart kanongod.

OLYMPUS DIGITAL CAMERA

Oppskrift:
→ 0,5 liter grønnsakskraft
→ 1 søtpotet
→ 2 poteter
→ 1 stor gulrot
→ 1 skive kålrabi
→ 1 brokkolistilk
→ 1 boks hakka tomatar
→ ½ løk
→  3 fedd kvitløk

Med andre ord er oppskrifta noko sånnt som: Det vi har i kjøleskapet.

OLYMPUS DIGITAL CAMERA

Framgangsmåte:
→ Kok opp 0,5 liter grønnsakskraft. Her brukte vi ein halv liter vatn og ein buljongterning.
→ Damp/kok grønnsakene du skal ha i. Jo mindre bitar, jo fortare går det.
→ Bland tomatane, løken og kvitløken og bruk stavmiksaren på blandinga og hell dette i grønnsakskrafta (valgfritt).
→ Når grønnsakene er mjuke og buljongterningen har løyst seg opp så er det berre å køyre heile sulamitten i blenderen.
→ Tilsett havrefløte (vi brukte ein halv boks) og salt.
→ Kok opp.
→ Server.

Til å ha i suppa steikte vi brokkolistilkar og hovudkål. Dette er ikkje nødvendig i det heile, men det var supergodt med steikt brokkoli i denne rotsuppa her!

OLYMPUS DIGITAL CAMERA

Eg har verkeleg dilla på desse rotsuppene. Det er jo berre fordelar med dei: Billig, rask, sunn, mettande og god. Betre vert det ikkje. Dette er forresten den rotsuppa vi har laga som har smakt best hittil. Det er noko med kombinasjonen rotgrønnsaker og tomat som berre harmonerar perfekt for min del.

OLYMPUS DIGITAL CAMERA

I det siste har vi gjort nokre endringar på denne bloggen her. Om nokon av dokke nyttar dokke av Matprat så veit dokke sikkert at dokke kan søke på ingrediensar og få opp alle oppskriftene med denne ingrediensen. Eg har prøvd å få til det samme her, men foreløpig ligg det berre i ei sky. Dersom du trykker inn for eksempel «potet» i søkefeltet på toppen av sida så skal det fungere på same måten. Dessutan har vi organisert katergoriane på ein ny måte. Forhåpentlegvis er det litt meir brukervennleg enn før. Og så ligg det direktelink til både Facebook, Instagram og Bloglovin»! Yey 😀

Potetsuppe med råkost

I går vart det potetsuppe til middag. Eg trudde verkeleg det skulle bli ein av dei døvaste rettane eg hadde laga nokon gong. Sjølvsagt tok eg feil denne gongen òg. Det vart kjempegodt!

Dette er eit fantastisk eksempel på studentmat ein kan nyte. Prisen for 1kg poteter ligg på 14 kroner, gulrot og løk ligg i same prisklassa. Smør og brød treng ein ikkje. Og kryddera ligg vel på 5 kroner til sammen. Så – middag for to-tre personar til 20 kroner. Suksess.

OLYMPUS DIGITAL CAMERA

Oppskrift:
→ 600g poteter (ca. 6 mellomstore)
→ 2 løkar
→ 2 fedd kvitløk
→ 1 buljongterning
→ 2 cm fersk ingefær
→ ½ fersk chili
→ 1 stor gulrot til garnityr
→  Sitronsaft (kan sløyfast)

Eg byrja med å skrelle og koke potetene. Mens potetene kokar kutta eg opp løk, kvitløk og ingefær. Dette steikte eg i olje til det hadde fått ein gyllen farge. Deretter tilsatte eg 5dl vatn i gryta og lot dette putre saman med ein terning grønnsaksbuljong. Då potetene var ferdig kokte og buljongterningen hadde løyst seg opp hadde eg alt i den trofaste blenderen min og trykte på knappen. Eg hadde òg den halve chilien i blenderen. Då dette var ei jamn masse hadde eg det tilbake i gryta. Her tilsatte eg det resterande eg ville ha i og valget landa på salt og havrefløte. Undervegs hadde eg laga vegansk kvitløkssmør og garnityr av gulrot og eit par dråpar sitronsaft.

OLYMPUS DIGITAL CAMERA

Dersom eg ikkje hadde visst at det kanskje var litt usunt å ete ein heil pakke smør så hadde eg gjort nettopp det med Bremykt. Denne veganske versjonen har same smak, men berre litt mindre av den. Dette gjer ingenting for min del og eg er forelska igjen.

OLYMPUS DIGITAL CAMERA

Til denne suppa passar alle typar brød.

OLYMPUS DIGITAL CAMERA

No i tre dagar framover vert det nok litt lite tid til middag. Det vert skule på dagtid og jobb på kveldstid. Kanskje litt vel heftig denne veka, men pengar må ein jo ha.

Curry Panang

Ja, denne helga var strengt tatt ei reprise av forrige helg. Eg har jobba. I massevis. Denne søndagen skal med andre ord vere ein skikkeleg søndag. Av den typen der du sitt i sofaen heile dagen, ser på Netflix og et is.

Denne suppa vart laga på torsdag og var vannvittig mettande sånn som dei fleste supper eg lagar er. Den er basert på dei som heiter Curry Panang ved eit kjapt google-søk. Denne er kanskje hakket enklare enn dei eg baserte den på, men likevel. God smak og ei perfekt haustsuppe spør du meg. Eg likar dei kremete eller sterke. Denne er sterk.

OLYMPUS DIGITAL CAMERA

Oppskrift:
〉 1 boks kokosmelk (lett)
〉 1-2 dl hakka tomatar

Dei kryddera vi brukte:
〉 Curry
〉 Karri
〉 Cayennepepper
〉 Chili
〉 Kvitløk
〉 Løkpulver
〉 Ingefær

Til å ha i suppa steikte vi det vi hadde i kjøleskapet: Søtpotet, potet, gulrot, hovudkål og kålrabi. Dessutan kokte vi makaroni og hadde i. Makaronien kunne eg strengt tatt spart meg for – denne suppa var betre utan.

OLYMPUS DIGITAL CAMERA

Framgangsmåte:
〉 Ha olje i ei steikepanne. Steik kvitløk, løk, chili, ingefær og det du måtte ønske. Dette skal få ein gyllen farge.
〉 Deretter har du i kokosmelk og hakka tomatar. Tomatane hadde eg nytta stavmiksar på før eg hadde dei i – sånn at eg slapp store tomatbitar i suppa.
〉 Kok opp og ha i krydder samtidig som du smakar på suppa undervegs. Det er du som veit best kor mykje krydder du vil ha i, derfor har eg ikkje oppgitt mål i denne oppskrifta.
〉 Steik/kok det du måtte ønske å ha i suppa.
〉 Ferdig!

OLYMPUS DIGITAL CAMERA

Oh my, for ei suppe.

Om ein kanskje ikkje er særleg vand med massevis av krydder vil eg sjølvsagt anbefale å prøve seg fram. Husk at kokken skal smake på maten undervegs!