Dumplings

Her ein dag fekk eg så utruleg lyst på dei her nydelege pastaputene med fyll i. Dessverre så kom eg på at eg verken et kveitemjøl eller dyreprodukt. Dermed vart det streka frå lista med ein gong. Plutseleg kom eg på at eg hadde kjøpt rismjøl og endte med å søke rundt på internett, igjen. Det viser seg at ein kan lage dumplings av rismjøl og fylle dei med akkurat det ein vil sjølv! Kor mange ropeteikn er det lov å ha i ein bloggpost? Det passar med 10-20 stykker her. Det var sjølvsagt ikkje anna å gjere enn å forsøke seg på dumplings.

Sidan eg i utgangspunktet ikkje visste at dette var ein matrett som eksisterte, så måtte eg ty til YouTube. Ein kan verkeleg lære alt på YouTube. Eg har blant anna lært å strikke sokka der… Haha! Her er filmen eg såg på før eg byrja på deiga.

OLYMPUS DIGITAL CAMERA

Oppskrift på mi deig (ca. 16 dumplings):
♥ 1,5 dl rismjøl
♥ Ca. 1 dl maizena
♥ 2 ts JBKM
♥ 1,5 dl vatn

Eg trur eg las to ulike glutenfrie oppskrifter før eg starta med deiga mi. Felles for desse var rismjøl, vatn og noko til å binde deiga. Begge hadde brukt tapiokamjøl, men sidan eg sjølvsagt laga dette på impuls på ein søndag, såå hadde eg ikkje den type mjøl heime. Dermed måtte eg forsøke å lage ei oppskrift sjølv. Det skal påpeikast at sjølvtilliten undervegs i dette forsøket ikkje var særleg høg. Eg hadde då aldri trudd at det skulle henge i hop.

Det einaste negative eg kan seie om denne oppskrifta på dumplingdeig er at den er litt lite elastisk. Noko som fører til at deiga vert litt tjukk og pittelitt vanskeleg å jobbe med. Det førte ikkje til store problem, men det må nesten nemnast. Neste gong skal eg planlegge det heile og forsøke meg på ei deig med tapiokamjøl og rismjøl. Tenker det vert hakket betre.

OLYMPUS DIGITAL CAMERA

Framgangsmåte:
→ Bland alle dei tørre ingrediensane i ein bolle
→ Tilset vatn
→ Kna deiga i minimum 5 minutt
→ Dekk over deiga så godt som mogleg og la den kvile i 2 timar
→ Del deiga i fire bitar – Dekk til tre av dei igjen
→ Rull deigbiten til ei pølse
→ Skjær ein og ein bit av «pølsa» og kjevl dei til tynne lappar
→ Ha på ønska fyll og brett saman av beste evne
→ Viktig: Press sømmane godt saman slik at dei ikkje sprekk
→ Ha dei ferdige dumplingsane i kokande vatn til dei flyt
→ Ha ferdige dumplings i ein bolle

Tips:
• Det er lurt å koke få dumplings om gongen – vert det for mange klistrar dei seg saman og vert vanskeleg å få frå kvarandre igjen utan å øydelegge dei.
• Når dumplings vert flytta frå kokande vatn til bolle er det lurt å nytte eit redskap som gjer at vatnet får rent av.
• Årsaka til at deiga må dekkast til er at den tørkar ut om du ikkje gjer det – noko som igjen fører til at det vert særs vanskeleg å jobbe med deiga.

OLYMPUS DIGITAL CAMERA

OLYMPUS DIGITAL CAMERA

Som fyll nytta eg ein heimelaga pesto av spinat, cashew og ulike krydder. Dette blanda eg med små bitar av den veganske osten på bilete under. I nokre dumplings hadde eg faktisk berre soltørka tomat blanda med denne osten. Begge deler vart supergodt og eg kjem definitivt til å lage dette igjen.

OLYMPUS DIGITAL CAMERA

Som ein kan sjå så vart det ikkje dei finaste dumplingsa, men eg er fornøgd likevel. Hallo! Det var berre sånn 2 av 16 stykker som datt i frå kvarandre og 2 som klistra seg til kvarandre. Det kallar eg suksess – i alle fall med tanke på at det var fyste forsøk.

OLYMPUS DIGITAL CAMERA

Dumplings kan etast aleine, med dip/saus og i sausar, gryter og supper. Dei kan steikast, dampast og kokast. Dei kan fyllast med akkurat det ein vil ha i sjølv. Dette vert eit av punkta på årets bucketlist. Ja, min type bucketlist er kanskje litt kjedeleg, men men. Lære å lage fine dumplings skal med likevel.

