Søndagstips: Blomkålbladchips

Då eg skulle lage den woken på torsdag så nytta eg ein heil blomkål. Det endte med at eg sto med ein heil masse friske og fine blomkålblad som eg synast det var for ille å kaste. Når eg lagar blomkålsuppe eller andre grønsakssupper brukar eg å hive alle dei fine blada i suppa òg. Stilk og blad og heile sulamitten.

OLYMPUS DIGITAL CAMERA

Eit kjapt internettsøk gav meg inspirasjon til å forsøke blomkålbladchips. Frå no av kjem eg ikkje berre til å sjå på sjølve blomkålen når eg handlar, men blada òg, for dèt var heilt nydeleg godt. Svoltne som vi var så endte denne chipsen opp som forrett hos oss.

OLYMPUS DIGITAL CAMERA

Oppskrift:
♥ Fine blomkålblad
♥ Nokre spiseskeier olivenolje
♥ Kvitløkspulver
♥ Dill

Eg hadde fyst blada og oljen i ein bolle og strødde deretter over krydderet før eg blanda det heile godt.

Dei vart steikt på 180° i 15-20 min.

Blada vart sprø og fulle av smak og stilken vart mør og smakte akkurat som vanlege blomkålkvastar. Sjølv om eg brukar blada i mykje anna vart eg overraska over akkurat kor smaksrike dei var. Desse og litt grønkålchips så kan ein nyte ei skikkelig sunn helg! 😀

OLYMPUS DIGITAL CAMERA

 

Til no har eg brukt blomkålblad og stilkar i supper, stapper, purèar og som chips. Bruksområda til ein blomkål er visstnok endelause.

Advertisements

Heimelaga woksaus

Dokke veit desse nydelige og litt chunky woksausane ein får kjøpt på butikken? Ein får visst laga dei heilt sjølv. Til no har eg liksom tatt til takke med soyasaus og olje på woken, men det vert det faktisk slutt på. Greit nok, mitt fyste forsøk inneholdt alt for mykje soyasaus, men eg har i alle fall knekt koden. Oppskrifta under er mykje betre enn jomfruforsøket.

OLYMPUS DIGITAL CAMERA

Min wok inneholdt blomkål, brokkoli, løk, paprika, hermetisk mais, hermetisk ananas, strimla gulrot og ei hermetisk wokblanding med bambusskudd, minimais og vannkastanje.

OLYMPUS DIGITAL CAMERA

Oppskrift på woksaus:
→ 1/2 dl soyasaus
→ 2 dl vatn
→ 1 ss næringsgjær
→ 3-4 ss maizena
→ 2 ts tahini
→ 1 cm fersk ingefær
→ 1/2 fersk chili
→ 2-3 fedd kvitløk
→ 2 ts sitronsaft
→ 2 ts koriander

Eg hakka ingefær, chili og kvitløk i små bitar. Hadde alle ingrediensane i eit sylteagurkglas og rista det godt. Ikkje bli bekymra av at fargen ikkje er av den nydelegaste sorten eller at det heile skiller seg undervegs. Berre rist sausen godt rett før du har den i gryta. Eg var sterkt i sterk tvil om det kom til å bli saus i det heile, men den her glimta verkeleg til! Den tjukna godt i wokpanna og gav den wokfølelsen eg var ute etter. Om den i tillegg får nokre timar i kjøleskapet tippar eg denne sausen vert perfekt!

OLYMPUS DIGITAL CAMERA

I tillegg til woken forsøkte eg meg på ovnssteikt aubergine. Eg har aldri smakt aubergine før, så eg ante verkeleg ikkje kva eg gjekk til. Eit forsøk måtte til likevel. Eg skar ein aubergine i to og laga djupe skår i den utan å kutte gjennom skalet. Deretter steikte eg den med den opne sida ned i 35 min. Til slutt snudde eg den, slo på  250 grader og grillfunksjon i ovnen og venta i 5 min. Før servering strødde eg over salt, pepper og koriander. Streiketida er eg så absolutt nøgd med, men eg synast det smakte litt vel lite. Den viste seg å vere ganske så squash-aktig. Neste gong vil eg nok pensle den med ein marinade i staden.

