Bakt fennikel og suppe av brokkoli og grønnkål

Her ein dag fann eg fennikel på butikken. Sidan eg ikkje ante kva det var så vart sjølvsagt denne med heim. Google gav meg denne oppskrifta på MatPrat og eg måtte jo berre prøve. Korleis ein tilbreder grønnsakene i måltidet er nesten skrive med lita skrift, men men!

OLYMPUS DIGITAL CAMERA

Eg skar to stykk fennikel i fire og smurte den ildfaste forma med olivenolje. Deretter draup eg over olivenolje og strødde over salt og pepper. Til slutt heiv eg over to fedd kvitløk (hakka). Dei vart steikt på 225°C i 25-30 minutt.

OLYMPUS DIGITAL CAMERA

Oppskrift til suppa:
♥ 1 1/2 brokkoli (inkludert stilk og friske blad)
♥ 4 heile blad grønnkål
♥ 1-2 dl fløte
♥ 2 ss smør (raps og kokos)
♥ salt og pepper

Som vanleg dampa eg brokkolien og heiv alle ingrediensane i ein blender. Etter at alt hadde blitt ei tjukk masse, varma eg alt opp igjen og lot det putre i 10 min. Det er alltid sånn at jo lenger ei suppe får putre, jo betre vert den, men vi var alt for svoltne til det.

Vi hadde òg i eit fedd kvitløk, men det vil eg eigentleg anbefale deg å droppe. Det vart ein alt for sterk kvitløkssmak for min del i alle fall. Eg skjønar ikkje heilt kvifor, med tanke på at det berre var eit fedd i så mykje suppe. Jaja, vi droppar det i alle fall neste gong.

OLYMPUS DIGITAL CAMERA

Sidan det er sal på både blomkål og brokkoli på ein heil masse butikkar, har eg handla inn sjukt mykje av begge. 10 kr per blomkål og brokkoli gjev ein pris på ca. 30 kroner for to til tre middagar for ein (dersom ein reknar med krydder, smør og fløte).

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

Smaken av fennikel er litt lakrisaktig. Smakar det litt som anis? Eg veit ikkje, noko i den duren trur eg. Uansett, eg synast det smakte fantastisk. Neste gong har eg lyst til å steike dei saman med løk òg.

OLYMPUS DIGITAL CAMERA

♥ Fennikel inneheld vitamin C, kalium og kostfiber.

♥ Brokkoli inneheld vitamin C, kalium, kostfiber. Den er òg rik på betakaroten.

♥ Grønnkål inneheld vitamin C, kalium, jern, kostfiber. Grønnkål er særleg rik på A-vitamin og betakaroten.

OLYMPUS DIGITAL CAMERA

Denne maten var akkurat det eg trengte etter årets fyste reine styrketrening. Herlighet kor støl eg er i dag. Det er likevel ikkje så ille som eg trudde det skulle bli. Eg er rimeleg fornøgd med at det går heilt fint å gå i trapper. Haha! No er det tilbake til pugging av sjukdomslære. Eg kan nesten ikkje vente til eg skal på fotballtrening, og kjenner at denne dagen skal avsluttast med tidenes heftigaste smoothie.

Ha ein nydeleg dag! ♥

Advertisements

Dumplings

Her ein dag fekk eg så utruleg lyst på dei her nydelege pastaputene med fyll i. Dessverre så kom eg på at eg verken et kveitemjøl eller dyreprodukt. Dermed vart det streka frå lista med ein gong. Plutseleg kom eg på at eg hadde kjøpt rismjøl og endte med å søke rundt på internett, igjen. Det viser seg at ein kan lage dumplings av rismjøl og fylle dei med akkurat det ein vil sjølv! Kor mange ropeteikn er det lov å ha i ein bloggpost? Det passar med 10-20 stykker her. Det var sjølvsagt ikkje anna å gjere enn å forsøke seg på dumplings.

Sidan eg i utgangspunktet ikkje visste at dette var ein matrett som eksisterte, så måtte eg ty til YouTube. Ein kan verkeleg lære alt på YouTube. Eg har blant anna lært å strikke sokka der… Haha! Her er filmen eg såg på før eg byrja på deiga.

OLYMPUS DIGITAL CAMERA

Oppskrift på mi deig (ca. 16 dumplings):
♥ 1,5 dl rismjøl
♥ Ca. 1 dl maizena
♥ 2 ts JBKM
♥ 1,5 dl vatn

Eg trur eg las to ulike glutenfrie oppskrifter før eg starta med deiga mi. Felles for desse var rismjøl, vatn og noko til å binde deiga. Begge hadde brukt tapiokamjøl, men sidan eg sjølvsagt laga dette på impuls på ein søndag, såå hadde eg ikkje den type mjøl heime. Dermed måtte eg forsøke å lage ei oppskrift sjølv. Det skal påpeikast at sjølvtilliten undervegs i dette forsøket ikkje var særleg høg. Eg hadde då aldri trudd at det skulle henge i hop.

Det einaste negative eg kan seie om denne oppskrifta på dumplingdeig er at den er litt lite elastisk. Noko som fører til at deiga vert litt tjukk og pittelitt vanskeleg å jobbe med. Det førte ikkje til store problem, men det må nesten nemnast. Neste gong skal eg planlegge det heile og forsøke meg på ei deig med tapiokamjøl og rismjøl. Tenker det vert hakket betre.

