Vegan pizza-time

Den siste veka har eg lest, øvd, lest og jobba. Dagane har gått i ett. Før eg visste ordet av det hadde eg nesten gløymt av denne matbloggen her i over ei veke! Neida, eg har faktisk tenkt på den kvar dag –  eg har til og med sett at nokre av dokke held ut sjølv om det ser dårlig ut på oppdateringsfronten ♥ På den lyse sida så kan du tenke på at dersom du skulle få meg som sjukepleiar så kan eg i alle fall alt om kva som skjer på innsida av kroppen din 😀

Dårlig tid fører til dårlig fantasi innanfor matvegen, det er kanskje litt derfor eg har droppa å oppdatere òg. Vi har laga god mat altså, men kanskje ikkje noko nytt. Forrige helg der i mot så laga vi vegansk pizza med vegansk rømmedressing! Det vart kjempegodt. Einaste minuset når ein droppar å ha ost på toppen er jo at ingenting heng saman. Dette er med andre ord ein pizza ein må ete med kniv og gaffel.

OLYMPUS DIGITAL CAMERA

OLYMPUS DIGITAL CAMERA

Vi starta med å lage ein heilt standar pizzabunn (trur eg fann oppskrifta på MatPrat). Den innehold kveitemjøl, vatn, gjær og massevis av krydder. Krydderbiten er kanskje ikkje så standar, men eg har fått det for meg at pizzabunnar med krydder i – dèt er godt det.

OLYMPUS DIGITAL CAMERA

Eg er sjølvsagt ein juksemaker uten like. Fyst så blanda eg saman pizzadeiga, så rulla eg den utover eit brett og heva den i ovnen på ca. 40 grader. Det funkar heilt utmerka.

OLYMPUS DIGITAL CAMERA

På toppen hadde eg tomatpurè, hakka tomatar, oliven, soltørka tomat, ananas, mais, purre, løk, hermetisk paprika, champignon og kikerter. Marvellous!

OLYMPUS DIGITAL CAMERA

Dersom du ikkje har prøvd ovnssteikte kikerter så må du verkeleg få ræva i gir. Det smakar heilt himmelsk og i tillegg så er det superenkelt. Vi tar som regel ein boks kikerter, to ss olje og valgfritt krydder på før vi setter dei i ovnen på ca. 200 grader. I går var vi skikkeleg late og lagde desse kikertene, kokte ris og laga bernaissaus til. Perfekt avslutning på ein lang dag.

OLYMPUS DIGITAL CAMERA

Eg må berre påpeike at dette er fyste gongen eg har laga pizzadeig med gluten. Haha, ei i studiegruppa ler sånn av meg når eg seier det, men det er jo sant! Eg lager berre deiger utan gluten til vanleg og har gjort det sidan sånn 2011. Så eg er faktisk ganske usikker på om eg fekk til å lage pizzadeiga skikkeleg eller kva som skjedde. Den endte opp med å bli ganske så flat og crunchy, men hey, vi kalla det berre for italiensk pizza og er meganøgde.

Vi brukte en vegansk erstatter for rømme som heiter iFraiche, men eg mistenker at dette kanskje var ein form for kesam i staden. Den var god på pizzaen altså, men det smakte litt feil – litt søtt kanskje? Om nokon rømmedressing-tips så jublar i alle fall eg av glede!

OLYMPUS DIGITAL CAMERA

Advertisements

Kan det kallast taco?

Vi skulle eigentleg på butikken for å handle, men så kom vi på at i morgon då er det trippel-trumf. Det er vel ikkje noko som er betre enn sånne tilbod som student. Dermed vart handlinga utsatt til i morgon og vi heiv i hop ein merkeleg rett av det vi hadde i skapet.

OLYMPUS DIGITAL CAMERA

Eg stod med ein liten del brokkoli i handa og ønskte meg guacamole. Tenkte at det var vel berre å prøve. Eg dampa brokkolien, hadde i nokre spiseskeier havrefløte og eit fedd kvitløk og miksa med stavmikser. Heilt genialt spør du meg. Kva skal ein kalle sånnt då? Brokkoli-guacamole?