OLYMPUS DIGITAL CAMERA

Sidan dette er gårsdagens middag så har eg med denne i lunsjboksen på jobb. Uten aubergin då. Wok er heilt fantastisk å ha med seg i bagen både på jobb og på skulen. For det er vel denne typen mat ein kjøper i varmmatdisken likevel? Perfekt både smaksmessig og prismessig 😀

Trening på studentbudsjett

For eit par veker sidan gjekk eg til innkjøp av ei yogamatte. Inspirasjonskjelda var instagram, og den var sterk. Eg hadde nemlig sett på nokre jenter med ein sinnsvak kroppskontroll som kunne bøye seg i alle retningar samstundes som dei sto på hovudet. Det viser seg å vere ei ganske så genial treningsform. For å vere heilt ærleg er eg ikkje heilt inne i dette yogaspråket enno, men prinsippet verkar ganske så bra.

Eg er van med at trening må vere noko som får svetten til å renne frå fyste sekund. Dermed har eg aldri vore heilt overbevist om at dette er ei treningsform for meg. Joda, yogamatte vart det, og eg søkte opp «yoga for beginners» på YouTube. Det høyrast kanskje søkt ut, men eg har aldri vore så støl i heile mitt liv. Her ein dag skrudde eg på ein film der magen skulle trenast – det angra eg på i tre dagar etterpå. Så om ein verkeleg vil trene på studentbudsjett så er dette vegen å gå. Det einaste ein treng er ei yogamatte, ei behageleg stemme på YouTube og mjuke klede. Og viss vi skal vere heilt ærlege med oss sjølve så er det vel kanskje ikkje behagelege klede vi manglar i klesskapa våre frå før. Kosebukser er nemleg perfekte.

Eg kjøpte mi yogamatte i merket Casall på G-Sport for ca. 350 kr og eg lyttar til denne dama heilt gratis. Billigare og betre trening får ein vel kanskje ikkje. Det eg elskar med yogadamer på YouTube er at ein kan trykke på pause når ein ikkje skjønar bæret og berre spole tilbake og prøve så mange gongar som ein må. Her heime er det heller ingen som ler av meg når eg slit som værst!

71013320_low

Årets fyste fjelltur

Eg tenkte å gni det skikkelig godt inn at vi var på Ulriken i går. Fy søren, det var tungt. Altså, kvart år så må ein ha årets fyste fjelltur – og den er alltid like forferdelig. På ei anna side er kjensla du står igjen med ein av dei beste. «Eg klarte det i år òg,» liksom.

Neida, om ikkje anna så kan eg kanskje bidra til litt onsdagsmotivasjon for kvarmannsen. Er det eit ord? Vi brukte vel om lag to timar tur/retur, men det hadde nok tatt enno kortare tid om eg ikkje var med… Haha! Det var skikkelig nødvendig med den fjellturen, ass.

DCIM209GOPRO

Foreløpig seier værmeldingane ja til ein tur på Vidden på laurdagen. Lure meg på om det vert neste prosjekt. Ellers har eg mange andre toppar i Bergen eg ikkje har gått på enno. Det kan vere at fjellturar er mi favorittform for trening. Ein trenar liksom så mykje på ein gong.

DCIM209GOPRO

Når eg feira bursdagen min i februar fekk eg meg eit gåvekort på ein sportsbutikk. Her ein dag fann eg plutseleg ut at dette skulle brukast til å kjøpe ei yogamatte. Så no har eg fått meg det, og er ferdig med dag 5 av ein 30 dagers challenge på YouTube. Ja, for du kan gløyme at eg gjer yoga i offentlegheit enno. Eg må berre seie at det er noko av den mest fantastiske treningsforma eg har vore bort i. Ein slepp dørstokkmila, andre sveitte folk, folk som stirrar, ja, folk generelt. Å guud, så støl eg blir.

DCIM209GOPRO

Trur vi må øve på den fjelltoppselfien…

Smoothiebowl

Mange har sikkert fått med seg trenden, smoothiebowl er visst den nye måten å innta frokost på. Eg måtte sjølvsagt prøve det ut. Etter denne frokosten kan eg så absolutt forstå kvifor dette har blitt ein enorm trend. Smoothie er næringsrikt i seg sjølv, men kanskje ikkje det aller mest mettande for nokre. På denne måten får ein altså i seg ein fullverdig frokost som er sunn, mettande og ser aldeles nydelig ut. Ein slager i mine auger.

OLYMPUS DIGITAL CAMERA

I min smoothiebowl:
→ Bringebær
→ Jordbær
→ Sjølvplukka blåbær
→ Kokosmelk
→ Isbitar
→ Hasselnøtter
→ Havregryn.