OLYMPUS DIGITAL CAMERA

OLYMPUS DIGITAL CAMERA

Åå, så fine ♥

 

Vegansk og glutenfri cookie dough-is

Fyste gongen eg prøvde meg på kokosis gjekk det så i dass som det kan gå. Den smakte alt for mykje kokos, den vart steinhard og full av iskrystallar. Eg trur at det faktisk er eit heilt år sidan eg forsøkte meg på is sist. Då eg gjekk forbi Tilbords for ei stund tilbake hadde dei isbollen/»ismaskina» til KitchenAid på sal. Det kunne eg sjølvsagt ikkje gå forbi. Etter ca. ein halvtime med «eg har fortjent dette fordi…(fyll inn kva som helst)», fekk eg jaggu med meg isbollen heim. Den er heilt gull. Eg er sikker på den kan gjere kva som helst til is og sorbet. Eg kan love deg at denne isen vert kremete, søt og kan lure alle former for veganskeptikarar!

No når eg skulle til å skrive om denne isen viser det seg at eg ikkje har notert oppskrifta eg laga meg sist. Dermed måtte eg til med ei ny runde islaging. Ikkje at det gjer noko (meir is), men søren òg. Det må eg verkeleg skjerpe meg på. Kvar gong eg liksom har tid til å poste noko har eg gløymt heile oppskrifta. Skulle gjerne visst korleis ein vart mindre surrehovud, eg.

OLYMPUS DIGITAL CAMERA

Nokre av ingrediensane som er nytta i isen. Ein kan sjølvsagt bytte ut alt med noko anna om ein vil det, men dette er dei eg har nytta. Agavesirupen nytta eg ikkje no, men den vart nytta sist eg laga same isen.

Oppskrift på isen*:
♥ 4 boksar kokoskrem (1 liter)
♥ 1 dl maplesirup
♥ 3 ss agavesirup
♥ 3 ts JBKM (johannesbrødkjernemjøl)
♥ 1/2 ts vaniljepulver

*Etter å ha forsøkt meg på denne isen to gongar har eg kome fram til ei oppskrift som er ein kombinasjon av begge forsøka.

Denne oppskrifta har eg satt saman av sikkert 15 ulike inspirasjonskjelder. Dermed kan eg vel seie at eg har laga den sjølv, men med god hjelp i frå det vide internett. Eg har funne haugevis med ingrediensar og tips til å lage vegansk is, men eg har forsøkt å sette saman ei som kan handlast på Meny. Det å jobbe med varer ein kan få tak i på daglegvarehandelen synast eg er so mykje kjekkare enn å måtte bestille frå nettet. Ikkje berre er det kjekkare, men det sparar miljø, støttar nærmiljøet og er tryggare. Woho!

For å få ein mest mogleg kremete is vil eg anbefale å berre nytte kokoskrem som base. Opprinneleg hadde eg skrive at det går heilt fint å nytte feit kokosmelk òg. Det er forsåvidt korrekt, men den ferdige isen fekk ein mykje hardare konsistens ved bruk av kokosmelk som base. Altså, dersom du skal lage denne isen vil eg anbefale å berre bruke kokoskrem. På denne måten vil du få ein kremete is som slår fløteisane ned i støvlane.

Forrige gong eg laga denne isen nytta eg både agavesirup og maplesirup, men då hadde eg ikkje sukker i. Pga. at agavesirupen er sinnsjukt søt må ein vere særs forsiktig i bruken av den. Elles kan ein vel hive i kva søtning ein vil. Ein kan sikkert berre nytte sukker og få same resultatet. Eg er glad i sirupsmaken ein får frå maplesirup, men prisen er ikkje like fin for ein student.
Edit: Isen får ein rundare og hakket betre smak ved bruk av agavesirup istaden for sukker, men ellers fungerar det like bra.

Framgangsmåte:
1. Varm opp kokosmelk/kokoskrem saman med søtning til det vert ei jamn masse.
2. Ha i JBKM. Dette kjem til å klumpe seg noko heilt sjukt. Ikkje stress av den grunn.
3. Bruk stavmiksaren i røra til det (igjen) vert ei jamn masse.
4. Ha i vaniljepulver
5. Kjøl ned røra til romtemperatur på kjøkkenbenken.
6. Fortsett nedkjøling av røra i kjøleskap i ca. 4 timar.
7. Køyr i ismaskin til massa har fått ein stivare konsistens.
8. Ha i kjeksdeig eller anna snacks du vil ha i isen din.
9. Frys ned.

* Punkt 7 og 8 kan gjerast om ein anna, det avheng av kva du skal ha i røra. Kjeksdeig er til dømes lurt å ha i til slutt i røreprosessen, mens nonstop kan ein nok ha i når som helst så lenge røra er kald.

OLYMPUS DIGITAL CAMERA

Samstundes som ein ventar på at isen skal kjøle seg ned, kan ein lage det ein vil ha i isen. Det treng for all del ikkje vere meir komplisert enn sjokoladebitar – ikkje at isen treng noko ekstra i det heile, men eg synast det er kjekt når eg fyst held på. Eg har, som overskrifta tilseier, laga kjeksdeig.