OLYMPUS DIGITAL CAMERA

Sennepsdressingen laga eg av:
→ 3 ss majones
→ 2 ts dijonsennep
→ 3 skiver sylteagurk

Dette er nok min favorittdressing. Den er sterk, spekka med smak og akkurat så syrleg som eg likar dressingar.

OLYMPUS DIGITAL CAMERA

Ingrediensane vart altså:
→ Lefse
→ Brokkoli-guacamole
→ Sennepsdressing
→ Rista kikerter
→ Steikt løk
→ Steikt champignon
→ Hovudkål
→ Mais
→ Soltørka tomat

Hahaha, for ein rett. Jaja, godt vart det i alle fall.

OLYMPUS DIGITAL CAMERA

OLYMPUS DIGITAL CAMERA

Samtidig som eg steikte kikertene her så laga eg knekkebrød og kikertpostei. Veldig spent på knekkebrøda, for eg har aldri laga dei akkurat sånn som dette før. Så lenge dei heng saman er eg nøgd, men det var det då!

Glutenfri, laktosefri og veganske brownies

…Hæ? Joda, fullt mulig!

Det treng ikkje gå ut over helgekosen sjølv om ein legg om livsstilen. I går laga eg brownies av kikerter og litt anna snacks. Kikerter kan verkeleg brukast til alt. Visste du for eksempel at du kan lage marengs av veska kikertene ligg i? Eg har ikkje prøvd det enno, men det skal visst vere fantastisk godt. Kanskje det blir det neste på lista.

OLYMPUS DIGITAL CAMERA

Oppskrift:
→ 1 boks kikerter
→ 3 ss mandelmjøl
→ 10 dadlar
→ 3 ss vegansk smør
→ 4 ss havrefløte
→ 4 ts kakaopulver (raw)
→ 1 ts vaniljepulver

Eg byrja med å mose kikertene med ein brei kniv. Deretter tok eg ut steinane i dadlane, hakka dadlane opp og kokte dei saman med smøret til det vart ei tjukk masse. Eg blanda kikertene og daddelmassa. Deretter hadde eg i dei resterande ingrediensane (mandelmjøl, fløte, kakaopulver og vaniljepulver) og blanda dette godt. Browniesrøra vart steikt i forvarma ovn på 175°C i litt over ein time.

OLYMPUS DIGITAL CAMERA

Smaken vart meir enn godkjend av både meg og typen. Må seie at røra kanskje vart litt lite søt utan melisen på toppen, men at eg kanskje overdreiv den der «skal berre ta på litt melis»-greia.

OLYMPUS DIGITAL CAMERA

OLYMPUS DIGITAL CAMERA

Glutenfritt, laktosefritt og vegansk. Hallo, null stress!

Kikertpostei med raspa gulrot

Eg har laga vegansk pålegg. Dersom ein har stått i butikken og tenkt tanken på å kjøpe vegansk pålegg så kan det virke ganske håplaust. Fyste gongen eg prøvde meg på det endte eg opp med banan og jordbærsyltetøy. For kva kan ein eigentleg ete til frokost? Dagens svar er kikertpostei. Ein kan verkeleg bruke desse kikertene til alt. Oppskrifta eg brukte (med nokre unntak) fann eg her.

Mi oppskrift:
→ 1 boks kikerter
→ 1 ss solsikkefrø
→ 1 ss olivenolje
→ 1 ss dijonsennep
→ 3 ss majones (ikkje vegansk)
→ Sitronpepper, salt og pepper

Det er veldig små skilnadar mellom dei to ulike oppskriftene. Min postei vart veldig tørr når den var «ferdig», dessutan smakte den litt lite – dermed tilsatte eg majones og meir sennep. Sidan mottoet er at ein aldri skal følge oppskriftene slavisk så vert det litt sånn. Uansett, smaken vart ei blanding av italiensk salat og sennep om det gir meining. Kjempegodt! Eg har sikkert nemnd det ein milliard gongar, men dokke må nesten smake dokke fram i oppskriftene sjølve. Kanskje er mine spiseskeier større enn dine? Kanskje er eg meir glad i sennep enn du?