OLYMPUS DIGITAL CAMERA

Framgangsmåte:
→ Bland alle dei tørre ingrediensane i ein bolle
→ Tilset vatn
→ Kna deiga i minimum 5 minutt
→ Dekk over deiga så godt som mogleg og la den kvile i 2 timar
→ Del deiga i fire bitar – Dekk til tre av dei igjen
→ Rull deigbiten til ei pølse
→ Skjær ein og ein bit av «pølsa» og kjevl dei til tynne lappar
→ Ha på ønska fyll og brett saman av beste evne
→ Viktig: Press sømmane godt saman slik at dei ikkje sprekk
→ Ha dei ferdige dumplingsane i kokande vatn til dei flyt
→ Ha ferdige dumplings i ein bolle

Tips:
• Det er lurt å koke få dumplings om gongen – vert det for mange klistrar dei seg saman og vert vanskeleg å få frå kvarandre igjen utan å øydelegge dei.
• Når dumplings vert flytta frå kokande vatn til bolle er det lurt å nytte eit redskap som gjer at vatnet får rent av.
• Årsaka til at deiga må dekkast til er at den tørkar ut om du ikkje gjer det – noko som igjen fører til at det vert særs vanskeleg å jobbe med deiga.

OLYMPUS DIGITAL CAMERA

OLYMPUS DIGITAL CAMERA

Som fyll nytta eg ein heimelaga pesto av spinat, cashew og ulike krydder. Dette blanda eg med små bitar av den veganske osten på bilete under. I nokre dumplings hadde eg faktisk berre soltørka tomat blanda med denne osten. Begge deler vart supergodt og eg kjem definitivt til å lage dette igjen.

OLYMPUS DIGITAL CAMERA

Som ein kan sjå så vart det ikkje dei finaste dumplingsa, men eg er fornøgd likevel. Hallo! Det var berre sånn 2 av 16 stykker som datt i frå kvarandre og 2 som klistra seg til kvarandre. Det kallar eg suksess – i alle fall med tanke på at det var fyste forsøk.

OLYMPUS DIGITAL CAMERA

Dumplings kan etast aleine, med dip/saus og i sausar, gryter og supper. Dei kan steikast, dampast og kokast. Dei kan fyllast med akkurat det ein vil ha i sjølv. Dette vert eit av punkta på årets bucketlist. Ja, min type bucketlist er kanskje litt kjedeleg, men men. Lære å lage fine dumplings skal med likevel.

OLYMPUS DIGITAL CAMERA

OLYMPUS DIGITAL CAMERA

Åå, så fine ♥

 

Søndagstips: Blomkålbladchips

Då eg skulle lage den woken på torsdag så nytta eg ein heil blomkål. Det endte med at eg sto med ein heil masse friske og fine blomkålblad som eg synast det var for ille å kaste. Når eg lagar blomkålsuppe eller andre grønsakssupper brukar eg å hive alle dei fine blada i suppa òg. Stilk og blad og heile sulamitten.

OLYMPUS DIGITAL CAMERA

Eit kjapt internettsøk gav meg inspirasjon til å forsøke blomkålbladchips. Frå no av kjem eg ikkje berre til å sjå på sjølve blomkålen når eg handlar, men blada òg, for dèt var heilt nydeleg godt. Svoltne som vi var så endte denne chipsen opp som forrett hos oss.

OLYMPUS DIGITAL CAMERA

Oppskrift:
♥ Fine blomkålblad
♥ Nokre spiseskeier olivenolje
♥ Kvitløkspulver
♥ Dill

Eg hadde fyst blada og oljen i ein bolle og strødde deretter over krydderet før eg blanda det heile godt.

Dei vart steikt på 180° i 15-20 min.

Blada vart sprø og fulle av smak og stilken vart mør og smakte akkurat som vanlege blomkålkvastar. Sjølv om eg brukar blada i mykje anna vart eg overraska over akkurat kor smaksrike dei var. Desse og litt grønkålchips så kan ein nyte ei skikkelig sunn helg! 😀

OLYMPUS DIGITAL CAMERA

 

Til no har eg brukt blomkålblad og stilkar i supper, stapper, purèar og som chips. Bruksområda til ein blomkål er visstnok endelause.

Vegansk og glutenfri cookie dough-is

Fyste gongen eg prøvde meg på kokosis gjekk det så i dass som det kan gå. Den smakte alt for mykje kokos, den vart steinhard og full av iskrystallar. Eg trur at det faktisk er eit heilt år sidan eg forsøkte meg på is sist. Då eg gjekk forbi Tilbords for ei stund tilbake hadde dei isbollen/»ismaskina» til KitchenAid på sal. Det kunne eg sjølvsagt ikkje gå forbi. Etter ca. ein halvtime med «eg har fortjent dette fordi…(fyll inn kva som helst)», fekk eg jaggu med meg isbollen heim. Den er heilt gull. Eg er sikker på den kan gjere kva som helst til is og sorbet. Eg kan love deg at denne isen vert kremete, søt og kan lure alle former for veganskeptikarar!

No når eg skulle til å skrive om denne isen viser det seg at eg ikkje har notert oppskrifta eg laga meg sist. Dermed måtte eg til med ei ny runde islaging. Ikkje at det gjer noko (meir is), men søren òg. Det må eg verkeleg skjerpe meg på. Kvar gong eg liksom har tid til å poste noko har eg gløymt heile oppskrifta. Skulle gjerne visst korleis ein vart mindre surrehovud, eg.

OLYMPUS DIGITAL CAMERA

Nokre av ingrediensane som er nytta i isen. Ein kan sjølvsagt bytte ut alt med noko anna om ein vil det, men dette er dei eg har nytta. Agavesirupen nytta eg ikkje no, men den vart nytta sist eg laga same isen.