OLYMPUS DIGITAL CAMERA

For at frokosten skal gå raskt å lage hadde eg dei frosne bæra i kjøleskapet i går. På denne måten var dei ferdigtinte når eg sto opp. Eg likar som regel smoothien min litt isete – om det er eit ord. Dermed hadde eg nokre isbitar i blendaren og trykte på knappen. Frokost på nokre få minutt. Eg vil tørre å påstå at det ikkje tar lenger tid enn å smøre 2-3 brødskiver. Og så er det så mykje meir spennande enn desse kjedelege brødskjevene. For ikkje å snakke om sunnare. Ja, eg er solgt. Dette vert eit fast innslag kjenner eg. Dessutan er frokostgåta for ein glutenfri veganer ganske så løyst.

OLYMPUS DIGITAL CAMERA

Det er eit heilt vannvittig vær i Bergen for tida, og eg sit inne med ein heimeeksamen. For å ikkje verte heilt nedslått av heile opplegget vert det ein tur på Ulriken litt seinare. Kanskje vi får sett solnedgangen i alle fall! Åh, studentlivet ♥

To typar gulrotsuppe; Krema og i grønsakskraft

Plutseleg hadde eg alt for mange gulrøter i kjøleskapet og nokre av dei byrja å nærme seg utgangsdato. Dermed er det ikkje anna å gjere enne å smelle saman nokre nydelege gulrotsupper. Eg har heilt dilla! Min hemmelige ingrediens i gulrotsuppe er 1-2 ts tomatpurè – det gjer verkeleg den store skilnaden.

OLYMPUS DIGITAL CAMERA

Om ikkje desse bileta fristar, så veit ikkje eg.

Oppskrift på krema gulrotsuppe;
→ 500 g gulrot
→ 1 fedd kvitlauk
→ ½ cm fersk chili
→ 5-10 g fersk ingefær
→ ½ Gul løk
→ 2 ts tomatpurè
→ 1 dl soyafløte

OLYMPUS DIGITAL CAMERA

Framgangsmåte på krema gulrotsuppe:
→ Damp gulrøtene til dei er møre
→ Ha alle ingrediensane i ein blender. Dersom suppa vert for tjukk er det supert å nytte vatnet som er igjen frå dampinga av gulrøtene til å vatne ut suppa med. Dersom du ikkje har blender vil eg anbefale deg å koke alle ingrediensane (utanom fløte) i ein kaserolle og anten nytte stavmiksar eller bruke ein potetmoser.
→ Ferdig!

OLYMPUS DIGITAL CAMERA

OLYMPUS DIGITAL CAMERA

Oppskrift på gulrotsuppe i grønsakskraft:
→ 500 g gulrot
→ 1-1,5 liter vatn
→ 1 terning grønsaksbuljong
→ 1-2 fedd kvitlauk
→ 1-2 cm fersk chili
→ 5-10 g ingefær
→ 2 ts tomatpurè
→ 2-4 ts sitronsaft*

*Sløyfast dersom sitron vert nytta som garnityr ved servering.

OLYMPUS DIGITAL CAMERA

Framgangsmåte på gulrotsuppe i grønsakskraft:
→ Rasp gulrøtene. Dei kan nok skjærast i tynne skiver eller i lange strimlar òg, om du ikkje orkar å raspe så mange gulrøter.
→ Løys opp buljongterningen i 1 liter vatn. Om du vil ha meir vatn i seinare er det betre å tilsette dette mot slutten av prosessen.
→ Tilsett gulrøtene.
→ Finhakk chili, ingefær og kvitlauk og tilsett dette i suppa.
→ Ha i tomatpurè og den mengda vatn du sjølv vil.

OLYMPUS DIGITAL CAMERA

Våre supper forsvant på eit blunk! Vi lagde den kremete suppa alt for sterk i utgangspunktet, dermed er oppskrifta moderert ein del her. Ein lærdom er at chili, løk og kvitløk liksom vert så mykje sterkare i ein blender. Sjølvsagt vert det vel det, kan ein vel kanskje seie. Begge suppene vart i alle fall svingode 😀

Potet- og blomkålkaker med krydra cashewsaus

Når vi kjøper poteter gjer vi det i kilospakkar. Gjerne den der FirstPrice med 2kg i. Det seier seg sjølv at potetene som ligg igjen på botnen av pakken vert ganske mjuke og stakkarslege. Når dette skjer er det gjerne ikkje så fristande å bruke dei som garnityr. Det ein derimot kan gjere er å putte dei i karbonader, lefser og liknande. Kva kallar ein liksom ei kjøtkake utan kjøt? Grønkake? Eg finn ikkje eit godt ord. Det er så deilig å finne oppskrifter ein kan nytte seg av sjølv om råvarene kanskje ikkje er av aller høgaste kvalitet lenger. Desse kakene fungerar i alle fall like godt med både mjuk blomkål og mjuke poteter. Potetpannekakene eg lagar somme gongar er òg perfekte til slike restepoteter.