Oppskrift på kjeksdeig:
♥ 120 g smør
♥ 80 g sukker
♥ 100-150 g lyst, glutenfritt mjøl
♥ 50 g mørk sjokolade

OLYMPUS DIGITAL CAMERA

OLYMPUS DIGITAL CAMERA

Sidan dette smøret er vegansk og kvitt kan ein ikkje følgje den vanlege instruksjonen som er å piske smør og sukker til det blir kvitt. Berre pisk det heile til ei kremete og luftig masse før du tilsett mjølet så er du trygg.

Framgangsmåte:
1. Pisk smør og sukker til ei luftig og kremete masse
2. Tilsett mjøl til du har ei deig
3. Tilsett sjokoladebitar i ynskja storleik

For dei som har laga masse kjeks så vil nok oppskrifta på deiga virke litt merkeleg. Den har alt for mykje mjøl i seg til at det skal verte kjeks. Saken er, dersom ein lagar vanleg kjeksdeig og har det i isen vil heile greia berre bli ei stor smørje. Det fekk eg testa ut i dag. Dermed: Lag ei skikkelig god deig av kjeksdeiga. Skal du faktisk lage masse kjeks og ikkje deig til å ha i ein is, er denne oppskrifta her midt i blinken for det:

Oppskrift på kjeks som ikkje skal i isen:
♥ 250 g smør
♥ 170 g sukker
♥ 200 g fint, glutenfritt mjøl
♥ 50 g sjokoladebitar

OLYMPUS DIGITAL CAMERA

For at det faktisk skal bli cookie dough-bitar i isen bør deiga frysast ned og delast i bitar før den tilsettast isen. Eg gjer dette enkelt ved å legge eit bakepapir på ei flate, legge deiga på, og smørje den utover ved hjelp av eit anna bakepapir som berre vert liggande på toppen av deiga. Meget effektivt. Deretter legg eg deiga i frysen til isen er ferdig kjølt ned.

Samtidig som eg har ismassa i isbollen min har eg berre i bitane med kjeksdeig. Forrige gong gjekk det litt så som så, men resultatet vart likevel bra! Eit slikt prosjekt kan verke litt uoverkommeleg i starten, men dersom eg får det til, får du det til òg. Hadde dokke berre visst kor lite eg har både baka og laga søtsaker så hadde dokke nok blitt overbevist tvert. Om ikkje anna så er dette eit perfekt prosjekt til ei roleg helg!

OLYMPUS DIGITAL CAMERA

Eg skulle eigentleg ha isen i frysen i går, men eg gløymde heile greia så den har stått i kjøleskapet til i dag. Den skal sjå litt sånn her ut før du har den i frysen, men den treng nok ikkje vere så tjukk som min. Den skal vere litt pudding-aktig og seig.

OLYMPUS DIGITAL CAMERA

OLYMPUS DIGITAL CAMERA

Sjekk dèt resultatet då! Wooo! Dette er riktignok bilete frå forrige gong eg laga denne isen – då cookie dough-bitane vart vellykka. Det vart dei ikkje denne gongen, men då lærte eg at deiga må vere tjukk for å holde seg når isen vert rørt.

 

Øvrige tips:

Om du ikkje har stavmikser kan du enkelt blande JBKM i ein behaldar med 300 ml røre eller meir. Ein shaker eller eit tomt sylteglas er perfekte til dette. Husk å vere forsiktig – røra er særs varm! Viss du verken nyttar stavmiksar eller ein slik behaldar kan eg love deg at isen din vert full av klumpar.

Har du ikkje ismaskin så har eg lest at det skal vere mogleg å fryse isen ned utan. Då må ein visst røre i isen kvart 20. minutt. Dette har eg altså ikkje forsøkt sjølv enno, men eg har ein del av røra i frysen no og oppdatera dokke på det fortlaupande.
Edit: Eg gløymde å røre i isen kvart 20. minutt, dermed vart dette eit dårleg forsøk frå mi side. Det eg kan rapportere om, er at den ikkje hadde mykje iskrystallar og at den gjekk heilt fint å ete. Eg vil dermed tru at dersom ein huskar å røre i isen ofte så kan ein droppe ismaskina.

Denne isen smeltar mykje fortare enn fløyteis og kan dermed serverast få minutt etter den er tatt ut av frysen 😀

Vegan pizza-time

Den siste veka har eg lest, øvd, lest og jobba. Dagane har gått i ett. Før eg visste ordet av det hadde eg nesten gløymt av denne matbloggen her i over ei veke! Neida, eg har faktisk tenkt på den kvar dag –  eg har til og med sett at nokre av dokke held ut sjølv om det ser dårlig ut på oppdateringsfronten ♥ På den lyse sida så kan du tenke på at dersom du skulle få meg som sjukepleiar så kan eg i alle fall alt om kva som skjer på innsida av kroppen din 😀

Dårlig tid fører til dårlig fantasi innanfor matvegen, det er kanskje litt derfor eg har droppa å oppdatere òg. Vi har laga god mat altså, men kanskje ikkje noko nytt. Forrige helg der i mot så laga vi vegansk pizza med vegansk rømmedressing! Det vart kjempegodt. Einaste minuset når ein droppar å ha ost på toppen er jo at ingenting heng saman. Dette er med andre ord ein pizza ein må ete med kniv og gaffel.