OLYMPUS DIGITAL CAMERA

Eg starta med å raspe gulrota. Det er kanskje den tingen med matlaging eg hatar mest – rasping av gulrøter. Hææregud, kor kjedeleg. Deretter moste eg kikertene med ein brei kniv og blanda alle ingrediensane saman i ein bolle. Til slutt vart posteien sjåande ut som på biletet under her. Eg endte opp med ein del meir enn vist, men eg var visst tom (?!) for reine glas å ha det på. Hei, oppvask.

OLYMPUS DIGITAL CAMERA

Yumyum.

No er det å berre dra på seg lesebrillene igjen og fatte mot. Det er snart helg! Eller?

Vegansk, spicy tomat-gryte

Denne middagen kan sjå ut som noko ris med noko tomatgreier, men fy så godt! Trudde det ikkje sjølv før eg smakte på det. Denne gongen stjal vi heile oppskrifta her.

Oppskrift:
〉 150 g kikerter
〉 3 dl kokt ris
〉 1 dl cashewnøtter
〉 6 dl vegansk buljong
〉 ½-1 dl tomatpurè
〉 1 paprika
〉 1 boks ananas
〉 Karri og Hot Curry
〉 Salt

OLYMPUS DIGITAL CAMERA

Vi kokte ris i ei gryte og buljong i ei anna. Buljongen laga vi av 6 dl vatn og ein (vegansk) buljongterning. Då buljongterningen hadde løyst seg opp putta vi alle ingrediensane i gryta og kokte opp dette. Risen vart tilsatt i gryta heilt til slutt. Soppen vart sjølvsagt steikt i panne for seg sjølv. Lav varme og litt olje så smakar soppen heilt himmelsk.

OLYMPUS DIGITAL CAMERA

Som vanleg kan ein bruke akkurat den variasjonen av ingrediensane som ein vil. Det einaste rare vi gjorde med denne oppskrifta var at vi testa ut hermetisk paprika (ja, det var salg på Meny) og det var sjukt godt! Om dokke har gått forbi og tenkt tenken så vil eg verkeleg anbefale den hermetiske paprikaen.

OLYMPUS DIGITAL CAMERA

Dette er kanskje den fyste verkeleg tunge veganske middagen vi har laga. Misforstå meg rett, ein vert alltid mett av våre måltid, men denne var liksom tung. Så om du skal ut å springe 4-5 maraton så er ikkje dette maten ein skal ete to minutt før. Jättegodt i alla fall.

OLYMPUS DIGITAL CAMERA

Eg var på vinkveld med nokre nydelege folk i går. Om eg koste meg! Vi åt pai, marsipan og kyllingbollar. Ikkje særleg vegansk, eg veit. Eller marsipanen var både vegansk, glutenfri og sukkerfri, så det er då noko. Rett før vi avslutta så kom typen og diska opp med piña coladas til heile gjengen!

Kikert- og tomatwraps

No har eg og typen laga felles timeplan. Haha! Er det mogleg? I ein så hektisk kvardag er dette kanskje eit av dei betre tiltaka vi har gjort. Ein felles timeplan på nettet, liksom. Hallo, vaksenliv og seriøsitet. Pfft. Neida, vi er faktisk nøydde. Anten er vi på jobb eller så studerar vi, om vi då skal få tid til trening og ordentlege middagar så må det nesten planleggast i forkant. Det beste med det heile er at eg kan føre inn «vaske badet» på typen si side av timeplanen. Knis.

OLYMPUS DIGITAL CAMERA

Dagens middag er ei blanding av tomatar, kikerter, rødløk og oliven. I tillegg er det diverse krydder (kvitløk, chili, pesto osv.) blanda inn i smørja. Dette vart, som dokke ser, lagt ut over lefser. Deretter steikte vi det i ovnen på 100°C i 7-8 minutt. Heilt vegansk og supergodt!