OLYMPUS DIGITAL CAMERA

Potet- og blomkålkaker:
♦ 1 middels stor blomkål
♦ 3 mellomstore poteter
♦ 1 halv løk
♦ 1/4 ts muskat
♦ 2 fedd kvitlauk
♦ 10g ingefær
♦ 2 cm fersk chili
♦ 5 ss maizena
♦ 5 ss potetmjøl

OLYMPUS DIGITAL CAMERA

Framgangsmåte til kakene:
1. Ha alle råvarer utanom mjølet i blender og køyr til ei jamn masse.
2. Bland i mjøl til du har ei deigliknande masse
3. Steik i olje eller smør til dei er bruna på begge sider.

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

Eg dreiv å las på ulike oppskrifter til liknande kaker rundt om kring, alle fortalte meg at eg skulle koke potetene fyst. Sidan eg syns det høyrtes litt rart ut så dreit eg i heile kokinga og hadde dei i rå. Eg synast at alle former for poteter er supergodt, men om eg skal peike på noko på desse kakene så må det vere at eg sakna blomkålsmaken litt. Neste gong tenker eg dermed å ha i litt mindre poteter i oppskrifta.

OLYMPUS DIGITAL CAMERA

Cashewdip/saus
♦ 2 dl cashewnøtter (usalta og kokte)
♦ 2 dl vatn
♦ 1 cm chili
♦ 1 løk
♦ 3 fedd kvitlauk
♦ 1 ss olivenolje
♦ 1 ss næringsgjær
♦ 4 skiver soltørka tomat
♦ 2 ts sterk sennep
♦ 2 ts tomatpurè
♦ 1/2 dl soyafløyte
♦ 1 ts salt (maldon)
♦ 3 ts sitronsaft

OLYMPUS DIGITAL CAMERA

Det var særs mykje billigare med knekte cashewnøtter enn heile. Eg kjøpte mine på Global Foods rett ved Bergen Storsenter. Dei har alt der! Trur eg hang der inne i ein time. Eg har heller aldri sett så billige cashewnøtter før.

Framgangsmåte cashewsaus/dip:
1. Kok cashewnøtter i 15 minutter. Nøttene vil verte mjukare, få ein rundare smak og ein nydeleg konsistens etter ein tur i foodprosessoren.
2. Bland alle ingrediensane i foodprosessoren og køyr.
3. La sausen småputre i nokre minutt på komfyren sånn at kryddera får tid til å godgjere seg i sausen.

OLYMPUS DIGITAL CAMERA

Dette vert ein sjukt fyldig saus og kanskje litt vel tung for nokre. Den oppskrifta eg nytta som inspirasjon til min saus fungerte ikkje for meg i det heile. Eg måtte ha ein del syre i for at det ikkje skulle verte for mektig for smakslaukane. Denne sausen passar til det aller meste, men eg vil nok foretrekke å ete den saman med litt friskare ting enn potet- og blomkålkakene. Den er nok heilt sjukt god som dip til grønnsaker forresten! Det må eg prøve asap kjenner eg.

OLYMPUS DIGITAL CAMERA

Dette er ein særs enkel rett som kan lagast på 20-30 minutt! Perfekt for ein travel mandag eller tysdag, kanskje? Eg skal i alle fall ha med meg desse kakene i lunsjboksen til jobb i dag.

Vegansk og glutenfri cookie dough-is

Fyste gongen eg prøvde meg på kokosis gjekk det så i dass som det kan gå. Den smakte alt for mykje kokos, den vart steinhard og full av iskrystallar. Eg trur at det faktisk er eit heilt år sidan eg forsøkte meg på is sist. Då eg gjekk forbi Tilbords for ei stund tilbake hadde dei isbollen/»ismaskina» til KitchenAid på sal. Det kunne eg sjølvsagt ikkje gå forbi. Etter ca. ein halvtime med «eg har fortjent dette fordi…(fyll inn kva som helst)», fekk eg jaggu med meg isbollen heim. Den er heilt gull. Eg er sikker på den kan gjere kva som helst til is og sorbet. Eg kan love deg at denne isen vert kremete, søt og kan lure alle former for veganskeptikarar!