OLYMPUS DIGITAL CAMERA

OLYMPUS DIGITAL CAMERA

Vi starta med å lage ein heilt standar pizzabunn (trur eg fann oppskrifta på MatPrat). Den innehold kveitemjøl, vatn, gjær og massevis av krydder. Krydderbiten er kanskje ikkje så standar, men eg har fått det for meg at pizzabunnar med krydder i – dèt er godt det.

OLYMPUS DIGITAL CAMERA

Eg er sjølvsagt ein juksemaker uten like. Fyst så blanda eg saman pizzadeiga, så rulla eg den utover eit brett og heva den i ovnen på ca. 40 grader. Det funkar heilt utmerka.

OLYMPUS DIGITAL CAMERA

På toppen hadde eg tomatpurè, hakka tomatar, oliven, soltørka tomat, ananas, mais, purre, løk, hermetisk paprika, champignon og kikerter. Marvellous!

OLYMPUS DIGITAL CAMERA

Dersom du ikkje har prøvd ovnssteikte kikerter så må du verkeleg få ræva i gir. Det smakar heilt himmelsk og i tillegg så er det superenkelt. Vi tar som regel ein boks kikerter, to ss olje og valgfritt krydder på før vi setter dei i ovnen på ca. 200 grader. I går var vi skikkeleg late og lagde desse kikertene, kokte ris og laga bernaissaus til. Perfekt avslutning på ein lang dag.

OLYMPUS DIGITAL CAMERA

Eg må berre påpeike at dette er fyste gongen eg har laga pizzadeig med gluten. Haha, ei i studiegruppa ler sånn av meg når eg seier det, men det er jo sant! Eg lager berre deiger utan gluten til vanleg og har gjort det sidan sånn 2011. Så eg er faktisk ganske usikker på om eg fekk til å lage pizzadeiga skikkeleg eller kva som skjedde. Den endte opp med å bli ganske så flat og crunchy, men hey, vi kalla det berre for italiensk pizza og er meganøgde.

Vi brukte en vegansk erstatter for rømme som heiter iFraiche, men eg mistenker at dette kanskje var ein form for kesam i staden. Den var god på pizzaen altså, men det smakte litt feil – litt søtt kanskje? Om nokon rømmedressing-tips så jublar i alle fall eg av glede!

OLYMPUS DIGITAL CAMERA

Vegansk potetgull

Til neste semester så må eg definitivt kutte ut ein av aktivitetane som tar opp livet mitt. Eg merkar at eg rett og slett ikkje har tid til å gjere ting som eg faktisk har lyst til – og er det noko som er viktig her i livet så er det vel nettopp dèt. Ein må huske å gjere ting ein har lyst til. Då gjenstår det berre å finne ut kva av aktivitetane som må gå. Eg er i alle fall sjeldan fullt og heilt på ein stad. Sikkert mange av dokke som kjenner på det same. Dette er vel sjølve rota til stress. I tillegg innser eg nøyaktig kor mykje anatomiboka mi faktisk inneheld, dermed har eg fått litt panikk og lest i to dagar i strekk. Haha! Ser for meg at heile veka går med til pugging av alle moglege slags kroppslege funksjonar. Eg ante for eksempel ikkje at nervesystemet var så komplisert. Duh, kan du sei. No har eg i alle fall ei lita oversikt.

OLYMPUS DIGITAL CAMERA

I helga så testa eg ut desse to typane potetgull. Den eine er laga av quinoa og den andre av hummus. Spennande! Begge smakte vannvittig godt, men den av hummus med tomat og basilikum går av med seieren når det kjem til desse to. Begge er sjølvsagt veganske. Eg kjøpte mine på Kinsarvik i Bergen sentrum, men ein kan heilt sikkert finne dei mange andre stadar òg. Dei er forresten supergodkjent av typen – kongen av potetgull her i huset. Det beste med det heile er at desse posane kostar ca. akkurat det same som vanleg potetgull som ein vanlegvis kjøper på daglegvarehandelane.

OLYMPUS DIGITAL CAMERA

Eg er så glad for at dokke faktisk gidder å poppe innom her sjølv om eg ikkje har posta noko på fleire dagar. Dokke er så gull! At dokke har besøkt og lagt igjen kommentarar varmar verkeleg. Dette kjenner eg har blitt ei sak eg brenn for og dermed varmar det ekstra at dokke orkar å lese det eg skriv. Eg gledar meg massevis til fortsettelsen og håpar dokke ikkje gir meg opp på ei lita stund enno :*

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

Om dokke lurer så forsvant alt av potetgull i rekordfart.