Oppskrift på isen*:
♥ 4 boksar kokoskrem (1 liter)
♥ 1 dl maplesirup
♥ 3 ss agavesirup
♥ 3 ts JBKM (johannesbrødkjernemjøl)
♥ 1/2 ts vaniljepulver

*Etter å ha forsøkt meg på denne isen to gongar har eg kome fram til ei oppskrift som er ein kombinasjon av begge forsøka.

Denne oppskrifta har eg satt saman av sikkert 15 ulike inspirasjonskjelder. Dermed kan eg vel seie at eg har laga den sjølv, men med god hjelp i frå det vide internett. Eg har funne haugevis med ingrediensar og tips til å lage vegansk is, men eg har forsøkt å sette saman ei som kan handlast på Meny. Det å jobbe med varer ein kan få tak i på daglegvarehandelen synast eg er so mykje kjekkare enn å måtte bestille frå nettet. Ikkje berre er det kjekkare, men det sparar miljø, støttar nærmiljøet og er tryggare. Woho!

For å få ein mest mogleg kremete is vil eg anbefale å berre nytte kokoskrem som base. Opprinneleg hadde eg skrive at det går heilt fint å nytte feit kokosmelk òg. Det er forsåvidt korrekt, men den ferdige isen fekk ein mykje hardare konsistens ved bruk av kokosmelk som base. Altså, dersom du skal lage denne isen vil eg anbefale å berre bruke kokoskrem. På denne måten vil du få ein kremete is som slår fløteisane ned i støvlane.

Forrige gong eg laga denne isen nytta eg både agavesirup og maplesirup, men då hadde eg ikkje sukker i. Pga. at agavesirupen er sinnsjukt søt må ein vere særs forsiktig i bruken av den. Elles kan ein vel hive i kva søtning ein vil. Ein kan sikkert berre nytte sukker og få same resultatet. Eg er glad i sirupsmaken ein får frå maplesirup, men prisen er ikkje like fin for ein student.
Edit: Isen får ein rundare og hakket betre smak ved bruk av agavesirup istaden for sukker, men ellers fungerar det like bra.

Framgangsmåte:
1. Varm opp kokosmelk/kokoskrem saman med søtning til det vert ei jamn masse.
2. Ha i JBKM. Dette kjem til å klumpe seg noko heilt sjukt. Ikkje stress av den grunn.
3. Bruk stavmiksaren i røra til det (igjen) vert ei jamn masse.
4. Ha i vaniljepulver
5. Kjøl ned røra til romtemperatur på kjøkkenbenken.
6. Fortsett nedkjøling av røra i kjøleskap i ca. 4 timar.
7. Køyr i ismaskin til massa har fått ein stivare konsistens.
8. Ha i kjeksdeig eller anna snacks du vil ha i isen din.
9. Frys ned.

* Punkt 7 og 8 kan gjerast om ein anna, det avheng av kva du skal ha i røra. Kjeksdeig er til dømes lurt å ha i til slutt i røreprosessen, mens nonstop kan ein nok ha i når som helst så lenge røra er kald.

OLYMPUS DIGITAL CAMERA

Samstundes som ein ventar på at isen skal kjøle seg ned, kan ein lage det ein vil ha i isen. Det treng for all del ikkje vere meir komplisert enn sjokoladebitar – ikkje at isen treng noko ekstra i det heile, men eg synast det er kjekt når eg fyst held på. Eg har, som overskrifta tilseier, laga kjeksdeig.

Oppskrift på kjeksdeig:
♥ 120 g smør
♥ 80 g sukker
♥ 100-150 g lyst, glutenfritt mjøl
♥ 50 g mørk sjokolade

OLYMPUS DIGITAL CAMERA

OLYMPUS DIGITAL CAMERA

Sidan dette smøret er vegansk og kvitt kan ein ikkje følgje den vanlege instruksjonen som er å piske smør og sukker til det blir kvitt. Berre pisk det heile til ei kremete og luftig masse før du tilsett mjølet så er du trygg.

Framgangsmåte:
1. Pisk smør og sukker til ei luftig og kremete masse
2. Tilsett mjøl til du har ei deig
3. Tilsett sjokoladebitar i ynskja storleik

For dei som har laga masse kjeks så vil nok oppskrifta på deiga virke litt merkeleg. Den har alt for mykje mjøl i seg til at det skal verte kjeks. Saken er, dersom ein lagar vanleg kjeksdeig og har det i isen vil heile greia berre bli ei stor smørje. Det fekk eg testa ut i dag. Dermed: Lag ei skikkelig god deig av kjeksdeiga. Skal du faktisk lage masse kjeks og ikkje deig til å ha i ein is, er denne oppskrifta her midt i blinken for det:

Oppskrift på kjeks som ikkje skal i isen:
♥ 250 g smør
♥ 170 g sukker
♥ 200 g fint, glutenfritt mjøl
♥ 50 g sjokoladebitar

OLYMPUS DIGITAL CAMERA

For at det faktisk skal bli cookie dough-bitar i isen bør deiga frysast ned og delast i bitar før den tilsettast isen. Eg gjer dette enkelt ved å legge eit bakepapir på ei flate, legge deiga på, og smørje den utover ved hjelp av eit anna bakepapir som berre vert liggande på toppen av deiga. Meget effektivt. Deretter legg eg deiga i frysen til isen er ferdig kjølt ned.

Samtidig som eg har ismassa i isbollen min har eg berre i bitane med kjeksdeig. Forrige gong gjekk det litt så som så, men resultatet vart likevel bra! Eit slikt prosjekt kan verke litt uoverkommeleg i starten, men dersom eg får det til, får du det til òg. Hadde dokke berre visst kor lite eg har både baka og laga søtsaker så hadde dokke nok blitt overbevist tvert. Om ikkje anna så er dette eit perfekt prosjekt til ei roleg helg!