No når eg skulle til å skrive om denne isen viser det seg at eg ikkje har notert oppskrifta eg laga meg sist. Dermed måtte eg til med ei ny runde islaging. Ikkje at det gjer noko (meir is), men søren òg. Det må eg verkeleg skjerpe meg på. Kvar gong eg liksom har tid til å poste noko har eg gløymt heile oppskrifta. Skulle gjerne visst korleis ein vart mindre surrehovud, eg.

OLYMPUS DIGITAL CAMERA

Nokre av ingrediensane som er nytta i isen. Ein kan sjølvsagt bytte ut alt med noko anna om ein vil det, men dette er dei eg har nytta. Agavesirupen nytta eg ikkje no, men den vart nytta sist eg laga same isen.

Oppskrift på isen*:
♥ 4 boksar kokoskrem (1 liter)
♥ 1 dl maplesirup
♥ 3 ss agavesirup
♥ 3 ts JBKM (johannesbrødkjernemjøl)
♥ 1/2 ts vaniljepulver

*Etter å ha forsøkt meg på denne isen to gongar har eg kome fram til ei oppskrift som er ein kombinasjon av begge forsøka.

Denne oppskrifta har eg satt saman av sikkert 15 ulike inspirasjonskjelder. Dermed kan eg vel seie at eg har laga den sjølv, men med god hjelp i frå det vide internett. Eg har funne haugevis med ingrediensar og tips til å lage vegansk is, men eg har forsøkt å sette saman ei som kan handlast på Meny. Det å jobbe med varer ein kan få tak i på daglegvarehandelen synast eg er so mykje kjekkare enn å måtte bestille frå nettet. Ikkje berre er det kjekkare, men det sparar miljø, støttar nærmiljøet og er tryggare. Woho!

For å få ein mest mogleg kremete is vil eg anbefale å berre nytte kokoskrem som base. Opprinneleg hadde eg skrive at det går heilt fint å nytte feit kokosmelk òg. Det er forsåvidt korrekt, men den ferdige isen fekk ein mykje hardare konsistens ved bruk av kokosmelk som base. Altså, dersom du skal lage denne isen vil eg anbefale å berre bruke kokoskrem. På denne måten vil du få ein kremete is som slår fløteisane ned i støvlane.

Forrige gong eg laga denne isen nytta eg både agavesirup og maplesirup, men då hadde eg ikkje sukker i. Pga. at agavesirupen er sinnsjukt søt må ein vere særs forsiktig i bruken av den. Elles kan ein vel hive i kva søtning ein vil. Ein kan sikkert berre nytte sukker og få same resultatet. Eg er glad i sirupsmaken ein får frå maplesirup, men prisen er ikkje like fin for ein student.
Edit: Isen får ein rundare og hakket betre smak ved bruk av agavesirup istaden for sukker, men ellers fungerar det like bra.

Framgangsmåte:
1. Varm opp kokosmelk/kokoskrem saman med søtning til det vert ei jamn masse.
2. Ha i JBKM. Dette kjem til å klumpe seg noko heilt sjukt. Ikkje stress av den grunn.
3. Bruk stavmiksaren i røra til det (igjen) vert ei jamn masse.
4. Ha i vaniljepulver
5. Kjøl ned røra til romtemperatur på kjøkkenbenken.
6. Fortsett nedkjøling av røra i kjøleskap i ca. 4 timar.
7. Køyr i ismaskin til massa har fått ein stivare konsistens.
8. Ha i kjeksdeig eller anna snacks du vil ha i isen din.
9. Frys ned.

* Punkt 7 og 8 kan gjerast om ein anna, det avheng av kva du skal ha i røra. Kjeksdeig er til dømes lurt å ha i til slutt i røreprosessen, mens nonstop kan ein nok ha i når som helst så lenge røra er kald.

OLYMPUS DIGITAL CAMERA

Samstundes som ein ventar på at isen skal kjøle seg ned, kan ein lage det ein vil ha i isen. Det treng for all del ikkje vere meir komplisert enn sjokoladebitar – ikkje at isen treng noko ekstra i det heile, men eg synast det er kjekt når eg fyst held på. Eg har, som overskrifta tilseier, laga kjeksdeig.

Oppskrift på kjeksdeig:
♥ 120 g smør
♥ 80 g sukker
♥ 100-150 g lyst, glutenfritt mjøl
♥ 50 g mørk sjokolade

OLYMPUS DIGITAL CAMERA

OLYMPUS DIGITAL CAMERA

Sidan dette smøret er vegansk og kvitt kan ein ikkje følgje den vanlege instruksjonen som er å piske smør og sukker til det blir kvitt. Berre pisk det heile til ei kremete og luftig masse før du tilsett mjølet så er du trygg.