Veganske Epleroser

Kan tenke meg at dokke har fått med dokke desse nydelege eplerosene som har surra i media den siste veka. Eg måtte sjølvsagt prøve. Burde vel eigentleg vere litt ydmyk og sånn, men eg har laga nydelege, veganske epleroser. To gongar. Fyst lagde eg det i går til eit tapasvors eg skulle på. Dei synast i alle fall desse var gode. Så måtte eg sjølvsagt lage dei til oss sjølve i dag.

Eg laga mine av vegansk butterdeig, aprikosmarmelade og raude epler. Fleire ingrediensar er det faktisk ikkje. Vi får starte med butterdeiga. Oppskrifta på denne stjal eg frå Vegetarbloggen og dokke kan finne orginalen her. Einaste skilnaden på den oppskrifta og mi er at eg brukte dobbelt så mykje mjøl.

Oppskrift:
→ 150g vegansk smør
→ 0,5 dl havrefløte
→ 1ts eddik
→ 2ss sukker
→ 5-6dl kveitemjøl

OLYMPUS DIGITAL CAMERA

Bland smør, fløte, sukker og eddik i ein bolle eller i ei kjøkkenmaskin til ei jamn masse.

OLYMPUS DIGITAL CAMERA

OLYMPUS DIGITAL CAMERA

Ha i kveitemjøl til det vert ei deig. Vil anbefale dokke å begynde med 2,5-3dl og deretter fylle på sakte, men sikkert.

OLYMPUS DIGITAL CAMERA

Deigen skal sjå sånn her ut når den er ferdig.

Etter at deiga er laga skal denne stå i kjøleskap i ein halv time. Husk at hovudingrediensen er smør og dette vert veldig vanskeleg å jobbe med dersom deiga ikkje er kald. Samtidig som denne står i kjøleskapet kan du byrje på tilbehøret. Epla og aprikosmarmeladen skal gjerast klar òg. Eg nytta to epler og 4-5ss aprikosmarmelade.

Som sagt er neste steg å gjere epla klare. Desse delte eg i tynne skiver og la i vatn med sitron i. Som kjend så blir raude epler brune i fargen veldig raskt. Eit vannbad med litt sitron hindrar dette i å skje. For å gjere eplebitane enklare å jobbe med så varmar vi desse opp sånn at dei vert mjuke og muffinsane vert lettare å rulle saman.

OLYMPUS DIGITAL CAMERA

Epla delar du i to og fjernar stilken på. 

OLYMPUS DIGITAL CAMERA

Kutt dei i tynne skiver. 

Når du tar deiga ut av kjøleskapet er denne ganske hard. Husk at det er mykje smør i den og ein treng dermed ein del mjøl på kjøkkenbenken for å få deiga lett av igjen. Rull deiga ut i ei rektangulær form. Bruk ei pizzarulle eller ein kniv for å dele deiga i bitar. Bitane skal vere ca. 5cm breide og 20cm lange.

OLYMPUS DIGITAL CAMERA

Aprikosmarmeladen har eg varma opp i ei gryte før eg har smurt den utover deiga. Dessutan er det nokre teskeier med vatn i for at den ikkje skulle verte alt for tjukk. Eg har brukt stavmiksar for å få vekk dei største bitane. Ja, eg er 3 år når det kjem til store bitar i syltetøy. Haha, er det mogleg. Det er så absolutt ikkje nødvendig å fjerne desse bitane med mindre du er like sær på det som meg. Sylta fungerar som klister for eplebitane som skal leggast på deiga.

OLYMPUS DIGITAL CAMERA

Eplebitane er no varma (ikkje kokt!!! Då vert dei øydelagte) og vatnet er silt av. Som dokke ser på bilete under er eplebitane lagt berre på halvparten av deigbiten, det resterande skal brettast over eplebitane. Til slutt rullar ein berre deiga saman til ein muffins.

Forresten så vil eg anbefale dokke å ta vare på vatnet dokke varma eplebitane i. Det enda opp med å smake heilt nydeleg. Vi er sikkert superrare, men vi har i alle fall planar om å ha det i kjøleskapet og drikke det kaldt til frokost i morgon. Hallo, det blir jo nesten heimelaga eplejus, utan at eg har snøring på korleis ein lagar det, då.

OLYMPUS DIGITAL CAMERA

Når alt dette er gjort ser muffinsane ut som på bileta under. Det spelar faktisk ikkje noko rolle om dei ser heilt forferdelege ut undervegs. Det gjorde mine – begge gongane eg prøvde. Muffinsane kjem til å sjå ut som roser nesten uansett kor mykje ein grisar det til i prosessen.

OLYMPUS DIGITAL CAMERA

Ha litt kanel på toppen og dei er klare for ovnen. Vi steikte dei på 190°C i 40 minutt med over- og undervarme. Deretter skrudde vi ovnen til varmluft og 150°C. Eg plasserte eit kjøkkenhandle mellom ovnsdøra og ovnen for å få litt ekstra lufting (same metode som med kantarellane om dokke huskar det).