OLYMPUS DIGITAL CAMERA

OLYMPUS DIGITAL CAMERA

Målet før skuledagen byrjar i morgon er å trene. Eg er veldig spent på om det blir noko av. Veit ikkje om eg nokon gong har fått til å trene før klokka 09:00 om morningen. Kanskje vert det ein slags personleg rekord i morgon? Vi får sjå. Det vert i alle fall rekord i kveld. Eg seier god natt og klokka er 22:30. Jaja.

Kantarellsuppe, blomkålris og rista kikerter

I dag hadde eg lyst å prøve alt på ein gong. Sånn fungerar det likevel ikkje, så eg prøvde meg på «rista» kikerter, kantarellsuppe og blomkålris. Javelda, eg fekk då prøvd litt nye ting i dag. Vi får begynde med kantarellsuppa. Dokke huskar dei kantarellane vi plukka for to veker sida? Jepp.

OLYMPUS DIGITAL CAMERA

Tørka kantarell, forvella kantarell (begge frosne), løk, rødløk, kvitløk, rismelk og havrefløte.

OLYMPUS DIGITAL CAMERA

OLYMPUS DIGITAL CAMERA

Løk, Rødløk og kvitløk steikt i olje.

Fyst steikte eg løksortane mine gylne. Deretter hadde eg litt kantarell i og steikte det litt til. Dei fleste ville nok stoppa på gyllen løk, men eg elska smaken av stekt løk og synes liksom den gjer det lille ekstra i dei fleste kvite supper. Smak og behag, sjølvsagt.

OLYMPUS DIGITAL CAMERA

Tilsett Maizena, rismelk og havrefløte. Evt. andre former for vegansk melk/fløte. La dette koke til all soppen er heilt mør. Så til favorittdelen min: Ta fram stavmiksaren og køyr.

OLYMPUS DIGITAL CAMERA

Ha i resten av kantarellen. La heile suppa putre til du er fornøgd med både konsistens på suppa og soppen.

OLYMPUS DIGITAL CAMERA

Godt!

Då eg søkte på kantarellsuppe på nettet så fant eg haugevis av oppskrifter. Av dei eg såg på så var det ingen som laga suppa på den måten eg har gjort no, men sånn er det når ein plutseleg skal gjere noko vegansk.

OLYMPUS DIGITAL CAMERA

Blomkålris.

Dette er kanskje noko av det enklaste eg har laga. Eg heiv 5-6 blomkålkvastar i blenderen og trykte på knappen. Så vart det ris! Eg brukte eit heilt blomkålhovud og måtte derfor gjenta prosessen eit par gongar. Om du har foodprosessor så kan du sikkert hive alt i på ein gong, men sånn fungerar i alle fall ikkje min blender.

OLYMPUS DIGITAL CAMERA

«Rista» kikerter.

Okei, eg veit ikkje om eg kan kalle kikertene rista. Dei er rett og slett berre krydra og steikt i olje. Då vi smakte på dei var reaksjonen noko sånnt som: «Kva smaker det???» «Eeehm, litt sånn eeh, nøttekjøtt?» Ja, det smakte ei blanding av nøtter og kjøtt. Og nei, det er ikkje fordi eg har gløymt korleis kjøt smaker. Eg åt fårikål i helga utan å vere så alt for stolt over det.

OLYMPUS DIGITAL CAMERA

OLYMPUS DIGITAL CAMERA

Kantarellsuppe, blomkålris, rista kikerter og grønnkålchips.

I dag vil eg gjerne at alle skal tenke over kvifor dei et kjøt. Fins det ein anna grunn enn at det smaker godt? Det er ikkje for å presse tankar ned på folk, men for at folk kanskje kan gi temaet ein ekstra tanke. Ein har liksom alltid lært at CO2 er den største klimasynderen, men kva om dette ikkje er riktig? Om noken vil sjå ein film som tar for seg fleire sider av saka kan eg verkeleg anbefale «Cowspiration». Dokke finn den på Netflix, no excuses. Dokke må meir enn gjerne kommentere!