OLYMPUS DIGITAL CAMERA

Eg skulle eigentleg ha isen i frysen i går, men eg gløymde heile greia så den har stått i kjøleskapet til i dag. Den skal sjå litt sånn her ut før du har den i frysen, men den treng nok ikkje vere så tjukk som min. Den skal vere litt pudding-aktig og seig.

OLYMPUS DIGITAL CAMERA

OLYMPUS DIGITAL CAMERA

Sjekk dèt resultatet då! Wooo! Dette er riktignok bilete frå forrige gong eg laga denne isen – då cookie dough-bitane vart vellykka. Det vart dei ikkje denne gongen, men då lærte eg at deiga må vere tjukk for å holde seg når isen vert rørt.

 

Øvrige tips:

Om du ikkje har stavmikser kan du enkelt blande JBKM i ein behaldar med 300 ml røre eller meir. Ein shaker eller eit tomt sylteglas er perfekte til dette. Husk å vere forsiktig – røra er særs varm! Viss du verken nyttar stavmiksar eller ein slik behaldar kan eg love deg at isen din vert full av klumpar.

Har du ikkje ismaskin så har eg lest at det skal vere mogleg å fryse isen ned utan. Då må ein visst røre i isen kvart 20. minutt. Dette har eg altså ikkje forsøkt sjølv enno, men eg har ein del av røra i frysen no og oppdatera dokke på det fortlaupande.
Edit: Eg gløymde å røre i isen kvart 20. minutt, dermed vart dette eit dårleg forsøk frå mi side. Det eg kan rapportere om, er at den ikkje hadde mykje iskrystallar og at den gjekk heilt fint å ete. Eg vil dermed tru at dersom ein huskar å røre i isen ofte så kan ein droppe ismaskina.

Denne isen smeltar mykje fortare enn fløyteis og kan dermed serverast få minutt etter den er tatt ut av frysen 😀

Bakt søtpotet med urtesmør og facon

Dette er kanskje det beste måltidet eg har laga nokon gong. Kombinasjonen av dei ulike smakane gjorde at dette sendte meg til himmelen. Det einaste som kanskje mangla var litt syre. Neste gong vil eg prøve litt sitron i urtesmøret mitt òg – anten i form av sitronmelisse eller berre nokre enkle sitrondråpar. Greit nok at dette måltidet tar litt tid å lage, men det meste av tida går til baking av søtpoteta og steiking av tofuen. Ellers var det andre ganske enkelt og greit.

OLYMPUS DIGITAL CAMERA

Til jul fekk eg meg ein mortel av lillesøstra mi. Igrunn er det ganske krise at eg ikkje har brukt den før no, men fy søren for ein kjekk sak å ha på kjøkkenet. Ein kan sjølvsagt lage urtesmør og liknande med stavmiksar òg, men det var noko med konsistensen på det heile no når eg nytta mortel som berre var heilt gull.

Oppskrift på urtesmøret:
♥ To blad fersk basilikum
♥ ca. to cm fersk chili
♥ To fedd kvitlauk
♥  1/2 ts dill
♥  1/2 ts maldonsalt
♥  1 pakke Smøremyk raps og kokos

Som vanleg kan ein bytte ut alt ferskt med krydder i pulverform og maldonsalt med kva som helst anna salt. Smøret spelar heller ikkje den store rolla anna enn at det kanskje bør vere litt nøytralt. Det vert sjølvsagt aller best resultat med ferske råvarer, men det seier seg vel kanskje heilt sjølv.

OLYMPUS DIGITAL CAMERA

Som ekstra tilbehør steikte eg sopp og tomatar i rapsolje på lav varme over lang tid.

OLYMPUS DIGITAL CAMERA

Desse tomatane har eg fått heilt dilla på. Når eg har god tid steiker eg dei berre på ei side til dei er gjennomsteikte. Då får dei ei fantastisk gyllen overflate og heile tomaten vert mør og proppfull av fantastiske smakar. Ja, adjektiva seier vel sitt. Eg har fullstendig dilla.

OLYMPUS DIGITAL CAMERA

Tofuen kjøper eg på Rema1000 på Exhibition. Eg trur ikkje Rema1000 skjønte heilt kva etterspørselen på tofuen var for tida for dèt sel ut fort, altså. Dei er utsolgt for tofu om lag tre av fire gongar eg er innom. No sist var eg skikkelig usportslig å kjøpte alt dei hadde. Høyrast ut som eg reiste heim med fem handleposar, men det var ikkje meir enn seks pakkar med tofu a 250g, gitt. Tofu smakar ganske lite for seg sjølv, men eg må seie at eg er mykje meir fan av å nytte tofu i diverse rettar enn til dømes kylling. Tofu kan ein nemleg gje akkurat den smaken ein sjølv vil. No i det siste har eg laga ein del facon med stor suksess. For dei som ikkje er inne i den her veggisterminologien så betyr det eigentleg berre steikt tofu med røyksmak. Eg var IKKJE positiv før eg testa dette ut sjølv, men sidan det er rimeleg poppis blandt veggisar måtte eg prøve det ut. Og veit dokke kva? Eg treng aldri å kjøpe bacon igjen. For å overbevise dokke enno meir: Eg laga facon til ei venninde som ikkje er veggis og ho elska det. I dag kjøpte ho faktisk inn ingrediensar for å lage det sjølv ♥  Hallo, det må vere overbevisande. Eg blir så glad!