OLYMPUS DIGITAL CAMERA

OLYMPUS DIGITAL CAMERA

Dei både ser heilt fantastiske ut og smakar heilt nydeleg! Wææ, kva har eg fått til, liksom? Neida, det var faktisk kjempelett. Før eg skulle lage dei så måtte eg ringe mamma, eg innsåg nemleg at eg aldri har baka noko skikkeleg før. Med andre ord, dette kan absolutt alle få til.

OLYMPUS DIGITAL CAMERA

Litt melis på toppen og det ser ut som eit lite kunstverk.

OLYMPUS DIGITAL CAMERA

Psst. Her er ein Youtube-film om forklaringa mi ikkje er heilt på topp. Her er framgangsmåten i tekst frå same person. Sida ho hadde kjøpt deiga si på butikken (???) så måtte eg finne ei anna å bruke i mi oppskrift. Eg valgte vegansk butterdeig sidan det er ca. det same som den ho brukte. Ein kan sikkert velge andre deiger òg, men det var i alle fall ein enorm fordel at deiga ikkje heva. Ser for meg kaoset det hadde blitt om den hadde gjort det.

Do it yourself – for miljøet

Som eg har snakka om tidlegare er det ein heil masse saker ein kan gjere både for miljøet og seg sjølv. No har eg funne ut at eg skal prøve meg på å lage ulike ting sjølv. Ein ting vi brukar mykje av er såper, vaskemiddel, deodorantar og liknande. Desse er sjølvsagt stappa med både gode og mindre gode kjemikaliar. Stoffet som hindrar svette i mange av dei vanlege deodorantane er for eksempel aluminium. Kor fornuftig det er å smøre massevis av det utover huda kvar dag veit vi ikkje. I Noreg har vi heldigvis eit reglement som gjer at vi ikkje skal få i oss farlege mengder av desse mindre gode kjemikaliane. Problemet er at ein tar hensyn til mengda i kvart enkelt produkt og ikkje mengda ein får i seg dersom ein plussar saman nokre av desse produkta. Høyr, no har ho vore å surfa på internett igjen. Dette er kanskje ikkje tidenes beste kjelde, men VG har ein artikkel frå 2013 på saken her.

Nylig oppdatert

Heime har typen allereie starta enkelt med å vaske kaffetraktaren med eddik i staden for det kaffitraktarrensemiddelet ein får kjøpt på butikken. For, om vi er ærlege med oss sjølve, akkurat kor sannsynleg er det at kaffitraktaren treng eit heilt eige vaskemiddel? Null, spør du meg. Aftenposten har ein serie som dei fleste kanskje har sett frå før. Denne heiter «Bærekraftig Brukerhandbok» og du finn sida her. I dette programmet lagar dei blant anna tannkrem, shampoo, balsam og vaskemiddel til huset. Dei snakkar om ulike problemområder med kjemikaliar og dei testar ut produkta sjølve. Eg tenkte å teste ut nettopp desse produkta. Altså, kva taper ein på å prøve, liksom?

DIY household

Så, fyste prosjekt vart å rense kaffetraktaren med hjelp av eddik 7%. Neste prosjekt blir vel å lage vaskemiddel til hus. Dette er overraskande enkelt. Alt ein treng er eddik og sitronskal. På aftenposten så seier dei at eddik-lukta dampar vekk og dermed er det null problem å nytte eddik til nettopp dette. Eddik har den funksjonen at den fjernar feitt og sitron er bakteriedrepande. Eddik kan dermed nyttast i dusjen når denne skal vaskast. Dette har eg prøvd ved ei tidlegare anledning. Trikset er å la eddiken ligge på dusjkabinettet i ca. 30 minutt og dermed får ein vekk alt av feitt og andre godsaker. Om dokke huskar programmet der to damer reiste rundt til ekstremt skitne hus og gjorde desse reine så har dokke sjølv sett sitron i action. Dei brukte nemleg nesten utelukkande naturlege vaskemiddel. Her har vi ein ting eller to å lære.

Når ein lagar vaskemiddel til hus skal eddik og sitronskal blandast i for eksempel ei krukke. Dette skal trekke i to veker så eg får dessverre ikkje oppdatert dokke på saken før to veker er gått.

Nylig oppdatert

For oss som er studentar er i alle fall nokre av dei idèane som er illustrert i bilda over midt i blinken. Det er snart jul og mange av desse produkta er perfekte til å gje i gåve. Ta vare på alt av tomme glas framover og bli med på prosjektet mitt då, vel! Om nokon av dokke som les dette her har testa ut liknande ting heime så vil eg veldig gjerne høyre korleis det heile gjekk! Blir så glad for tilbakemeldingar at dokke anar det ikkje. Smil!

Follow my blog with Bloglovin

Mumselunsj

I dag har eg studiedag og det står dermed fingermat på menyen. Veit faktisk ikkje heilt om vi får tid til ein skikkeleg middag i dag. Vi får sjå. Uansett kan ein leve godt sjølv om ein ikkje et middagar heile tida. Eg skal i alle fall kose meg med denne lunsjen her i mellomtida.