«Kos deg med salaten din, du.»

Er det noko eg gjer så er det vel det. Med ein gong ein fortel til nokon at ein ikkje et kjøt så får du ein eller anna «morsom» kommentar angåande salat. Eg veit ikkje, men heller denne skåla her med salat enn tre brødskiver med smør, ost og skinke, liksom.

OLYMPUS DIGITAL CAMERA

Kålhovud, steikte tomatar, steikt champignon, grønnkål, soltørka tomat, oliven, avokado, raudløk, mais, kikerter, pasta og valnøtter. Du veit dei dagane du står opp og føler du kan ete opp alt du har av mat? Eg har i alle fall ein sånn dag og då er det ikkje anna å gjere enn å omfavne den. Etter ei veke med mat på farta og lite måltid utanom middagar er dette akkurat det eg treng!

OLYMPUS DIGITAL CAMERA

Eit par wraps og ein har laga ein perfekt frokosttaco som er lett å ta med seg til for eksempel lunsj på skulen eller jobben. To fluger i ein smekk.

OLYMPUS DIGITAL CAMERA

♥  ♥  ♥

«Kjøtt»kaker vol 2.0 og chunky tomatsaus

Sidan «kjøtt»kakene eg lagde sist vart så gode så måtte eg sjølvagt prøve dette ein gong til. Forrige gong var det einaste å sette fingeren på litt lite smak. Dermed brukte eg løk og kvitløk i desse «kjøtt»kakene. På den andre sida så vart desse mykje vanskelegare å steike – sjølv om eg ikkje anar kvifor. Det vil vel seie at eg må forsøke meg på enno ei oppskrift på desse. Smaken på dei eg lagde i dag var mykje betre enn sist. Så! Oppskrifta på kjøttkakene finn dokke her.

Eg mistenker at eg kanskje hadde for mykje potet og gulrot i og for lite mandelmjøl og olje denne gongen. Uansett, revidert oppskrift blir noko sånnt som dette:

→ 6 dl reven gulrot (evt. 3 dl reven gulrot og 3 dl reven potet)
→ 3 dl mandelmjøl
→ 1 dl olje (eg brukte raps)
→ ca. 1 dl vatn (berre å fylle i til det vert ei deig)
→ 1/2 løk
→ 2-3 fedd kvitløk

OLYMPUS DIGITAL CAMERA

I dagens oppskrift forsøkte eg med potet i tillegg til gulrot.

OLYMPUS DIGITAL CAMERA

Mandelmjøl.

OLYMPUS DIGITAL CAMERA

Moste kikerter.

I tillegg til gulrot og mandelmjøl (som eg brukte sist) hadde eg potet, moste kikerter, kvitløk og løk. Neste gong eg lagar dette vil eg nok sløyfe poteta. Det er sjølvsagt smak og behag. Eg er ikkje særleg glad i potet med mindre den er stekt, bakt eller dynka i meierismør.

OLYMPUS DIGITAL CAMERA

Eg trur kanskje at sidan eg ikkje hadde olje i oppskrifta i dag så var kakene mine vanskelege å steike.

Ein del av middagen vart spaghetti, til dette synes eg at det passar med tjukke tomatsausar. Denne sausen har eg ingenting å utsette på, for den vart knallgod.

Oppskrift:
→ 1,5 dl kikerter
→ 1,5 dl hakka tomatar på boks
→ 1/4 løk
→ Eit fedd kvitløk

Framgangsmåte:
→ Ha alle ingrediensane i ein beholder og bruk stavmiksaren til du har ein jamn konsistens og kok opp. Rimeleg enkelt!

Er forresten ganske så sikker på at denne sausen heilt fint kan brukast som salsa til potetgull/grønnsaker/etc. dersom ein for eksempel har i litt jalapeños og lar vere å koke den.

OLYMPUS DIGITAL CAMERA

Hakka tomatar og kikerter.