Oppskrift på facon:
♥ 1-2 ss liquid smoke
♥ 3 ss næringsgjær
♥ 3-4 ss soyasaus
♥ 250 g tofu

For dokke som ikkje har næringsgjær i skapet så vil eg tru at ein kan bytte dette ut med kva som helst anna pulverisert form for gjevning. Eg vil foreslå heilt vanleg mjøl eller kanskje paprikakrydder. Dette har eg ikkje testa ut, men eg ser ikkje noko grunn til at det ikkje skal fungere. Veggisar nytta næringsgjær mest for B-vitaminen si skuld. Dersom ein ikkje har noko form for gjevning i røra mistar ein kanskje litt av konsistensen, men eg veit rett og slett ikkje. Eg må prøve det ut neste gong kjenner eg.

OLYMPUS DIGITAL CAMERA

Tofuen steiker eg på middels varme over lenger tid. Den er ferdig steikt når den har fått skorpe på seg. Vi har funne ut at det er fordelsmessig at tofuen er skjært opp i veldig små bitar når ein skal lage facon. Då blir den sprø og særs lik bacon. Vi har både skjært tofuen i terningar og i skiver. Begge funkar like bra!

Min liquid smoke har eg kjøpt på Meny. Den kostar om lag 50 kroner, men den varer i evigheiter.

OLYMPUS DIGITAL CAMERA

Når tofuen er steikt sprø er det berre å tilsette blandinga av liquid smoke, næringsgjær og soyasaus. Det kjem til å lukte røkeri på kjøkkenet ditt, og du kjem til å bli forelska i facon. I promise.

Eit lite tips viss du rynkar på nasa av denne røyksmaken er å lese på baksida av dei «røykte» varene du kjøper på butikken. Wink, wink, lissom.

OLYMPUS DIGITAL CAMERA

Søtpotetene prikka eg hol i med ein gaffel og heiv i ovnen. Dei fekk kose seg midt i ovnen på 200°C i ein og ein halv time. Steiketid varierar frå ein time til ein og ein halv, der må ein nesten berre prøve seg fram med størrelse og tid. Eg tok mine søtpoteter ut etter at det hadde osa ein del væske ut av dei. Det viser seg at då var i alle fall mine ferdige.

Når søtpotetene var ferdig bakt snitta eg dei på langs og hadde i mykje urtesmør. Dette fekk stå å trekke litt før eg la heile kunstverket på tallerkenane.

OLYMPUS DIGITAL CAMERA

Om du sei det ikkje ser fristande ut så trur eg faktisk ikkje på deg. Vi måtte ta ein siesta på langt over ein time etter dette måltidet. Det viser seg at ei heil søtpotet kanskje var litt mykje for magen min i alle fall.

OLYMPUS DIGITAL CAMERA

OLYMPUS DIGITAL CAMERA

Wææ, håpar dokke testar det ut altså! Det heile er kanskje litt vel dristig som eit onsdagsprosjekt, men kanskje på fræddan? Eg seier i alle fall ja takk til det.

Risnudlar og brennsnut

Ei vare eg har savna i ein glutenfri diett er pasta. Eg har gått heilt ut i frå at det er kveitemjøl i all pasta. Det viser seg sjølvsagt å vere delvis feil. Det er verkeleg kveitemjøl i mykje merkeleg, men ikkje i risnudlar! No når eg fyst hadde kjøpt inn desse risnudlane så kan eg ikkje skryte på meg at eg var særskild positiv. Det skulle vore eit uttrykk som gjekk noko sånnt som dette: «Med ei negativ innstilling vert ein alltid positivt overraska.» Det verkar til å vere tilfelle for min del i alle fall. Det einaste vi gjorde var å koke risnudlane og ha i smør etter at vatnet var tatt av. Greit nok, nudlande smakar nok ikkje særleg mykje for seg sjølv, men eg vel å sjå positivt på det. No kan eg velje kva pastaen min skal smake heilt sjølv. Det treng heller aldri å verte kjedeleg dersom ein tenker på alle moglegheitane i staden for avgrensingane.

OLYMPUS DIGITAL CAMERA

Risnudlane er nok heilt fantastiske med pesto, kvit saus, ostesaus, i buljong og i wok. Dersom ein skal ha dei i varme rettar vil eg foreslå å koke dei nesten ferdige og deretter tilsette dei på slutten av matlaginga. Dei vert nemlig ganske så skjøre om ein kokar dei for lenge. For all del, det vil nok ikkje spele noko rolle for smaken si skuld, men ein et med auga òg.

OLYMPUS DIGITAL CAMERA

Eg har skjønt at brennsnut er eit namn ein berre nyttar visse stadar. Sidan det kanskje treng forklaring for nokre kan eg seie at det eigentleg berre er ulike grønnsaker i suppe av buljong og vatn. Ein kan med andre ord ha i akkurat dei grønnsakene ein likar best sjølv. Vi har som regel i gulrot, potet, kålrabi, purre, løk og ulike krydder. Denne gongen hadde vi vel berre i alt for mykje pepper. Haha, vi sat og sveitta når vi åt. Jaja, betre lykke neste gong seier eg berre. Som i alle andre rettar er det greit å huske på at ulike typar grønsaker har ulike koketider. Potet tar til dømes lang tid, mens purre tar kort tid om ein likar den litt sprø. Det fine med dette er at ein kan hive i ein ingrediens og berre kutte opp alt det andre mens denne eine kokar aleine ei stund. Jubel for rask matlaging!

OLYMPUS DIGITAL CAMERA

Om ein derimot ikkje har i alt for mykje pepper er dette ei heilt fantastisk kvardagssuppe. Eg brukte forresten restane av denne suppa i tomatsuppa eg laga i går. Har dokke sett reklama MatPrat har for tida med den der gjenbruksgreia? Dette er i alle fall eit genialt eksempel på det. Altså, om ein har i ei potet og litt gulrot i ei tomatsuppe så er det ingen som kjem til å merke noko som helst.