Framgangsmåte:
1. Pisk smør og sukker til ei luftig og kremete masse
2. Tilsett mjøl til du har ei deig
3. Tilsett sjokoladebitar i ynskja storleik

For dei som har laga masse kjeks så vil nok oppskrifta på deiga virke litt merkeleg. Den har alt for mykje mjøl i seg til at det skal verte kjeks. Saken er, dersom ein lagar vanleg kjeksdeig og har det i isen vil heile greia berre bli ei stor smørje. Det fekk eg testa ut i dag. Dermed: Lag ei skikkelig god deig av kjeksdeiga. Skal du faktisk lage masse kjeks og ikkje deig til å ha i ein is, er denne oppskrifta her midt i blinken for det:

Oppskrift på kjeks som ikkje skal i isen:
♥ 250 g smør
♥ 170 g sukker
♥ 200 g fint, glutenfritt mjøl
♥ 50 g sjokoladebitar

OLYMPUS DIGITAL CAMERA

For at det faktisk skal bli cookie dough-bitar i isen bør deiga frysast ned og delast i bitar før den tilsettast isen. Eg gjer dette enkelt ved å legge eit bakepapir på ei flate, legge deiga på, og smørje den utover ved hjelp av eit anna bakepapir som berre vert liggande på toppen av deiga. Meget effektivt. Deretter legg eg deiga i frysen til isen er ferdig kjølt ned.

Samtidig som eg har ismassa i isbollen min har eg berre i bitane med kjeksdeig. Forrige gong gjekk det litt så som så, men resultatet vart likevel bra! Eit slikt prosjekt kan verke litt uoverkommeleg i starten, men dersom eg får det til, får du det til òg. Hadde dokke berre visst kor lite eg har både baka og laga søtsaker så hadde dokke nok blitt overbevist tvert. Om ikkje anna så er dette eit perfekt prosjekt til ei roleg helg!

OLYMPUS DIGITAL CAMERA

Eg skulle eigentleg ha isen i frysen i går, men eg gløymde heile greia så den har stått i kjøleskapet til i dag. Den skal sjå litt sånn her ut før du har den i frysen, men den treng nok ikkje vere så tjukk som min. Den skal vere litt pudding-aktig og seig.

OLYMPUS DIGITAL CAMERA

OLYMPUS DIGITAL CAMERA

Sjekk dèt resultatet då! Wooo! Dette er riktignok bilete frå forrige gong eg laga denne isen – då cookie dough-bitane vart vellykka. Det vart dei ikkje denne gongen, men då lærte eg at deiga må vere tjukk for å holde seg når isen vert rørt.

 

Øvrige tips:

Om du ikkje har stavmikser kan du enkelt blande JBKM i ein behaldar med 300 ml røre eller meir. Ein shaker eller eit tomt sylteglas er perfekte til dette. Husk å vere forsiktig – røra er særs varm! Viss du verken nyttar stavmiksar eller ein slik behaldar kan eg love deg at isen din vert full av klumpar.

Har du ikkje ismaskin så har eg lest at det skal vere mogleg å fryse isen ned utan. Då må ein visst røre i isen kvart 20. minutt. Dette har eg altså ikkje forsøkt sjølv enno, men eg har ein del av røra i frysen no og oppdatera dokke på det fortlaupande.
Edit: Eg gløymde å røre i isen kvart 20. minutt, dermed vart dette eit dårleg forsøk frå mi side. Det eg kan rapportere om, er at den ikkje hadde mykje iskrystallar og at den gjekk heilt fint å ete. Eg vil dermed tru at dersom ein huskar å røre i isen ofte så kan ein droppe ismaskina.

Denne isen smeltar mykje fortare enn fløyteis og kan dermed serverast få minutt etter den er tatt ut av frysen 😀

Bakt søtpotet med urtesmør og facon

Dette er kanskje det beste måltidet eg har laga nokon gong. Kombinasjonen av dei ulike smakane gjorde at dette sendte meg til himmelen. Det einaste som kanskje mangla var litt syre. Neste gong vil eg prøve litt sitron i urtesmøret mitt òg – anten i form av sitronmelisse eller berre nokre enkle sitrondråpar. Greit nok at dette måltidet tar litt tid å lage, men det meste av tida går til baking av søtpoteta og steiking av tofuen. Ellers var det andre ganske enkelt og greit.

OLYMPUS DIGITAL CAMERA

Til jul fekk eg meg ein mortel av lillesøstra mi. Igrunn er det ganske krise at eg ikkje har brukt den før no, men fy søren for ein kjekk sak å ha på kjøkkenet. Ein kan sjølvsagt lage urtesmør og liknande med stavmiksar òg, men det var noko med konsistensen på det heile no når eg nytta mortel som berre var heilt gull.