OLYMPUS DIGITAL CAMERA

Som dokke ser er ikkje dagens «kjøtt»kaker særleg solide. Dermed har eg henvist til forrige oppskrift som vart mykje meir fast i forma og lagt til det som gjorde smaken på desse heilt topp.

Eg bestemte meg for å vere ein skikkeleg god kjærast og leverte middag på jobben til typen. Og han vart glad! Dagens gode gjerning.

OLYMPUS DIGITAL CAMERA

Det er ikkje berre ris og grønnsaker ein kan putte i ein sunn lunsjboks. 

På skulen i dag så hadde vi vår fyste lab-øving. For to dagar sidan hausta vi bakteriar frå rundt om kring på skulen og oss sjølve for å dyrke desse. Du kan berre tenke deg det sinnsvakt ekle resultatet. Våre prøver var igrunn ikkje så ekle, men den som vart tatt i frå kortterminalen i kantina? Haha! Har ikkje særleg lyst å legge fingrane mine der no for å seie det sånn. Det blomstra i alle kantar på det prøveglaset. Det er no sånn at ein eigentleg er klar over kor mykje bakteriar som fins over alt, men å verkeleg få sjå det er noko heilt anna. Då fekk dokke ikkje berre dagens oppskrift, men òg dagens sjukepleiarprat. Særs kos.

4 x tilbehør = jysla god middag

«Kan det her bli til en god middag, då?» Tenkte ho mens ho stirra tomt inn i kjøleskapet. Søtpotet, potet, bønner og champignon? Høyrtes i alle fall ut som noko av det kjedeligaste ein kan lage i mine øyrer, men kvardagen sluttar aldri å imponere. Det kan vel det siste biletet vere eit bevis på.

OLYMPUS DIGITAL CAMERA

OLYMPUS DIGITAL CAMERA

I dag laga eg eigentleg berre ein middag av fire ulike typar «tilbehør»:
– Grønnsaksmos av gulrot, kålrabi, blomkål, brokkoli, søtpotet, vatn og salt
– Sopp og kidneybønner steikt i ovn i ca. 10 min på 200°
– Potet og søtpotet steikt i ovnen på 200° til begge deler var mørt (ca. 20 min)
– Saus

OLYMPUS DIGITAL CAMERA

Kok/damp grønsakene og mos desse på den måten du vil. Eg brukte min trofaste blender.

OLYMPUS DIGITAL CAMERA

Den store utfordringa, i alle fall for min del, er vegansk saus. Då nyttar vi favorittmottoet mitt: «Tjaah, kva har vi i skapet i dag då?» I dag vart det saus av rismelk og kikerter. Eg nytta om lag 50/50 av begge.

OLYMPUS DIGITAL CAMERA

Rismelk og kikerter. Brukte ca. 1,5 dl rismelk og halvparten av kikert-boksen.

OLYMPUS DIGITAL CAMERA

For å lage saus tok eg kikertene og rismelka i ein beholder og brukte stavmikser til det var blitt ein saus.

OLYMPUS DIGITAL CAMERA

Rismelk og kikerter? Booring – add spices. Etter at sausen var stavmiksa så kokte eg den opp med desse kryddera; Karri, curry og cayennepepper.

OLYMPUS DIGITAL CAMERA

OLYMPUS DIGITAL CAMERA

Plutseleg ser potetene eg starta med ut som ein luksusmiddag!

Eg har høyrt mange argument angåande at ein ikkje vil ete vegetariansk/vegansk. Eit av dei er «eg orkar ikkje å ete berre bønner». Eg skal vere einig i at det blir ganske mykje bønner og at det kan høyrast rimelig kjedelig ut, men alt som skal til er litt fantasi. Høyrast ut som om eg sit på den høge hesten min og ser ned på resten av folka, men eg skal seie at eg tenkte akkurat det same før. Kikerter og bønner kvar dag? Blææh. Så viser det seg at det faktisk ikkje er så ille likevel. Og ja, dagens middag smakte heilt fantastisk.