OLYMPUS DIGITAL CAMERA

I mars har eg og typen forresten tenkt å forsøke å leve på eit så lavt matbudsjett som mogleg. Vi er i alle fall spente på korleis vi skal løyse den knipa. Eg har allereie juksa litt og kjøpt inn tofu for ein heil månad, så foreløpig ser det ut til å gå bra med ein sparsom månad. Haha!

Blomkål- og brokkolisuppe

Eg burde vel byrje å gje innlegga mine meir spanande namn, men kva skal ein liksom kalle dei? Blomkål- og brokkolisuppe med smak av vår? Haha, nei, eg trur eg held meg til dei vanlege overskriftene. Denne er i alle fall kremete og utruleg fyldig. Eg har tatt bilete av maten eg har laga i det siste, men eg har ikkje vore flink å dele den. No som vegansk og vegetarisk mat er i vinden er eg berre nøydd å hive meg på igjen. Eg blir så glad! Kan vere eg er for positiv, men eg trur verkeleg vi er på rett veg. Om ein ikkje gjer det heile veka så kan ein i alle fall bytte ut nokre av dei faste matvarene sine eit par gongar i veka utan problem. Kanskje vert tallerkenen din meir spanande av det òg? Kven veit!

OLYMPUS DIGITAL CAMERA

Eg har byrja i praksis som sjukepleiar og dette er sjølvsagt heilt sinnsvakt travelt. Trur ikkje det er mogleg å pynte på det ein gong. Ein skal liksom vere i praksis fire gongar i veka, gjere heftige innleveringsoppgåver og lese pensum samtidig. Dessutan har eg byrja å spele fotball igjen. Sistnemnde er forresten heilt vilt kjekt! Okei, blablabla. Dokke vil sikkert ha ei oppskrift.

OLYMPUS DIGITAL CAMERA

For å vere heilt ærleg så huskar eg ikkje nøyaktig oppskrift på denne, men eg lagar desse suppene som eg vanlegvis gjer og smell saman ei ca. oppskrift:

♥ Ein blomkål
♥ Ein brokkoli
♥ 2 dl soyafløyte
♥ 50 g smør
♥ Tilsett vatn til du har ønska konsistens
♥ Smak til med salt og pepper

Til baguettane laga eg kvitlaukssmør av ein boks Synnøve sin Smøremyk av raps og kokos og ca. 3 kvitlauksfedd. Kor mykje kvitlauk du nyttar må du sjølvsagt kjenne på sjølv. Eg er ganske vand med kvitlaukssmaken etter kvart og nyttar ganske mykje.

Eg dampa brokkoli og blomkål til dei vart heilt møre. Deretter heiv eg heile smørja i blendaren min. For at det faktisk skal bli suppe og ikkje purè puttar eg restvatnet etter dampinga i blendaren òg. På denne måten mistar ein lite vitaminar i prosessen. Kvastane eg har på toppen har eg tatt ut av gryta undervegs i dampinga. Eg likar at toppingen på suppa er litt sprø og tar dermed desse ut ein del minutt før eg sei meg nøgd med dei kvastane eg skal lage suppe av. Dessutan er det nydeleg godt med den konsistensskilnaden du får av heile grønnsaksbitar i ei kremete suppe.

OLYMPUS DIGITAL CAMERA

Du kan tenke deg at vi vart mette etter dette måltidet. Denne suppa passar like godt til både middag og kvelds. Dersom du vil ha ein ekstra ompfh i suppa kan du hive i eit kvitlauksfedd i blendaren òg. Det varierar veldig om eg gjer det eller ikkje. Med kvitlaukssmør på baguettane kan dette verte litt mykje. Andre gongar tar eg i nokre dråpar med sitronsaft berre for å få litt meir kontrastar i smakane. Litt gul lauk eller litt purre er forsåvidt òg gode eksempel på korleis ein skal variere kvardagssuppene sine. Det er ikkje mykje som skal til for å få det lille ekstra i desse grønnsakssuppene.

OLYMPUS DIGITAL CAMERA

Eg har forresten hatt ein del spanande prosjekt i det siste som eg tenkte eg skulle dele med dokke framover. Nokre av punkta på lista ser slik ut:

  • Facon
  • Vegansk og glutenfri cookie dough is
  • Vegansk parmesan
  • Tofu i ulike former
  • «Blomkålvingar» med røykaroma

Eg gledar meg så sjukt mykje til ein ny og inspirert matvår!

Min beste burger (sålangt)

Eg var rett og slett berre nøydd til å lage burger to dagar på rad. Eg har funne ei burgeroppskrift som i alle fall eg synast er perfekt. Eg kan driste meg til å seie at dei nesten smaker som kjøtt og at dei nesten ser ut som kjøtt. Men! Dokke! Dei er saftigare. Ååå, eg må varme meg en to no.

Oppskrifta bør lagast med stavmikser, blender eller foodprosessor. Man skal vel eigentleg ikkje ha bilete av sluttproduktet i starten av eit innlegg, men eg klarer ikkje å vente.

Sjå på dei då!!

OLYMPUS DIGITAL CAMERA

Hallo, det ser ut som litt lyse kjøttkaker, jo!

Okei, get it together, liksom. Dei er hovudsakleg laga av linser og champignon. For å få enno meir smak i dei har eg i løk, kvitløk, salt, pepper, ingefær og muskat. Dette er akkurat dei same ingrediensane ein nyttar i kjøttkaker.