OLYMPUS DIGITAL CAMERA

Yoghurt, tomatar, oliven og valnøtter.

OLYMPUS DIGITAL CAMERA

Litt Maldonsalt på tomatane og dei vert ei delikatesse.

Fyr i peisen, fingermat og pensumbok. Sjølv om stoffet er tungt så kan eg eigentleg ikkje klage noko særleg.

OLYMPUS DIGITAL CAMERA

Etter at litt av pensumlesinga og oppgåveskrivinga er undagjort tenkte eg å lage det der innlegget om ulike dokumentarar eg har sett i det siste. Om dokke har nokre gode dokumentarar dokke synast eg burde sjå så vert eg veldig glad for tips!

Vegansk husmannskost på sitt beste

Ein skulle tru at sidan det er helg så har ein massevis av tid til å bruke på det ein vil. Vel, det spørs vel korleis ein ser på det, ein må jo ha pengar òg. No har eg endeleg satt meg ned, fått i meg mat og satt isen på kjøkkenbenken. Dessutan har eg endeleg tid til å skrive om torsdagens middag. Berre tre dagar etter, haha!

OLYMPUS DIGITAL CAMERA

For eit resultat. Søtbotet-«bacon» i staden for svineri.

Kompar/klubb/raspeball er noko vi har tenkt på å lage alt for lenge. Som alle andre har vi den der sperra som seier at mat frå bunnen av – dèt er vanskeleg det. Atter ein gong må vi innsjå at ventetida har vore heilt unødvendig. Pokker så enkelt. Sidan vi tok det litt på sparket så hadde vi ikkje byggmjøl i skapet. Dermed vart vår kompar litt hardare enn den ein vanlegvis lagar. Vi brukte kveitemjøl i staden for byggmjøl.

OLYMPUS DIGITAL CAMERA

Som dokke sikkert er klar over så er steikt kompar eit must i dagane etter. Dokke kan allerede gjette at vi lagde mat til ein hær. Vi har enno meir igjen… Så neste gong vil vi kanskje avgrense matlaginga til at det berre vert nok til ein halv hær. Hallo, vi er berre to personar, liksom. På den andre sida så hadde vi mat til middag og frokost x 3 for ca. 60 kroner.

OLYMPUS DIGITAL CAMERA

Vi baserte oss på denne oppskrifta. Vi brukte kveitemjøl i staden for byggmjøl. Altså, det gjekk heilt fint, men eg vil nok teste ut byggmjøl neste gong.

Oppskrift:
→ Ca. 1 kg poteter
→ (Bygg)mjøl
→ Salt

Vi raspa 3/4 av potetene og kokte 1/4. Dei kokte potetene moste vi og blanda i med dei raspa potetene. Deretter tilsatte vi mjøl til det var blitt ei deig. På grunn av at vi ikkje hadde byggmjøl nytta vi òg maizenna og fiberhusk. Kva effekt dette hadde er eg usikker på. Konklusjonen er igrunn at ein berre skal bruke byggmjøl og eit par spiseskeier med kveitemjøl i deiga.

OLYMPUS DIGITAL CAMERA

Vi laga på same måten som ein formar bollar. For å gjere det litt enklare hadde vi olje på henda då vi forma dei. Vannvittig klissete og grisete arbeid om ein ikkje hadde olje på henda. Deretter la vi komparen i vatn og kokte dei like lenge som ein skal koke poteter. Sidan dette vert store poteter så kokte vi dei i 30-40 minutt. Når dette ikkje vert laga vegansk så kokar ein komparen saman med det salte kjøtet ein et på sida. Vi laga sjølvsagt ein vegansk variant og nytta ca. 2 ts timian i vatnet. Dette funka heilt supert! Ein kokar komparen rett og slett saman med krydder som er vanleg å nytte på kjøt.

OLYMPUS DIGITAL CAMERA

Eg trudde ein venninde av meg var heilt gal då ho sa: «Åååh!! Steikt raspe med ketchup!!» Viser seg at ho eigentleg var ganske så lur. Om du ikkje har prøvd det før så vil eg i alle fall foreslå det. Alle eg snakkar med synes uansett at eg er teit når eg seiar at eg må ha sukker på. «Det er jo sånn ein gjer for å få ungar til å like det!» Helsing Sofie 3 år, liksom.

OLYMPUS DIGITAL CAMERA

Altså:
→ Lag deig
→ Kok saman med «kjøtt»krydder
→ Lag tilbehør

Husmannskost har aldri sett så enkelt ut.

OLYMPUS DIGITAL CAMERA

Som tilbehør hadde vi steikt hovudkål, steikt løk, steikte søtpotetbitar, kålrabi og gulrot. Til dessert hadde vi eit stort smil om munnen og ganske så trøtt tryne.

Soyayoghurt og roser

Eg har aldri hatt så mange roser på ein gong, derfor har eg sjølvsagt plassert dei midt på stovebordet. Åå, det lyset som ein har å jobbe med på kvelden er ikkje rettferdig i det heile. Eg skjønar plutseleg kvifor alle bloggerar er vakne så tidleg. Ein er jo heilt avhengig av det der dagslyset for å få fine bilder. Jaja. Hold ut.