Oppskrift på urtesmøret:
♥ To blad fersk basilikum
♥ ca. to cm fersk chili
♥ To fedd kvitlauk
♥  1/2 ts dill
♥  1/2 ts maldonsalt
♥  1 pakke Smøremyk raps og kokos

Som vanleg kan ein bytte ut alt ferskt med krydder i pulverform og maldonsalt med kva som helst anna salt. Smøret spelar heller ikkje den store rolla anna enn at det kanskje bør vere litt nøytralt. Det vert sjølvsagt aller best resultat med ferske råvarer, men det seier seg vel kanskje heilt sjølv.

OLYMPUS DIGITAL CAMERA

Som ekstra tilbehør steikte eg sopp og tomatar i rapsolje på lav varme over lang tid.

OLYMPUS DIGITAL CAMERA

Desse tomatane har eg fått heilt dilla på. Når eg har god tid steiker eg dei berre på ei side til dei er gjennomsteikte. Då får dei ei fantastisk gyllen overflate og heile tomaten vert mør og proppfull av fantastiske smakar. Ja, adjektiva seier vel sitt. Eg har fullstendig dilla.

OLYMPUS DIGITAL CAMERA

Tofuen kjøper eg på Rema1000 på Exhibition. Eg trur ikkje Rema1000 skjønte heilt kva etterspørselen på tofuen var for tida for dèt sel ut fort, altså. Dei er utsolgt for tofu om lag tre av fire gongar eg er innom. No sist var eg skikkelig usportslig å kjøpte alt dei hadde. Høyrast ut som eg reiste heim med fem handleposar, men det var ikkje meir enn seks pakkar med tofu a 250g, gitt. Tofu smakar ganske lite for seg sjølv, men eg må seie at eg er mykje meir fan av å nytte tofu i diverse rettar enn til dømes kylling. Tofu kan ein nemleg gje akkurat den smaken ein sjølv vil. No i det siste har eg laga ein del facon med stor suksess. For dei som ikkje er inne i den her veggisterminologien så betyr det eigentleg berre steikt tofu med røyksmak. Eg var IKKJE positiv før eg testa dette ut sjølv, men sidan det er rimeleg poppis blandt veggisar måtte eg prøve det ut. Og veit dokke kva? Eg treng aldri å kjøpe bacon igjen. For å overbevise dokke enno meir: Eg laga facon til ei venninde som ikkje er veggis og ho elska det. I dag kjøpte ho faktisk inn ingrediensar for å lage det sjølv ♥  Hallo, det må vere overbevisande. Eg blir så glad!

Oppskrift på facon:
♥ 1-2 ss liquid smoke
♥ 3 ss næringsgjær
♥ 3-4 ss soyasaus
♥ 250 g tofu

For dokke som ikkje har næringsgjær i skapet så vil eg tru at ein kan bytte dette ut med kva som helst anna pulverisert form for gjevning. Eg vil foreslå heilt vanleg mjøl eller kanskje paprikakrydder. Dette har eg ikkje testa ut, men eg ser ikkje noko grunn til at det ikkje skal fungere. Veggisar nytta næringsgjær mest for B-vitaminen si skuld. Dersom ein ikkje har noko form for gjevning i røra mistar ein kanskje litt av konsistensen, men eg veit rett og slett ikkje. Eg må prøve det ut neste gong kjenner eg.

OLYMPUS DIGITAL CAMERA

Tofuen steiker eg på middels varme over lenger tid. Den er ferdig steikt når den har fått skorpe på seg. Vi har funne ut at det er fordelsmessig at tofuen er skjært opp i veldig små bitar når ein skal lage facon. Då blir den sprø og særs lik bacon. Vi har både skjært tofuen i terningar og i skiver. Begge funkar like bra!

Min liquid smoke har eg kjøpt på Meny. Den kostar om lag 50 kroner, men den varer i evigheiter.

OLYMPUS DIGITAL CAMERA

Når tofuen er steikt sprø er det berre å tilsette blandinga av liquid smoke, næringsgjær og soyasaus. Det kjem til å lukte røkeri på kjøkkenet ditt, og du kjem til å bli forelska i facon. I promise.

Eit lite tips viss du rynkar på nasa av denne røyksmaken er å lese på baksida av dei «røykte» varene du kjøper på butikken. Wink, wink, lissom.