Oppskrift del 1:
350 g hermetisert champignon
530 g raude linser
1,5 løk
3 fedd kvitløk
1 ts salt
1 ts pepper
1 ts ingefærpulver
1 ts muskat

Lenger nede finn du del 2 av oppskrifta. Den inneheld olje og mjøl.

Ingen av måla i denne oppskrifta er heilt nøyaktige. Som i alle andre oppskrifter er dette sånn ca. det eg hadde oppi og det er berre å prøve seg fram sjølv. Langt i frå er det nok ikkje.

OLYMPUS DIGITAL CAMERA

Eg starta med å ha alle ingrediensane utanom mjøl og olje i foodprosessoren og køyrte dette til ei jamn masse.

OLYMPUS DIGITAL CAMERA

OLYMPUS DIGITAL CAMERA

Dersom du steiker den massa du har fått vil burgerane bli litt vanskelege å jobbe med. Dette forsøkte eg for tre dagar sidan. Eg måtte i alle fall gje opp det prosjektet. Dokke skulle sett kor demotivert eg vart. Så kom eg på at mjøl er ein fin ting og eg lagde heller ei deig av heile greia. Her tippa eg at ein kan velje akkurat kva type mjøl ein vil ha i sjølv. Eg prøvar å bli kvitt nokre restar eg har i skapet og brukte dermed ganske mange forskjellige typar. Fyste gongen eg lagde desse trur eg at eg berre prukte Maizenna og potetmjøl. Det fungerte heilt topp.

Oppskrift del 2:
5 ss rapsolje
8 ss glutenfri mjølblanding (lys)
4 ss potetmjøl
2 ss fiberhusk
2 ss kikertmjøl

Det eg gjorde i denne delen var å flytte masse frå foodprosessor til bolle. Manuelt arbeid er veldig greit når ein lagar deig synast eg. Det er så mykje enklare å jobbe med deiga på denne måten. Eg tilsatte 5 ss rapsolje til massen og prøvde meg fram med mjøltypar til eg var fornøgd. I notatblokka mi står det f.eks. «5 ss mjøl + 1 + 1». Sånn jobbar eg forsåvidt heile vegen på kjøkkenet.

OLYMPUS DIGITAL CAMERA

Burgerane ser til og med flotte ut før dei er steikte. Eg hadde vatn på henda når eg forma burgerane og deretter trykte eg dei ned i steikepanna med steikespaden min. Derav alle desse strekane i dei.

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

Som tilbehør hadde eg; glutenfrie baguettar, dressing av sennep, majones og sylteagurk, steikte chilipoteter og steikt løk. Burgeren fylte eg ellers med dei grønnsakene eg hadde i kjøleskapet, i dette tilfellet vart det tomatar, spinat og gul paprika.

OLYMPUS DIGITAL CAMERA

Eg har i alle fall verken sett eller smakt ein så god vegansk burger før. No har eg ete den fire dagar på rad – så det seier vel sitt.

Håper dokke testar den ut! Som alle andre av mine oppskrifter er desse sjukt enkle å lage. Ein kan heller nesten ikkje gjere noko feil. Eit tips er å steike ei side av burgeren om gangen. Altså, ei side av gongen blir det vel uansett, men å steike ei side ferdig før du steiker den neste. Då vert dei lettare å snu og dermed held dei seg lettare fine. Eg steikte dei i ein del rapsolje og på medium høg varme. Då må ein sjølvsagt følge med på panna òg.

OLYMPUS DIGITAL CAMERA

Ps. Raude linser inneheld mykje av dei same næringsstoffa som ein får frå kjøt. Google it! Lite feitt og haugevis av protein, vitamin og mineral.

No skal vi besøke den nye leiligheta vår og måle opp alt sammen. Vi skal med andre ord finne ut kva møblar som passar inn og kva av våre møblar vi må kaste. Wææ! Vi skal flytte 😀

Smoothietid

Kva er den beste måten å bli frisk på? Det må vere smoothies. Så mykje næring i eit glas får ein vel få andre stadar. Her ein dag strumpla eg over ein artikkel med eit utval smoothies. Desse såg usedvanleg fristande ut og dermed måtte eg sjølvsagt teste dei ut. No har vi testa to av dei og ein improvisert med inpirasjon frå ein av dei i artikkelen. Orginalane kan du finne her. Sjå vekk i frå at poenget i denne artikkelen er slanking. For min del var det dei næringsrike ingrediensane i smoothiane som solgte. Reduksjon i vekt er ikkje mitt fokus. Det kan eg vel sjeldan understreke nok.

Vi skulle i utgangspunktet teste ut ein kokosmelksmoothie med hasselnøtter og kakao. Sidan vi ikkje hadde hasselnøtter testa vi korleis det vart med mandlar i staden. Smaken vart heilt tipp topp, men mandlane er nok lit grovare enn hasselnøttene – sjølv etter ein lang tur i blendaren. Dermed er det nok betre med hasselnøtter, men for all del, den var veldig god med mandlar òg.

Dersom dokke trykker dokke inn på artikkelen eg har linka til kan eg nemne at eg har prøvd ein nesten identisk smoothie som den dei kallar: «Grønn smoothie med mynte og spinat». Denne vart laga ved ei tidlegare anledning, men eg kan absolutt anbefale den òg!

Oppskrift:
2 porsjonar
♥ 2 dl mandlar
♥ 100 gram isbitar
♥ 1 dl rismelk
♥ 3 dl lett kokosmelk
♥ 1 ts honning
♥ 1 ts kakaopulver
♥ 1 stk banan

I den orginale oppskrifta nytta dei vaniljesukker i tillegg, men dette var absolutt ikkje naudsynt. Litt usikker på effekta frå ei ts med honning når det likevel er nytta banan som søtning, så eg trur igrunn ein heilt fint kan droppe denne ingrediensen òg.