OLYMPUS DIGITAL CAMERA

20 (!) roser.

«For ein snill kjærast du har!» Joda, det har eg, men desse fekk eg med ei heilt nydeleg jente. Av og til, altså. Etter 8 timar skule og 6 timar jobb så var dette akkurat det eg trengde for å smile heile vegen heim!

OLYMPUS DIGITAL CAMERA

Det seier seg sjølv at med alle desse timane tilbrakt andre stadar enn leiligheta, så vert det lite spennande matlaging. Eg har likevel prøvd noko nytt. Soyayoghurt. Den var faktisk heilt fantastisk god! Så om du ikkje vil ta veganer-livsstilen heilt ut så kan du for eksempel bytte ut den vanlege yoghurten med denne i ny og ne. Alle monnar drar. Hallo, den er verkeleg god. «Du likar den sikkert berre fordi du et vegansk.» Nei, eg er igrunn ikkje så stor fan av yoghurt, men denne tenkte eg at eg skulle gje ein sjanse – eg angrar ikkje. Neste på lista vert jordbæryoughurten i same stil!

OLYMPUS DIGITAL CAMERA

OLYMPUS DIGITAL CAMERA

Kva taper ein på å prøve, liksom?

Kantarellsuppe, blomkålris og rista kikerter

I dag hadde eg lyst å prøve alt på ein gong. Sånn fungerar det likevel ikkje, så eg prøvde meg på «rista» kikerter, kantarellsuppe og blomkålris. Javelda, eg fekk då prøvd litt nye ting i dag. Vi får begynde med kantarellsuppa. Dokke huskar dei kantarellane vi plukka for to veker sida? Jepp.

OLYMPUS DIGITAL CAMERA

Tørka kantarell, forvella kantarell (begge frosne), løk, rødløk, kvitløk, rismelk og havrefløte.

OLYMPUS DIGITAL CAMERA

OLYMPUS DIGITAL CAMERA

Løk, Rødløk og kvitløk steikt i olje.

Fyst steikte eg løksortane mine gylne. Deretter hadde eg litt kantarell i og steikte det litt til. Dei fleste ville nok stoppa på gyllen løk, men eg elska smaken av stekt løk og synes liksom den gjer det lille ekstra i dei fleste kvite supper. Smak og behag, sjølvsagt.

OLYMPUS DIGITAL CAMERA

Tilsett Maizena, rismelk og havrefløte. Evt. andre former for vegansk melk/fløte. La dette koke til all soppen er heilt mør. Så til favorittdelen min: Ta fram stavmiksaren og køyr.

OLYMPUS DIGITAL CAMERA

Ha i resten av kantarellen. La heile suppa putre til du er fornøgd med både konsistens på suppa og soppen.

OLYMPUS DIGITAL CAMERA

Godt!

Då eg søkte på kantarellsuppe på nettet så fant eg haugevis av oppskrifter. Av dei eg såg på så var det ingen som laga suppa på den måten eg har gjort no, men sånn er det når ein plutseleg skal gjere noko vegansk.

OLYMPUS DIGITAL CAMERA

Blomkålris.

Dette er kanskje noko av det enklaste eg har laga. Eg heiv 5-6 blomkålkvastar i blenderen og trykte på knappen. Så vart det ris! Eg brukte eit heilt blomkålhovud og måtte derfor gjenta prosessen eit par gongar. Om du har foodprosessor så kan du sikkert hive alt i på ein gong, men sånn fungerar i alle fall ikkje min blender.

OLYMPUS DIGITAL CAMERA

«Rista» kikerter.

Okei, eg veit ikkje om eg kan kalle kikertene rista. Dei er rett og slett berre krydra og steikt i olje. Då vi smakte på dei var reaksjonen noko sånnt som: «Kva smaker det???» «Eeehm, litt sånn eeh, nøttekjøtt?» Ja, det smakte ei blanding av nøtter og kjøtt. Og nei, det er ikkje fordi eg har gløymt korleis kjøt smaker. Eg åt fårikål i helga utan å vere så alt for stolt over det.

OLYMPUS DIGITAL CAMERA

OLYMPUS DIGITAL CAMERA

Kantarellsuppe, blomkålris, rista kikerter og grønnkålchips.

I dag vil eg gjerne at alle skal tenke over kvifor dei et kjøt. Fins det ein anna grunn enn at det smaker godt? Det er ikkje for å presse tankar ned på folk, men for at folk kanskje kan gi temaet ein ekstra tanke. Ein har liksom alltid lært at CO2 er den største klimasynderen, men kva om dette ikkje er riktig? Om noken vil sjå ein film som tar for seg fleire sider av saka kan eg verkeleg anbefale «Cowspiration». Dokke finn den på Netflix, no excuses. Dokke må meir enn gjerne kommentere!