OLYMPUS DIGITAL CAMERA

Søtpotetene prikka eg hol i med ein gaffel og heiv i ovnen. Dei fekk kose seg midt i ovnen på 200°C i ein og ein halv time. Steiketid varierar frå ein time til ein og ein halv, der må ein nesten berre prøve seg fram med størrelse og tid. Eg tok mine søtpoteter ut etter at det hadde osa ein del væske ut av dei. Det viser seg at då var i alle fall mine ferdige.

Når søtpotetene var ferdig bakt snitta eg dei på langs og hadde i mykje urtesmør. Dette fekk stå å trekke litt før eg la heile kunstverket på tallerkenane.

OLYMPUS DIGITAL CAMERA

Om du sei det ikkje ser fristande ut så trur eg faktisk ikkje på deg. Vi måtte ta ein siesta på langt over ein time etter dette måltidet. Det viser seg at ei heil søtpotet kanskje var litt mykje for magen min i alle fall.

OLYMPUS DIGITAL CAMERA

OLYMPUS DIGITAL CAMERA

Wææ, håpar dokke testar det ut altså! Det heile er kanskje litt vel dristig som eit onsdagsprosjekt, men kanskje på fræddan? Eg seier i alle fall ja takk til det.

Risnudlar og brennsnut

Ei vare eg har savna i ein glutenfri diett er pasta. Eg har gått heilt ut i frå at det er kveitemjøl i all pasta. Det viser seg sjølvsagt å vere delvis feil. Det er verkeleg kveitemjøl i mykje merkeleg, men ikkje i risnudlar! No når eg fyst hadde kjøpt inn desse risnudlane så kan eg ikkje skryte på meg at eg var særskild positiv. Det skulle vore eit uttrykk som gjekk noko sånnt som dette: «Med ei negativ innstilling vert ein alltid positivt overraska.» Det verkar til å vere tilfelle for min del i alle fall. Det einaste vi gjorde var å koke risnudlane og ha i smør etter at vatnet var tatt av. Greit nok, nudlande smakar nok ikkje særleg mykje for seg sjølv, men eg vel å sjå positivt på det. No kan eg velje kva pastaen min skal smake heilt sjølv. Det treng heller aldri å verte kjedeleg dersom ein tenker på alle moglegheitane i staden for avgrensingane.

OLYMPUS DIGITAL CAMERA

Risnudlane er nok heilt fantastiske med pesto, kvit saus, ostesaus, i buljong og i wok. Dersom ein skal ha dei i varme rettar vil eg foreslå å koke dei nesten ferdige og deretter tilsette dei på slutten av matlaginga. Dei vert nemlig ganske så skjøre om ein kokar dei for lenge. For all del, det vil nok ikkje spele noko rolle for smaken si skuld, men ein et med auga òg.

OLYMPUS DIGITAL CAMERA

Eg har skjønt at brennsnut er eit namn ein berre nyttar visse stadar. Sidan det kanskje treng forklaring for nokre kan eg seie at det eigentleg berre er ulike grønnsaker i suppe av buljong og vatn. Ein kan med andre ord ha i akkurat dei grønnsakene ein likar best sjølv. Vi har som regel i gulrot, potet, kålrabi, purre, løk og ulike krydder. Denne gongen hadde vi vel berre i alt for mykje pepper. Haha, vi sat og sveitta når vi åt. Jaja, betre lykke neste gong seier eg berre. Som i alle andre rettar er det greit å huske på at ulike typar grønsaker har ulike koketider. Potet tar til dømes lang tid, mens purre tar kort tid om ein likar den litt sprø. Det fine med dette er at ein kan hive i ein ingrediens og berre kutte opp alt det andre mens denne eine kokar aleine ei stund. Jubel for rask matlaging!

OLYMPUS DIGITAL CAMERA

Om ein derimot ikkje har i alt for mykje pepper er dette ei heilt fantastisk kvardagssuppe. Eg brukte forresten restane av denne suppa i tomatsuppa eg laga i går. Har dokke sett reklama MatPrat har for tida med den der gjenbruksgreia? Dette er i alle fall eit genialt eksempel på det. Altså, om ein har i ei potet og litt gulrot i ei tomatsuppe så er det ingen som kjem til å merke noko som helst.

OLYMPUS DIGITAL CAMERA

I mars har eg og typen forresten tenkt å forsøke å leve på eit så lavt matbudsjett som mogleg. Vi er i alle fall spente på korleis vi skal løyse den knipa. Eg har allereie juksa litt og kjøpt inn tofu for ein heil månad, så foreløpig ser det ut til å gå bra med ein sparsom månad. Haha!