OLYMPUS DIGITAL CAMERA

Kokosmelksmoothie med mandlar og kakao

Som sagt vart kokosmelksmoothien med hasselnøtter og kakao hakket betre enn den med mandlar. Smaken var igrunn ganske så lik, men det var konsistensen som gjorde at hasselnøtter vant likevel. Her er oppskrifta rimelig lik som den over.

Oppskrift:
2 porsjonar
♥ 2 dl hasselnøtter
♥ 2 dl rismelk
♥ 2 dl lett kokosmelk
♥ 1 ts honning
♥ 1 ts kakaopulver
♥ 1 stk banan

OLYMPUS DIGITAL CAMERA

OLYMPUS DIGITAL CAMERA

Kokosmelksmoothie med hasselnøtter og kakao

Av dei tre ulike vi har laga dei to siste dagane var det mangosmoothien med ingefær som stakk av med fysteplassen. Denne var heilt fantastisk god. Eit hint her er vel kanskje at du må like ingefær ganske så godt elles vil nok ikkje denne smothien vere noko for deg. Ingefærsmaken var sterk. For meg er det sjølvsagt heilt perfekt. Eg har hatt skikkelig vondt i halsen, men når eg drakk denne så berre røska den opp i alt grumset og fiksa heile opplegget. Altså, det er ikkje noko mirakeldrikk, eg er fortsatt sjuk, men her kan ein nesten bytte ut ibux med ein smoothie. I love it.

Oppskrift:
2 porsjonar
♥ 100 gram isbitar
♥ 1 stk mango
♥ 2 dl eplejuice
♥ 0,5 stk banan
♥ 30 gram ingefær
♥ Saft frå ein halv lime

Her har vi berre stjåle heile oppskrifta. Einaste skilnaden er at vi ikkje gidder å ha ei halv banan på kjøkkenbenken så vi heiv i ei heil banan i staden. Herregud, den ingefærsmaken kombinert med det søte og sure – eg kunne drokke litervis.

I dei orginale oppskriftene er det brukt kumelk i staden for rismelk. Eigentleg tvilar eg på at ein trenge å bruke verken kumelk eller rismelk og at det gjer særs lite forskjell om ein faktisk berre byttar ut melketypane med vatn eller meir kokosmelk.

OLYMPUS DIGITAL CAMERA

Mangosmoothie med ingefær

Om du vil ha begge porsjonane for deg sjølv kan ein f.eks. lagre desse i kjøleskap i eit tomt og vaska syltetøyglas til kvelden eller til dagen etterpå. Smoothiar har generell lav holdbarhetstid så eg ville nok ikkje venta for lenge med å drikke dei opp, men det tvilar eg sterkt på at blir eit problem uansett 😀

Mine beste knekkebrød

Eg har laga knekkebrød lenge. Enkelt og greit fordi holdbarheita er lang og det smakar kjempegodt til frokost. Derimot har eg aldri laga knekkebrød som eg er heilt og holdent fornøgd med – før no. Dette er faktisk dei beste knekkebrøda eg har laga nokon gong! Haha, sjølvskryt.

OLYMPUS DIGITAL CAMERA

Oppskrift:
→ 3 dl linfrø
→ 3 dl solsikkefrø
→ 3 dl sesamfrø
→ 3 dl havregryn
→ 3 dl mandelmjøl
→ 1 dl kokosmjøl
→ 3 ss kikertmjøl
→ 2 ts johannesbrødkjernemjøl
→ 9 dl vatn

Ikkje berre smakte det nydeleg, men denne oppskrifta skal eg klare å huske. 3 x alt utanom kokosmjøl, vatn og JBKM. For sånne nørds som meg er denne oppskrifta særs morosam.

OLYMPUS DIGITAL CAMERA

Framgangsmåte
→ Bland alt det tørre
→ Ha i litt og litt vatn. Husk at mine mål kan vere annleis enn dine og at mjølet mitt kan vere fuktigare/tørrare enn ditt. Vatnet må ein altså prøve seg litt fram med. Eg liker å ha ei ganske våt deig og heller tørke den ekstra lenge i ovnen på lav varme.
→ Smør deiga ut over to steikebrett. Mine var ganske tjukke då eg smørte dei utover. Husk at det forsvinn mykje vatn i ovnen!
→ Tørk deiga på 100-150°C på varmluft. For dokke som huskar tørking av kantarellane så er dette same metoden. Eg la ein klut mellom ovnsdøra og ovnen sånn at tørkeprosessen går lettare.
→ Knekkebrøda er ferdig tørka når dei ser ferdige ut – værre er det faktisk ikkje. Mine brukte ca. ein og ein halv time.

Dersom det skulle vere sånn at det nederste brettet i ovnen ikkje ser ferdig ut når det øvste gjer det (supervanleg) så steiker ein berre det nederste nokre ekstra minutt på slutten (doh).

OLYMPUS DIGITAL CAMERA

Etter jobb i går laga eg meg rørte jordbær og hadde på toppen. Eg kunne ete meg i hel på heilegreia. Det er noko med blandinga av kokos, mandlar og frø i desse knekkebrøda som berre får meg til å dåne. Og knekkebrødskeptikaren sjølv (typen) har til og med godkjent dei! Yey, endeleg!

OLYMPUS DIGITAL CAMERA

Dersom ein vil ha meir eksotiske knekkebrød kan ein for eksempel putte i urter, salt eller kva som helst anna krydder. Eg elskar for eksempel knekkebrød med tørka urter og salt i. Kvifor skal ein berre kunne gjere sånne morosame ting med brød, liksom? Beats me.